مٺامٺا اسلامي ڀائرو! حرمين طيبين جي سفر جي سعادت جي تمنا هر هڪ عاشق جي دل ۾ هوندي آهي ۽ هئڻ به گھرجي. ڪجھ خوش نصيبن جون مُرادون پوريون ٿينديون آهن ۽ اهي بيتُ الله شريف جي زيارت ۽ حج جي ارڪان جي ادائيگي کان پوءِ روضهء رسول جي پُرڪيف جلون کان مستفيض ٿيندا آهن ۽ ڪجھ عاشقانِ رسول هر وقت مديني جي ياد ۾ بي چين رهندا آهن، بس انهن جي دل ۾ هڪ اها آرزو هوندي آهي ته!

۽ جيڪي خوش نصيب حج ۽ عُمري جي سعادت حاصل ڪري مدينو شريف گُھمي ايندا آهن ۽ نظرن سان سونهري ڄارين کي چُمي ايندا آهن انهن جي محبت گهٽ ناهي ٿيندي بلڪه اڃا وڌي ويندي آهي ۽ هر وقت مديني جي جُدائي ۾ بي قرار رهندا آهن ڄڻ ته اُهي زبانِ حال سان هيئن چئي رهيا هوندا آهن.