حضرت سعد بن عبادہ رَضِیَ اللہُ تَعَالٰی عَنْہُسے مروی ہے فرماتے ہیں ، میں نے عرض کی یارسول  اللہ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ میری والدہ فوت ہوگئیں تو کون سا صدقہ ان کے لئے بہتر ہے؟ فرمایا، پانی، تو انہوں نے کنواں کھدوایا اور کہا یہ کنواں سعد کی ماں کے (ایصالِ ثواب کے) لئے ہے۔

        شیخ طریقت، امیر اہل سنت، بانی دعوت اسلامی حضرت علامہ مولانا ابو بلال محمد الیاس عطارؔ قادری رضوی ضیائی دَامَتْ بَرَکاتُہُمُ الْعَالِیَہ ’’نماز کے احکام‘‘ میں فرماتے ہیں :

        میٹھے میٹھے اسلامی بھائیو! سیدنا سعد رَضِیَ اللہُ تَعَالٰی عَنْہُکا کہنا کہ یہ کنواں ام سعد کے لیے ہے، اس کے معنی یہ ہیں کہ یہ کنواں سعد کی ماںرَضِیَ اللہُ تَعَالٰی عَنْہُمَاکے ایصال ثواب کے لیے ہے ۔ اس سے یہ بھی معلوم ہوا کہ مسلمانوں کا گائے یا بکرے وغیرہ کو بزرگوں کی طرف منسوب کرنا مثلا یہ کہنا کہ ’’ یہ سیدنا غوث پاک رَضِیَ اللہُ تَعَالٰی عَنْہُکا بکرا ہے‘‘ اس میں کوئی حرج نہیں کہ اس سے مراد بھی یہی ہے کہ یہ بکرا غوث پاک رَضِیَ اللہُ تَعَالٰی عَنْہُکے ایصال ثواب کے لیے ہے اور قربانی کے جانور کو بھی تو لوگ ایک دوسرے ہی کی طرف منسوب کرتے ہیں ، مثلاً کوئی اپنی قربانی کی گائے لئے چلا آرہا ہو اور اگر آپ اس سے پوچھیں کہ یہ کس کی ہے تو اس نے یہی جواب دینا ہے ’’ میری گائے ہے‘‘ جب یہ کہنے والے پر اعتراض نہیں تو ’’غوث پاک کا بکرا‘‘ کہنے والے پر بھی کوئی اعتراض نہیں ہو سکتا۔ حقیقت میں ہر شے کا مالک  اللہ  عَزَّ وَجَلَّ ہی ہے اور قربانی کی گائے ہو یا غوث پاک کا بکرا ہر ذبیحہ کے ذبح کے وقت  اللہ  عَزَّ وَجَلَّ  کا نام لیا جاتا ہے،  اللہ  وسوسوں سے نجات بخشے! اٰمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلہٖ وَسَلَّم[1]^؎

        کنواں کھدوانے والے کے لئے بروزِ قیامت بڑا اجر ہے، حدیث شریف میں ہے :

عَنْ جَابِرٍرَضِیَ اللّٰہُ تَعَالٰی عَنْہُ أَنَّ رَسُوْلَ اللّٰہِ  صَلَّی اللّٰہُ تَعَالٰی عَلَیْہِ وَسَلَّمَ

حضرت جابر رَضِیَ اللہُ تَعَالٰی عَنْہُسے مروی ہے کہ خاتم المرسلین، رحمۃ للعالمین، شفیع المذنبین، انیس الغریبین، سراج السالکین، محبوب رب العالمین، قَالَ :  ’’مَنْ حَفَرَ مَائً لَمْ تَشْرَبْ مِنْہُ کَبِدٌ حَرّٰی مِنْ جِنٍّ وَلَا إِنْسٍ وَلَا طَائِرٍ إِلَّا أَجَرَہُ اللّٰہُ یَوْمَ الْقِیَامَۃِ‘‘۔[2]^؎

جناب صادق و امین صَلَّی اللہُ تَعَالٰی عَلَیْہِ وَاٰلِہٖ وَسَلَّمَنے فرمایا، جو پانی کا کنواں کھُدوائے تو اسے بروزِ قیامت اس سے ہر ذی روح جِنّ و اِنس اور پرندے کے پانی پینے کا اجر  اللہ   تَعَالٰی  عطا فرمائے گا۔

        اپنی ضرورت سے زائد پانی کو دوسروں سے روک لینے والے کے لیے حدیث پاک میں وعید آئی ہے چنانچہ :

عَنْ أَبِيْ ھُرَیْرَۃَرَضِیَ اللّٰہُ تَعَالٰی عَنْہُ قَالَ :  قَالَ رَسُوْلُ اللّٰہِصَلَّی اللّٰہُ تَعَالٰی عَلَیْہِ وَسَلَّمَ :  ’’ثَلَاثَۃٌ لَا یُکَلِّمُھُمُ اللّٰہُ یَوْمَ الْقِیَامَۃِ، وَلَا یَنْظُرُ إِلَیْھِمْ :  رَجُلٌ حَلَفَ عَلٰی سَلْعَۃٍ لَقَدْ أُعْطِيَ بِھَا اَکَثَرَ مِمَّا أُعْطِيَ وَہُوَ کَاذِبٌ وَرَجُلٌ حَلَفَ عَلٰی یَمِیْنٍ

حضرت ابو ہریرہ رَضِیَ اللہُ تَعَالٰی عَنْہُسے مروی ہے، فرماتے ہیں ، تاجداررسالت، شہنشاہ نبوت، مخزنِ جودوسخاوت، پیکر عظمت و شرافت، محبوب ر ب العزت، محسن انسانیت صَلَّی اللہُ تَعَالٰی عَلَیْہِ وَاٰلِہٖ وَسَلَّمَنے فرمایا، تین شخص ہیں جن سے قیامت کے دن  اللہ  نہ کلام فرمائے گا اور نہ انہیں رحمت کی نظر سے دیکھے گا، ایک وہ شخص جوکسی سامان پر قسم کھائے کہ مجھے پہلے اس سے زیادہ قیمت ملتی رہی حالانکہ وہ جھوٹا ہو اور ایک وہ شخص جو عصر کے بعدکَاذِبَۃٍ بَعْدَ الْعَصْرِ لِیَقْتَطِعَ بِھَا مَالَ رَجُلٍ مُسْلِمٍ، وَرَجُلٌ مَنَعَ فَضْلَ مَائٍ، فَیَقُوْلُ اللّٰہُ :  الْیَوْمَ أَمْنَعُکَ فَضْلِيْ کَمَا مَنَعْتَ فَضْلَمَا لَمْ تَعْمَلْ یَدَاکَ‘‘ الحدیث۔[3]^؎

 جھوٹی قسم کھائے تاکہ اس قسم سے مسلمان شخص کا مال مارے اور ایک وہ شخص جو بچا ہوا پانی روکے،  اللہ   تَعَالٰی  فرمائے گا کہ آج میں تجھ سے اپنا فضل روکتا ہوں جیسے تو نے بچا ہوا پانی روکا تھا جسے تیرے ہاتھوں نے نہ بنایا تھا۔

        ’’کلام سے کلامِ محبت اور نظر سے نظرِ رحمت مراد ہے ورنہ غضب کا کلام اور قہر کی نظر تو کفار پر بھی ہوگی‘‘۔

        ’’گزرگاہ عام پر غیر مملوک پانی اسکی حاجت سے زائد ہو، پھر وہ مسافروں اور جانوروں کو نہ پینے دے، لہٰذا اس حکم سے وہ لوگ خارج ہیں جو پانی بیچ کر اپنا گزارہ کرتے ہیں ، کہ وہ پانی ان کے اپنے کنوئیں کا ہوتا ہے یا دور سے لایا ہوا‘‘۔

        وہ فرمان کہ جسے تیرے ہاتھوں نے نہ بنایا تھا، ’’اس جملہ میں بھی اشارہ اس طرف ہے کہ اپنا کھودا ہوا کنواں یا اپنا جمع کیا ہوا پانی اپنی ملکیت ہے جسے فروخت کرنا بلاکراہت جائز ہے۔ ید سے مراد کوشش اور محنت ہے‘‘۔[4]^؎