(۲۱)  شِفاخانے :  محدود پیمانے پر شِفاخانے بھی قائم ہیں  جہاں  بیمار طُلَباء اورمدنی عَملہ کامُفت علاج کیا جاتاہے ۔ضرورتاًداخل بھی کرتے ہیں  نیز حسب ضرورت بڑے اسپتالوں  کے ذریعے بھی علاج کی ترکیب بنائی جاتی ہے۔

(۲۲)  تَخَصُّص فِی الْفِقْہ : یعنی ’’مفتی کورس ‘‘کا بھی سلسلہ ہے جس میں مُتَعَدَّد عُلَمائے کرام اِفتاء کی تربِیَّت پارہے ہیں  ۔

 (۲۳)  دارُ الافتاء اہلِ سنت :    مسلمانوں  کے شَرعی مسائل کے حل کے لئے مُتَعَدَّد ’’دارُ الافتائی ‘‘ قائم کئے گئے ہیں  جہاں  دعوتِ اسلامی کے مبلغین مفتیانِ کرام ، باِلمشافہ ، تحریری اور مکتوبات کے ذَرِیعے شَرعی مسائل کا حل پیش کررہے ہیں ۔اکثر فتاوٰی کمپیوٹر پر کمپوزکرکے دئیے جاتے ہیں  ۔

(۲۴) انٹرنیٹ : انٹرینٹ کی ویب سائٹ www.dawateislami.net کے ذَرِیعہ دنیا بھر میں  اسلام کا پیغام عام کیا جارہا ہے ۔

(۲۵)ASK THE IMAM :  دعوتِ اسلامی کی website میں   ASK THE IMAMپر دنیا بھر کے مسلمانوں  کی طرف سے پوچھے جانے والے مسائل کا حل بتایا جاتا ، کفّار کے اسلام پر اعتِراضات کے جوابات دیئے جاتے اور ان کو اسلام کی دعوت پیش کی جاتی ہے۔

(۲۶، ۲۷)  مکتبۃُ المدینہ اور المد ینۃُ العِلمیّۃ :  ان دونوں  اداروں  کے ذَرِیعے سرکارِ اعلیٰحضرت اور دیگر عُلَمائے اہلسنّت کی کتابیں  زیورِ طبع سے آراستہ ہوکرلاکھوں  لاکھ کی تعداد میں  عوام کے ہاتھوں میں  پہنچ کر سنتوں  کے پھول کھلارہی ہیں ۔ اَلْحَمْدُلِلّٰہ عزوجل  دعوتِ اسلامی نے اپنا پریس بھی قائم کر لیا ہے۔نیز سنَّتوں  بھرے بیانات اور مَدَنی مذاکرات کی لاکھوں  کیسیٹیں بھی دنیا بھر میں  پہنچیں  اورپہنچ رہی ہیں ۔

(۲۸) مجلسِ تفتیشِ کُتُب ورسائل : غیرمحتاط کُتب چھاپنے کے سبب امّت مسلمہ میں  پھیلنے والی گمراہی اور ہونے والے گناہِ جارِیّہ کے سدِّ باب کے لئے ’’ مجلسِ تفتیشِ کُتُب ورسائل ‘‘قائم ہے جومُصَنِّفِین و مُؤَ لِّفِین کی کُتُب کو عقائد ، کفرِیاّت ، اَخلاقیات ، عَرَبی عبارات اورفقہی مسائل کے حوالے سے ملاحَظہ کرکے سند جاری کر تی ہے ۔

(۲۹) مختلف کورسز :  مُبَلِّغینکی تربیَّت کے لئے مختلف کورسز کا اہتمام کیا گیا ہے مثلاً 41 دن کا مدنی قافلہ کورس، 63 دن کا تربیّتی کورس ، گونگے بہروں  کے لئے30 دن کا تَربِیّتی کورس ، امامت کورس اور مُدرِّس کورس وغیرہم۔

(۳۰) فیضانِ قرآن وسنّت کورس : اسکول، کالج اور یونیورسٹی کے طلباء ، اساتذہ اور سٹاف کو ضَروریات ِ دین سے رُوشَناس کروانے کے لئے اپنی نوعیّت کامُنفرِد ’’ فیضانِ قرآن وسنّت کورس ‘‘بھی شروع کیا گیا ہے ، اسلامی بہنوں  میں  بھی یہ کورس جاری ہے۔  

مآخذ ومراجع

قرآن مجید ترجمۂ کنزالایمان                                                                                                                     ضیاء القرآن پبلی کیشنز لاہور

صحیح البخاری                                                         دارالکتب العلمیہ بیروت

صحیح مسلم                                                                                                                   دارابن حزم بیروت

 مراسیل ابی داؤدمع ابی داؤد                                     کتب خانہ رشیدیہ دہلی

 المعجم الاوسط                                                         دار الکتب العلمیۃ

درمختار مع ردالمحتار                                                           دار المعرفہ بیروت   

 ردالمحتار                                                              دار المعرفہ بیروت

کنزالعمال                                                                                                                                                                                                 دارالکتب بیروت

فردوس الاخبار                                                        دار الفکر بیروت

 الفتاوی الھندیۃ                                                        کوئٹہ

الفتاوی الخانیۃ                                                        پشاور

البحرالرائق                                                                                          کوئٹہ

 النھر الفائق                                                                ملتان

فتاوی رضویہ  رضافاؤنڈیشن                                                لاہور

الفتاوی المصطفویہ                                                  شبیر برادر زلاہور

 بہار شریعت                                                          مکتبہ رضویہ باب المدینہ

 بدائع الصنائع                                                                                         دارالفکر بیروت

مجلس المدینۃ العلمیۃ کی طرف سے پیش کردہ قابلِ مطالعہ کتب

(شعبہ اصلاحی کتب )

(۱)  خوف ِخدا عزوجل : (کل صفحات : 160)             (۲)   انفرادی کوشش :  (کل صفحات : 200)