رَحمَۃُ اللّٰہ ِالْکافی کواہل ِبیت ِاطہار اورصحابۂ  کرام رِضْوانُ اللہِ  تَعالیٰ عَلَیْہِمْ اَجْمَعِیْن  سے مَحَبَّت اوران کی پیروی کے سبب اللہعَزَّ  وَجَلَّ   نے کس قَدر اِنْعام واِکْرام سے نوازا کہ  اِنہیں  نبیِّ کریم صَلَّی اللّٰہُ تَعَالٰی عَلَیْہِ واٰلہٖ وسلَّم کی زِیارت بھی نصیب ہوئی اور اپنے ہم عَصْر  اولیا میں  بُلند مَرتبہ پر فائز بھی فرمادیا۔ہمیں بھی  صحابۂ کرام  عَلَیْہِمُ الرِّضْوَان کی مَحَبَّت کو دل میں بساکر ان کے طریقے پر چلتے ہوئے زِندگی بَسر کرنی چاہیے اور جولوگ ان کی شان میں زبانِ طَعَن دَراز کرتے ہیں  ان  کی صُحْبت  سے دور  رہ  کر  ایسے   عاشقان ِرسول کی صُحْبت اپنالینی چاہیے کہ جو صحابۂ   کرام  عَلَیْہِمُ الرِّضْوَان کی خُوب خُوب   شان بیان کرتے ہوں،ان کا نام لیتے وقت زبانوں پرتَعْظِیماًرَضِیَ اللّٰہُ تَعَالٰی عَنْہُم جاری ہوجاتا ہو۔یادرکھئے !صحابۂ کرام عَلَیْہِمُ الرِّضْوَان کی تَعْظیم ہر مسلمان  پر لازم وضروری ہے ۔انبیائے کرام عَلَیْھِمُ الصَّلٰوۃُ والسَّلام کے بعد صحابۂ  کرام عَلَیْھِمُ الرِّضْوان تمام انسانوں میں سب سے زیادہ تَعْظیم و تَوْقِیْر کے لائق ہیں یہ وہ مُقَدَّس و مُبارک ہستیاں ہیں، جنہوں نے امامُ الانصار ِ وَالمہاجِرین، جنابِ رحمۃٌ لِّلْعٰلمین صَلَّی اللہُ تَعَالٰی عَلَیْہِ وَاٰلِہٖ وَسَلَّم کی دعوت پر لَبَّیْک کہا، دائرۂ اسلام میں داخل ہوئے اور تَن مَن دَھن سے اسلام کے آفاقی اور اَبَدی پیغام کو دُنیا کے گوشے  گوشے میں پہنچانے کے لیےکَمر بَسْتہ ہوگئے۔ تاریخ  گواہ ہے کہ ان مُبارک ہستیوں نے قرآن وحدیث کی تعلیمات کو عام کرنے اور پرچمِ اسلام کی سربلندی کے لیے ایسی بے مثال قربانیاں دی ہیں کہ آج جن کا تَصوُّر بھی مُشکل ہے۔ رسولِ اکرم، نُورِ مُجَسَّم صَلَّی اللہُ تَعَالٰی عَلَیْہِ وَاٰلِہٖ وَسَلَّم کے رُوئے زیبا کی زِیارت وہ عَظیم سعادت ہے کہ دُنیا جہاں کی کوئی نعمت اس کے برابر