نمایاں ہے اسلام کے گلستاں میں             ہر اک گل پہ رنگِ بہارِ صحابہ
کمالِ صحابہ، نبی کی تمنا                     جمال نبی ہے قرارِ صحابہ
یہ مہریں ہیں فرمان ِختم الرسل کی            ہے دین خدا شاہکارِ صحابہ
صحابہ ہیں تاجِ رسالت کے لشکر             رسولِ خدا تاجدارِ صحابہ
انہیں میں ہیں صدیق وفاروق وعثماں             انہیں میں علی شہسوارِ صحابہ
انہیں میں ہیں بدر واُحد کے مجاہد            لقب جن کا ہے جاں نثارِ صحابہ
انہیں میں ہیں اصحابِ شجرہ نمایاں          جنہیں کہتے ہیں راز دارِ صحابہ
انہیں میں حسین وحسن، فاطمہ ہیں           نبی کے جو ہیں گل عذارِ صحابہ