عیون الحکایات (حصہ:۱)

کتاب میں نتائج:

حکایت نمبر68: چرواہے کی حکیمانہ باتیں

حضرت سیدنا نافع رضی اللہ تعالیٰ عنہ فرماتے ہیں :’’ایک مرتبہ میں حضرت سیدنا عبداللہ بن عمر رضی اللہ تعالیٰ عنہماکے ساتھ مدینہ منورہ کی ایک وادی میں گیا۔ ہمارے ساتھ کچھ اور لوگ بھی تھے ۔گرمی اپنے جوبن پر تھی گویا سورج آگ بر سارہا تھا ۔ہم نے ایک سایہ دار جگہ میں دستر خوان لگایا اور سب مل کر کھانا کھانے لگے ۔ تھوڑی دیر بعد ہمارے قریب سے ایک چرواہا گزرا ، حضر ت سیدنا عبداللہ بن عمررضی اللہ تعالیٰ عنہما نے اس سے فرمایا:’’ آیئے !آپ بھی ہمارے ساتھ کھانا تناول فرمائیے ۔‘‘چرواہے نے جواب دیا: ’’میرا روزہ ہے ۔‘‘

آپ رضی اللہ تعالیٰ عنہنے اس سے فرمایا:’’ تواس شدید گرمی کے عالم میں سارا دن جنگل میں بکریاں چراتا ہے، تواتنی مشقت کا کام کرتا ہے اور پھر بھی تو نے نفلی روزہ رکھا ہوا ہے؟ کیاتجھ پر نفلی روزہ رکھنا ضروری ہے؟‘‘

یہ سن کر وہ چرواہا کہنے لگا :’’کیا وہ وقت آگیا جن کے بارے میں قرآن پاک میں فرمایا گیا:

کُلُوْاوَاشْرَبُوْا ھَنِیْٓئًابِمَآ اَسْلَفْتُمْ

فِی الْاَیَّامِ الْخَالِیَۃِ0(پ۲۹، الحآ قۃ:۲۴)

ترجمۂ کنزالایمان:کھاؤاورپیؤ رچتاہوا ،صلہ اس کا جو تم نے گزرے دنوں میں آگے بھیجا۔

حضرت سیدنا عبد اللہ بن عمررضی اللہ تعالیٰ عنہما اس چرواہے کی حکیما نہ باتیں سن کر بڑے حیران ہوئے او راس سے فرمانے لگے: ’’ تم ہمیں ایک بکری فروخت کر دو ہم اسے ذبح کریں گے، اور تمہیں بکری کی مناسب قیمت بھی دیں گے۔‘‘ آپ ر ضی اللہ تعالیٰ عنہکی یہ بات سن کرو ہ چرواہا عرض گزار ہوا :’’ حضور! یہ بکریاں میری ملکیت میں نہیں بلکہ یہ میرے آقا کی ہیں ، میں تو غلام ہوں میں انہیں کیسے فروخت کر سکتاہوں ؟‘‘ آپ رضی اللہ تعالیٰ عنہ اس کی امانت داری سے بہت متا ثر ہوئے ۔اور ہم سے فرمایا: ’’یہ بھی تو ممکن تھا کہ یہ چرواہا ہمیں بکری بیچ دیتا اور جب اس کا آقا پوچھتا تو جھوٹ بول دیتا کہ بکری کو بھیڑیا کھا گیا لیکن دیکھو یہ کتنا امین ومتقی چرواہا ہے ۔‘‘

چرواہے نے بھی یہ بات سن لی۔ اس نے آسمان کی طرف انگلی اٹھائی اور یہ کہتے ہوئے وہاں سے چلا گیا، ’’اگر چہ میرا آقا مجھے نہیں دیکھ رہا لیکن میرا پر وردگار عزوجل تو مجھے دیکھ رہا ہے ،میرا رب عزوجل تو میرے ہر ہر فعل سے باخبر ہے۔‘‘

حضرت سیدنا عبداللہ بن عمر رضی اللہ تعالیٰ عنہما اس چرواہے کی باتوں اور نیک سیرت سے بہت متا ثر ہوئے اور آپ رضی اللہ تعالیٰ عنہ اس چرواہے کے مالک کے پاس پہنچے اور اس نیک چرواہے کو خر ید کر آزاد کردیا اور ساری بکریاں بھی خرید کر اس چرواہے کو ہبہ کردیں۔ {اللہ عزوجل کی اُن پر رحمت ہو۔۔اور۔۔ اُن کے صدقے ہماری مغفرت ہو۔آمین بجاہ النبی الامین صلی اللہ تعالی علیہ وسلم}

کتاب کا موضوع

صراط الجنان

موبائل ایپلیکیشن

Play Store App Store

معرفۃ القرآن

موبائل ایپلیکیشن

Play Store App Store

فیضانِ حدیث

موبائل ایپلیکیشن

Play Store App Store

پریئر ٹائمز

موبائل ایپلیکیشن

Play Store App Store

ریڈ اینڈ لسن

موبائل ایپلیکیشن

Play Store App Store

اسلامک ای بک لائبریری

موبائل ایپلیکیشن

Play Store App Store

نعت کلیکشن

موبائل ایپلیکیشن

Play Store App Store

بہار شریعت

موبائل ایپلیکیشن

Play Store App Store

فیڈبیک

اپنی قیمتی آراء دینے کے لئے support@dawateislami.net پر ای میل کیجئے یا فیڈ بیک کے بٹن پر کلک کیجئے

ڈونیشن

اپنے عطیات دعوت اسلامی کو دیجئے، آپ کے چندے یعنی ڈونیشن کو کسی بھی جائز، دینی، اصلاحی، فلاحی، روحانی، خیرخواہی، بھلائی اور آمدنی بڑھانے کے جائز اور محفوظ کام میں لگایا جا سکتا ہے تا کہ بڑھتے اخراجات کو پورا کیا جا سکے.

سرچ کریں

کتابیں منتخب کریں

کیٹیگری سیلیکٹ کریں

کتاب میں نتائج: