Book Name:Ramadan ki Baharain
وبیش ساٹھ (60)اسلامی بھائیوں نے شَیْخِ طریقت، اَمِیْرِ اَہلسنّت دَامَتْ بَـرَکاتُہُمُ الْعَالِیَہ کی مَـعِـیَّت (ہمراہی) میں اِعتِکاف کرنے کی سَعادَت پائی، بڑھتے بڑھتے (تادمِ تحریر)یہ سلسلہ نہ صرف پاکستان بلکہ دُنیا کے مختلف ممالک میں پہنچ گیا ہے،یوں دُنیا کی بے شُمار مساجِد میں پورے ماہِ رَمَضَانُ الْمُبَارَک اور آخِری عَشرے کےاِعتِکاف کا اہتمام کیا جاتا ہے۔اِن میں ہزارہا اسلامی بھائی مُعْتَکِف ہوکردیگر عبادات کے ساتھ ساتھ علمِ دِین حاصل کرتے اورسُنّتوں کی تَرْبِیَتْ پاتے ہیں۔ نیز کئی مُعْتَکِفِیْن اختِتامِ رَمَضَانُ الْمُبَارَک پر چاند رات ہی سے عاشقانِ رسول کے ساتھ سُنّتوں کی تَرْبِیَتْ کے مَدَنی قافلوں کے مسافِر بن جاتے ہیں ۔ اس اجتماعی اِعتِکاف کی بھی خوب بہاریں ہیں ۔ چنانچہ،
مَرْکَزُ الْاَولیاء (لاہور) کے مقیم اسلامی بھائی کے تحریری بیان کا لُبِّ لُباب ہے کہ میں نے دعوتِ اِسلامی کے تحت رَمَضَانُ الْمُبَارَک میں ہونے والےپورے ماہِ رمضان کے اِعتِکاف میں شرکت کی سَعادَت حاصل کی۔ جَدْوَل کے مطابق نمازِ فَجْر کے بعد کنزُ الایمان شریف سے 3 آیات کا ترجمہ وتفسیرکامدنی حلقہ لگایا گیا،نمازِ اِشراق وچاشت ادا کرتے ہی ہر طرف سے صدا بلند ہونے لگی: ’’سو جائیے، مدینے کی یادوں میں کھو جائیے۔‘‘ میں نے مدینہ شریف کا تصوّر کیا اور سنّت کے مطابق لیٹ گیا، جونہی میری آنکھ لگی میں نے خواب میں دیکھاکہ بالکل فیضانِ مدینہ کی طرح مُعْتَکِف اسلامی بھائیوں کے حلقے خانہ کعبہ شریف میں لگے ہوئے ہیں۔ ہر طرف نور ہی نور ہے، اتنے میں کیا دیکھتا ہوں کہ ہمارے میٹھے میٹھے آقا، مدینے والے مصطفےٰ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ ایک جانب سے تشریف لا رہے ہیں اور آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَکے پیچھے پیچھے شیخِ طریقت، اَمِیْرِاَہلسنّت، بانی دعوتِ اسلامی، حضرت علامہ مولانا ابو بلال محمد الیاس عطار قادِری رَضَوی دَامَتْ بَـرَکاتُہُمُ الْعَالِیَہ بھی آ رہے ہیں۔ میٹھے میٹھے آقا