پارہ 6 سُورَۃُ الْمَائِدہ کی آیت نمبر 12 میں اِرْشاد ہوتاہے :

وَ قَالَ اللّٰهُ اِنِّیْ مَعَكُمْؕ-لَىٕنْ اَقَمْتُمُ الصَّلٰوةَ وَ اٰتَیْتُمُ الزَّكٰوةَ وَ اٰمَنْتُمْ بِرُسُلِیْ وَ عَزَّرْتُمُوْهُمْ وَ اَقْرَضْتُمُ اللّٰهَ قَرْضًا حَسَنًا لَّاُكَفِّرَنَّ عَنْكُمْ سَیِّاٰتِكُمْ وَ لَاُدْخِلَنَّكُمْ جَنّٰتٍ تَجْرِیْ مِنْ تَحْتِهَا الْاَنْهٰرُۚ- (پ6 ، المائدہ: 12)

تَرْجَمَۂ کنز الایمان :اور اللہ نے فرمایا بے شک میں تمہارے ساتھ ہوں ضَرور اگر تم نَماز قائم رکھو اور زکوٰۃ دواور میرے رَسُولوں پر اِیْمان لاؤ اور ان کی تَعْظِیْم کرواور اللہ کو قَر ضِ حَسن دو بے شک میں تُمہارے گُناہ اُتا ر دوں گا اور ضَرور تمہیں باغوں میں لے جاؤں گا جن کے نیچے  نہریں رَواں۔

سُبْحٰنَ اللہعَزَّ  وَجَلَّ  !نَمازیوں کے لئے اللہ عَزَّوَجَلَّ  کی بارگاہ میں کیسے کیسے اِنْعامات ہیں کہ کہیں انہیں جَنَّت ومَغْفِرت  کی بِشارتیں دی جارہی ہیں تو کہیں اَجْرِ عَظِیْم کی نَویدیں(خُوشخبریاں) سُنا ئی جارہی ہیں ۔ اَحادیثِ مُبارَکہ میں بھی نَماز کی بَہُت زِیادہ اَہَمیَّت اور رَغْبَت دِلائی گئی ہے،آئیے تَرغیب کے لیے  نَماز کے فَضائل پر چنداَحادیثِ مُبارَکہ سُنْتے ہیں ۔ چُنانچہ،

حَضْرتِ سَیِّدُنا عبدُاللّٰہ بن عُمررَضِیَ اللّٰہُ تَعالٰی عَنْہُما فرماتے ہیں کہ ایک شَخْص نے نُور کے پیکر، تمام نَبْیوں کے سَرْوَر صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ  کی بارگاہ میں حاضِر ہوکر سب سے اَفْضل عمل کے بارے میں سوال کیا تو رَسُوْلُ اللّٰہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے فرمایا: ”نَماز“اس نے پوچھا،”اس کے بعد ؟ “فرمایا: ”نَماز“اس نے عَرْض  کیا”اس کے بعد؟“ فرمایا:”نَماز“اس نےعَرْض  کیا”اس کے بعد؟“فرمایا: ”اللہعَزَّ  وَجَلَّ کی راہ میں جِہاد کرنا۔“(مسند امام احمد، مسند عبداللّٰه بن عمرو بن العاص ،٢/٥٨٠، حدیث:٦٦١٣)

میٹھے میٹھے اِسلامی بھائیو!دیکھا آپ نے کہ نَماز کس قَدر اَفْضل ہے کہ نَبیِّ کریم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے اَفْضَل اَعْمال کے بارے میں کئے گئے سوال کے  جواب میں تین مَرتبہ فر مایا :سب سے اَفْضل عمل نَمازہے اور چوتھی مَرتبہ جہاد کا نام اِرْشاد فرمایا۔لہٰذا ہمیں چاہئے کہ نَماز کو اپنے تمام تر دُنیوی