دَرَجہ میں ہوگا۔‘‘ (الریاض النضرۃ،الباب الاول،ذکر ماجاء فی الحث علی حبہم والاحسان الیہم …الخ ،۱/۲۲)

       مُحبانِ صحابہ کیلئے نِفاق سے بَراءَت کی بشارت بھی ہے چُنانچہ حضرت سَیِّدُنا انس رَضِیَ اللہُ تَعَالٰی عَنْہُ سے روایت ہے کہ سرکارِ نامدار،  شَہَنشاہِ اَبرار صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے ارشاد فرمایا: ’’ مَنْ اَحْسَنَ الْقَوْلَ فِیْ اَصْحَابِیْ فَقَدْ بَرِئَ مِنَ النِّفَاقِ‘‘یعنی جس نے میرے اَصحاب کے مُتعلِّق اچھی بات کہی تو وہ نفاق سے بَری ہوگیا۔(الریاض النضرۃ، الباب الاول ،ذکر ماجاء فی الحث علی حبہم والاحسان الیہم …الخ ،۱/۲۲)

صَلُّو ْا عَلَی الْحَبِیْب!                                          صَلَّی اللہُ تَعَالٰی عَلٰی مُحَمَّد

کتاب کاتَعارُف:

میٹھے میٹھے اسلامی بھائیو! صَحابۂ کِرام عَلَیْہِمُ الرِّضْوَان  کی شان اِس قدر بُلند  و بالا ہے کہ  زمانۂ قدیم سے اُن کی سیرتِ مُبارَکہ کے مُتَعَلِّق مُختلف کُتُب و رَسائل تصنیف کئے جاچکے ہیں اورتاحال یہ سلسلہ جاری وساری ہے ۔ اَلْحَمْدُ لِلّٰہ عَزَّ  وَجَلَّدعوتِ اسلامی کے اِشاعتی ادارے مکتبۃُ المدینہ  کی جانب سے  تادمِ بیان عشرۂ مُبَشَّرہ میں سے شیخینِ کریمین (سَیِّدُنا ابُوبکر صدیق اور سَیِّدُنا فاروقِ اعظم رَضِیَ اللّٰہُ تَعَالٰی عَنْہُما ) کی سیرت پرضخیم کُتُب بنام"فیضانِ صدیقِ اکبر رضی اللہ تعالیٰ عنہ"اور"فیضانِ فاروقِ اعظمرضی اللہ تعالیٰ عنہ کی2جلدیں اور چھ (6)صحابۂ کرام عَلَیْہِمُ الرِّضْوَان کی سیرت پر مُختصر رَسائل بھی شائع ہوچکے ہیں ۔ اس کے علاوہ صحابۂ کرام عَلَیْہِمُ الرِّضْوَان  کی  کرامات پر مُشْتمل بہت ہی  پیاری کتاب”کراماتِ صحابہ“ بھی  مکتبۃُ المدینہ سے ہدیۃً حاصل کی جاسکتی ہے۔اس کے علاوہ "فیضانِ اُمُّہات المؤمنین،فیضانِ عائشہ صدیقہ،شانِ خاتونِ جنّت" بھی شائع ہو چکی ہیں۔دعوتِ اسلامی کی ويب سائٹ www.dawateislami.net سے ان کتب ورسائل  کو رِيڈ(یعنی پڑھا) بھی جاسکتا ہے، ڈاؤن لوڈ (Download)بھی کيا جا سکتا ہے اور