کمانا، لوگوں کے دلوں میں خوشی داخِل کرنا، نیکی کی دَعْوت دینا اور بُرائی سے روکنا،علمِ دین سکھانا، لوگوں کے دلوں میں عشقِ مصطفےٰ کے چَراغ رَوْشن کرنا، حمایتِ دین میں قلم چلانا،  خَوْفِ خدا اور عشقِ مصطفےٰ میں آنسوبہانا وغیرہ بھی عِبادت کے مفہوم میں شامِل ہیں اور ان پر اللہ عَزَّ  وَجَلَّکے فَضْل و کَرَم سے اَجْروثَواب بھی  ملے گا۔

اس  طرح دیکھا جائے تو اعلیٰ حضرت رَحْمَۃُ اللہِ تَعَالٰی عَلَیْہ کے شَب و روز عِبادت میں ہی بسر ہوتے نَظَر آتے ہیں۔ کیونکہ آپ رَحْمَۃُ اللہِ تَعَالٰی عَلَیْہ کا ہر ہر لمحہ علمِ دین پھیلانے،لوگوں میں اَدبِ مُصطفےٰ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے دِیے جَلانے ، دوسروں کی خَیْر خَواہی چاہنے اور ہر حوالے سے مُتَعَلِّقِیْن و مُحِبِّیْن کی تَرْبِیَت فرمانے میں گُزرا کرتا تھا۔

تیری ہر بات ہے آئینۂ حق و باطِل           تیرے ہر کام میں ہے رنگ نِرالا تیرا

                                                                                 (بیاضِ پاک،ص۳۴،۳۵)

اعلیٰ حضرت رَحْمَۃُ اللہِ تَعَالٰی عَلَیْہاکثر فِراقِ مصطفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّمَ میں غمگین رہتے اورسَردآہیں بھرا کرتے۔ گستاخانِ رسول کی گُستاخانہ عبارات کو دیکھتے تو آنکھوں سے آنسوؤں کی جَھڑی لگ جاتی اور پیارے مصطَفٰےصَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی حِمایت میں ان کا رَدّ کرتے۔حدائقِ بخشش شریف میں فرماتے ہیں:

کروں تیرے نام پہ جاں فِدا، نہ بس ایک جاں دوجہاں فِدا
دو جہاں سے بھی نہیں جی بھرا، کروں کیا کروڑوں جہاں نہیں

(حدائقِ بخشش،ص۱۰۹)

آپ رَحْمَۃُ اللہِ تَعَالٰی عَلَیْہغُرَبا کو کبھی خالی ہاتھ نہیں لوٹاتے تھے، ہمیشہ غریبوں کی اِمداد کرتے