(پ۲۶،الفتح: ۲۹)                                میں ایمان اور اچھے کاموں والے ہیں بخشش اور بڑے ثواب کا ۔

پارہ2 سُوْرَ ۃُالْبَقَرَۃ آیت نمبر 218میں ارشاد ہوتا ہے:

اُولٰٓىٕكَ یَرْجُوْنَ رَحْمَتَ اللّٰهِؕ-وَ اللّٰهُ غَفُوْرٌ رَّحِیْمٌ(۲۱۸) (پ۲،البقرۃ:۲۱۸)

 ترجَمۂ کنز الایمان:وہ رَحْمتِ الٰہی کے اُمّیدوار ہیں اور اللّٰہ بخشنے والا مہربان ہے۔

صَلُّوْا عَلَی الْحَبِیْب!                                        صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!بیان کردہ  آیاتِ طیِّبہ سے یہ حقیقت روزِ روشن کی طرح عِیاں ہوجاتی ہے  کہ مَحبوبِِ رَبِِّ داوَرعَزَّ  وَجَلَّ و صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے تمام صَحابۂ کرام رَضِیَ اللّٰہُ تَعَالٰی عَنْہُم اَجْمَعِیْن کس قدر اَرفَع  واعلیٰ عِز ّوشان کے مالک تھے کہ جنہوں نے اپنی زِندگیاں اللہعَزَّ  وَجَلَّاوراُس کے رسولصَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ کی رِضا کے حُصول اور دِیْنِ اسلام کی سَربُلندی کے لئے وَقْف کر رکھی  تھیں،اِن مَردانِ عرب نے نبیِ کریم  صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ  کے شانہ بَشانہ رہ کر اِحْیائے دِیْن کی خاطِر ایسی ایسی قُربانیاں پیش کیں کہ جنہیں فراموش نہیں کیا جاسکتا،اللہعَزَّ  وَجَلَّنے میدانِ کار زار  کے اِن شَہسُواروں کواپنے پیارے محبوب  صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی خِدْمت گُزاری کے  طُفیل نہ صِرف اپنی بخشش و رِضا مندی اور جنَّت کی حَقْداری وغیرہ جیسے عظیمُ الشَّان اِنعامات سے نوازا بلکہ اُنہیں ملنے والی عطاؤں اور نوازشوں کا اپنے پاکیزہ کلام قرآنِ کریم میں جا بَجا تَذکرہ بھی اِرْشاد فرمایا تاکہ تاقیامت آنے والے مُسلمانوں کےدِلوں میں ان کی شان و عظمت مزید مُسْتَحْکَم ہوجائے۔آیاتِ قُرآنیہ کے علاوہ نبیِّ کریم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نےبھی اپنے لَبہائے مُبارَکہ سے  کبھی تو باِلْعُمُوم تمام صحابۂ کرام عَلَیْہِمُ الرِّضْوَان کے فَضائل بیان فرمائے اورکبھی نام لے لےکر ان کی شان و  عظمت اور قَدْرومَنْزلت اُجاگر فرمائی۔چُنانچہ