Share this link via
حِرص (لالچ) جا نقصانات ۽ قَناعت جون بَرَڪتون
سُبحٰن اللّٰه عَزَّوَجَلَّ! معلوم ٿيو ته ہر حِرص قَبِيح (بُرو) ناهي بلڪه جيڪو حرْص آخِرَت سان لڳاپيل معاملن تي مَبْنِي ہجي اها قابلِ تعريف آهي، گڏوگڏ هي به معلوم ٿيو ته انسان ڪيتريون ئي نيڪيون ڪري پر نيڪين جي حرص ۾ ڪمي نه اچڻ گھرجي، البت دُنياوي مُعاملات ۾ قناعت ڪرڻ بهترين شيء آهي۔ اچو ته! قناعت جي تعريف ۽ اُن جي فضيلت جي باري ۾ ٻُڌون ٿا۔
قناعت جي تعريف
شيخُ الحديث حضرتِ علّامہ عبدُالمُصطَفيٰ اَعْظَمي رَحْمَةُ اللهِ تَعَالٰی عَلَيْه فرمائن ٿا ته انسان کي جيڪو ڪجھ خُدا (عَزَّوَجَلَّ) جي طرف کان مِلي وڃي ان تي راضي رهندي زندگي گذاريندي حرص ۽ لالچ کي ڇڏي ڏيڻ کي قناعت چوندا آهن۔ (جنتی زیور،ص۱۳۶بتغیر قلیل) جڏهن ته علّامہ مِير سَيد شريف جُرجاني حَنَفي رَحْمَةُ اللهِ تَعَالٰی عَلَيْه قناعت جي تعريف بيان ڪندي اِرشاد فرمائن ٿا: هِيَ السُّكُوۡنُ عِنۡدَ عَدَمِ الۡمَاۡلُوۡفَاتِ يعني روزمرّہ اِسْتِعْمال ٿيڻ وارين شين جي نه ہئڻ تي به راضي رہڻ قناعت آهي۔ (التعريفات للجرجانی،باب القاف،تحت اللفظ:القناعۃ، ص۱۲۶)
مٺا مٺا اسلامي ڀائرو! ياد رکو ته اَصل مالداري هي ناهي ته انسان وٽ گھڻو مال ۽ دولت ہجي بلڪه اَصل مالداري ته هي آهي ته جيڪڏهن مال هجي پر اُن تي قناعت حاصِل ہجي، ڇو جو مال ۽ دولت وارو شخص اهڙو مالدار آهي جو اُن کي ڪيترو ئي مال ڇو نه مِلي وڃي پر مزيد مال جي خواہش باقي رہندي آهي ۽ اِن مال ۾ گھٽتائي به ايندي رهندي آهي جڏهن ته قناعت ڪرڻ وارو شخص اهڙو مالدار آهي جو سندس ڪيترو ئي گھٽ مال ڇو نه ہجي پر اهو مزيد (گھڻي) جي خواهش ناهي ڪندو گڏوگڏ قناعت جي دولت ۾ ڪمي به نه ايندي آهي، بہرحال قناعت بهترين عادت آهي ۽ جنهن کي نصيب ٿي وڃي اهو دُنيا ۽ آخرت ۾ ڪامياب آهي۔ اچو ته قناعت جي رغبت پنهنجي دل ۾ پيدا ڪرڻ جي لاءِ انهي متعلق ڪجھ رِوايتون ٻُڌون:
BOOK TOPIC
- دُرودِ پاڪ جي فضيلت
- بيان ٻڌڻ جون نيّتون
- بيان ڪرڻ جون نِيّتون
- حِرص جون تباھ ڪاريون
- حِرۡص ڪنهن به شيء جو ٿي سگھي ٿو
- حرص ڇا کي چئبو آهي؟
- حرص جي مُتَعَلق ٽي (3) فَرامينِ مُصۡطَفٰي صَلَّي اللهُ تَعَالٰي عَلَيهِ وَاٰلِهٖ وَسَلَّم
- لالچ بُري بَلا آهي
- بَلعَم بِن باعُوراء جي بربادي جو سبب
- حريص (حِرص ڪندڙ) شخص فڪرِ آخرت کان غافل هوندو آهي
- ڊگھي سَفَر جو زادِ راھ (سامان)
- نيڪين جي حرص پيدا ڪريو
- قناعت جي تعريف
- گھڻو مالدار ڪير؟
- دولتِ بي زوال
- ڪامياب مسلمان
- حقيقي مالداري
- دُعاءِ رَسُول
- هڪ ڪامِل ولي جو قناعت جو انداز
- مُفتيِ دعوتِ اسلامي جي قناعت پسندي
- اَمِيرِ اَهلسُنت جي دُنيا کان بي رَغبَتي
- ڪتاب”حِرص“ جو تعارف
- بَيان جو خُلاصو
- دارُ الاِفتا اَهلِ سُنت جو قِيام
- ٻارنهن مدني ڪمن ۾ حصو وٺو
- جُتي پائڻ جون سُنتون ۽ آداب
- دعوتِ اسلامي جي هفتيوار سنتن ڀري اِجتِماع ۾ پڙهيا ويندڙ6 درود شريف ۽ 2 دعائون
