شيطاني وَسوَسن کان بچندي اِنهيءَ عقيدي تي ثابِت قدم رہڻ گھرجي ته نه صِرف سرڪارِ مدينه صَلَّى اللهُ تَعَالٰى عَلَيْهِ وَاٰلِهٖ وَسَلَّم بلڪه تمام اَنبياءِ ڪرام عَـلَيْـھمُ الـصَّلٰوة ُ وَالـسَّلَام پنهنجي قَبرن ۾ زندھ آهن جيئن ته؛ رَحمتِ عالَم، نُورِ مُجَسَّم صَلَّى اللهُ تَعَالٰى عَلَيْهِ وَاٰلِهٖ وَسَلَّم جو اِرشادِ حقيقت بنياد آهي: ”اَلاَنْبِيَاءُ اَحيَاءٌ فِي قُبُوْرِهِمْ يُصَلُّوْنَ يعني انبياءِ ڪرام عَـلَيْـھمُ الـصَّلٰوة ُ وَالـسَّلَام پنهنجي قبرن ۾ زِندھ آهن (۽) نمازون (به) ادا فرمائن ٿا۔“ ^([1]) هڪ ٻئي حديثِ پاڪ ۾ اِرشاد فرمايو: اِنَّ اللّٰهَ حَرَّمَ عَلَي الْاَرْضِ اَنْ تَـأْ كُلَ اَجْسَادَ الْاَنْبِيَاءِ فَنَبِيُّ اللّٰهِ حَيٌّ يُّرْزَقُ يعني بي شڪ اللہ عَزَّوَجَلَّ انبياءِ ڪرام عَـلَيْـھمُ الـصَّلٰوة ُ وَالـسَّلَام جي جسمن کي کائڻ زمين تي حرام ڪري ڇڏيو آهي ته اللہ عَزَّوَجَلَّ جا نبي زِندھ آهن، روزي ڏني ويندي آهي۔^([2])

تُو زِندہ ہے واللہ تُو زِندہ ہے واللہ

مِرے چشمِ عالَم سے چھُپ جانے والے (حدائقِ بخشش ص158)

صَــلُّـوْا عَـلَـی الْـحَبِيْـب!                                   صَـلَّـی اللهُ تَعالٰـی عَلـٰی مُـحَـمَّد

وقت جي قطب حضرت سيد اَحمد ڪبير رِفاعي رَحْمَةُ اللهِ تَعَالٰی عَلَيْه جو سفرِ مدينه

اِمامُ العارِفِين،غَوثِ زَمان حضرت سَيد احمد ڪبير رِفاعي رَحْمَةُ اللهِ تَعَالٰی عَلَيْه جڏهن حج کان فارِغ ٿي ڪري مَدِينَهء مُنَوَّرَہ (زَادَھَا الـلّٰـهُ شَرَفًاوَّتَعۡظِیۡمًا) روضهء اَنور تي حاضِر ٿيا ته عَرَبي ۾ هي ٻه اشعار پڙهيا: