والا!کہ اُس کی دُعا قَبول کی جائے۔ہے کوئی سائل! کہ اُس کا سُوال پورا کیا جائے۔اللہ تعالیٰ رَمَضَانُ الْمُبَارَک  کی ہرشب میں اِفطار کے وَقت ساٹھ ہزار(60,000) گُناہگاروں کو دوزخ سے آزاد فرمادیتا ہے۔اور عید کے دِن سارے مہینے کے برابر گُناہگاروں کی بخشِش کی جاتی ہے۔“(اَلدُّرالمَنْثُورج۱ ص۱۴۶)

        میٹھے میٹھے اسلامی بھائیو!ماہِ رَمَضَان کی ساعتیں کتنی بابرکت ہیں کہ ہرلمحہ بندوں میں رحمت و مغفرتِ اِلٰہی تقسیم ہورہی ہے ۔ یہ وہ ماہِ مُقدّس ہے جس کے دن روزوں میں اور راتیں تلاوتِ کلامِ پاک میں صَرْف ہوتی ہیں اور یہی دونوں چیزیں یعنی روزہ اور قُرآن روزِ مَحْشَر مُسلمان کیلئے شَفاعَت کاسامان بھی فراہم کریں گے ۔ چُنانچِہ،

روزہ و قرآن شفاعت کریں گے

رحمتِ عالمیان،سرورِ ذیشان صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ فرماتے ہیں:روزہ اور قُرآن بندے کیلئے قِیامت کے دن شَفَاعَت کریں گے۔روزہ عَرض کریگا:اے ربّ ِکریم عَزَّ  وَجَلَّ  ! میں نے کھانے اور خواہِشوں سے دن میں اِسے روک دیا، میری شَفاعَت اِس کے حَقّ میں قَبول فرما۔ قُرآن کہے گا : میں نے اِسے رات میں سونے سے باز رکھا،میری شَفَاعَت  اِس کے لئے قَبول کر ۔ پس دونوں کی شَفاعَتیں قَبول ہوں گی۔  (مُسند امام احمد ج۲ص۵۸۶حدیث۶۶۳۷)

بخشش کا بہانہ

اَمِیْرُالْمُؤمنِین حضرت مولائے کائنات،عَلِیُّ المُرتَضٰی شیْرِِخُداکَرَّمَ اللّٰہُ تَعَالٰی وَجْہَہُ الْکَرِیْمفرماتے ہیں:  ”اگر اللہعَزَّ  وَجَلَّ کواُمَّتِ مُحَمَّدِی صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ پر عذاب کرنا مَقْصُود ہوتا تَو ان کو رَمَضَان اور سُورۂ ” قُلْ هُوَ اللّٰهُ “ شریف ہرگِز عِنایت نہ فرماتا ۔“  (نُزْہَۃُ المجالِس ج۱ص۲۱۶) (فیضان سنت، ص۸۷۴)

ڈر تھا کہ عِصیاں کی سَزا اب ہوگی یا روزِ جَزا