عیون الحکایات (حصہ:۱)

کتاب میں نتائج:

حکایت نمبر177: کیابیماری بذاتِ خود دوا بن سکتی ہے۔؟

سید الطائفہ حضرت سیدنا جنیدبغدادی علیہ رحمۃ اللہ الہادی فرماتے ہیں :’’ایک رات مجھے بڑی بے چینی ہوئی۔ میں عبادتِ الٰہی عزوجل میں مشغول رہا لیکن سکون مجھ سے کوسوں دور تھا۔ میں نے خوب کوشش کی کہ عبادت میں یکسوئی اورخشوع وخضوع حاصل ہوجائے لیکن میں اس کوشش میں کامیاب نہ ہوسکا۔ پھر میں نے قرآنِ پاک کی تلاوت شروع کردی لیکن مجھے پھر بھی یکسوئی اوردلی سکون حاصل نہ ہوا۔میں بہت حیران تھاکہ آخر آج ایسی کیا بات ہے کہ مجھے عبادتِ الہٰی عزوجل میں یکسوئی حاصل نہیں ہورہی او رمیرا سکون مجھ سے دور ہو گیا ہے ۔آخر کار رات کے پچھلے پہر میں نے اپنی چادر کندھے پر ڈالی اورگھر سے باہر نکل آیا۔ کچھ دور جاکر راستے میں مجھے ایک شخص نظر آیا جو چادرمیں لپٹا ہوا تھا۔

جب میں اس کے قریب گیا تو اس نے اپنا سر اٹھایا اورمجھ سے پوچھا : ’’تم اتنے پریشان کیوں ہو؟کیا قیامت برپا ہو چکی ہے؟ ‘‘میں نے کہا :’’ کیاقیامت کا مقررہ دن آگیا ہے؟‘‘ اس شخص نے کہا:’’ نہیں ،بلکہ میں تویہ پوچھ رہا ہوں کہ کیا تم دل کی ہلچل اوربے چینی کی وجہ سے پریشان ہوکر دلی سکون حاصل کرنے جارہے ہو؟‘‘میں نے کہا :’’جی ہاں ! واقعی میں دِلی سکون کی تلاش میں باہر نکلا ہوں اور یہ جاننا چاہتاہوں کہ کس وجہ سے مجھے آج رات سکون نہیں مل رہا؟(پھر میں نے اس سے پوچھا:)’’ اچھا یہ بتاؤ!کیا تمہیں مجھ سے کوئی حاجت ہے ؟‘‘اس شخص نے جواب دیا:’’ ہاں ، مجھے تم سے حاجت ہے ۔‘‘میں نے استفسار کیا: ’’بتاؤ،کیا حاجت ہے؟‘‘اس نے جواب دیا:’’ اے ابوقاسم رحمۃ اللہ تعالیٰ علیہ !مجھے یہ بتائیے، کیا کوئی ایسی صورت بھی ہے کہ بیماری خود ہی دوا بن جائے ؟‘‘میں نے کہا:’’ جی ہاں ، ایک صورت ایسی ہے کہ بیماری خود دوا بن جاتی ہے ۔ غور سے سن !جب تُوخواہشات نفسانیہ کی مخالفت کرے گا تو دل کی تمام بیماریاں تجھ سے دور ہو جائیں گی اور یہی بیماریاں دوا بن جائیں گی ۔ ‘‘

یہ سن کر اس شخص نے ایک آہِ سرد دلِ پُر درد سے کھینچی اور کہنے لگا:’’ مجھے آج رات اس سوال کا جواب سات مرتبہ اسی طرح دیا جاچکا ہے لیکن میری یہ خواہش تھی کہ میں آپ کی زبانی اپنے سوال کا جواب سنوں۔ اللہ عزوجل کے فضل وکرم سے میری یہ خواہش پوری ہوگئی اورمیں آپ رحمۃا للہ تعالیٰ علیہ کی مبارک زبان سے اپنے سوال کا جواب سن چکا۔‘‘اتنا کہنے کے بعد وہ شخص وہاں سے رخصت ہوگیا اور پھردوبارہ کبھی نظر نہ آیا۔‘‘

{اللہ عزوجل کی اُن پر رحمت ہو۔۔اور۔۔ اُن کے صدقے ہماری مغفرت ہو۔آمین بجاہ النبی الامین صلی اللہ تعالی علیہ وسلم}

۷ ۷ ۷ ۷ ۷ ۷ ۷ ۷ ۷

کتاب کا موضوع

صراط الجنان

موبائل ایپلیکیشن

Play Store App Store

معرفۃ القرآن

موبائل ایپلیکیشن

Play Store App Store

فیضانِ حدیث

موبائل ایپلیکیشن

Play Store App Store

پریئر ٹائمز

موبائل ایپلیکیشن

Play Store App Store

ریڈ اینڈ لسن

موبائل ایپلیکیشن

Play Store App Store

اسلامک ای بک لائبریری

موبائل ایپلیکیشن

Play Store App Store

نعت کلیکشن

موبائل ایپلیکیشن

Play Store App Store

بہار شریعت

موبائل ایپلیکیشن

Play Store App Store

فیڈبیک

اپنی قیمتی آراء دینے کے لئے support@dawateislami.net پر ای میل کیجئے یا فیڈ بیک کے بٹن پر کلک کیجئے

ڈونیشن

اپنے عطیات دعوت اسلامی کو دیجئے، آپ کے چندے یعنی ڈونیشن کو کسی بھی جائز، دینی، اصلاحی، فلاحی، روحانی، خیرخواہی، بھلائی اور آمدنی بڑھانے کے جائز اور محفوظ کام میں لگایا جا سکتا ہے تا کہ بڑھتے اخراجات کو پورا کیا جا سکے.

سرچ کریں

کتابیں منتخب کریں

کیٹیگری سیلیکٹ کریں

کتاب میں نتائج: