حضرتِ سیِّدُنا عبد اللہ بن عُمَر رَضِیَ اللہُ تَعَالٰی عَنْہُمَاسے روایت ہے کہ رسولُ اﷲ صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشادفرمایا: ’’جب بندہ جھوٹ بولتا ہے، اس کی بدبو سے فِرِشتہ ایک میل دُور ہو جاتا ہے۔‘‘(جَامِعُ التِّرْمِذِی، مَا جَاءَ فی الصِّدقِ وَالْکَذِب، ص۴۸۱، الحدیث:۱۹۷۲)

        حضرتِ سیِّدُنا سفیان بن اُسَیْد حَضْرَمِی رَضِیَ اللہُ تَعَالٰی عَنْـــہُفرماتے ہیں  ، میں  نے رسول ُ اﷲ صَلَّی اللہُ تَعَالٰی عَلَیْہِ وَاٰلِہٖ وَسَلَّم کو یہ ارشاد فرماتے سنا کہ بڑی خیانت کی بات یہ ہے کہ تو اپنے بھائی سے کوئی بات کہے اور وہ تجھے اس بات میں  سچا جان رہا ہے اور تو اس سے جھوٹ بول رہا ہو۔(سُنَنُ اَبِیْ دَاؤُد، کتابُ الادَب، بابٌ فِی الْمَعَارِیْض، ص۷۷۸، الحدیث:۴۹۷۱)

          حضرتِ سیِّدُنا ابواُمامَہ رَضِیَ اللہُ تَعَالٰی عَنْـــہسے روایت ہے کہ نبیِّ پاک، صاحبِ لولاک صَلَّی اللہُ تَعَالٰی عَلَیْہِ وَاٰلِہٖ وَسَلَّم کا ارشادِ پاک ہے: ’’مومن کی طبع میں  خیانت اور جھوٹ کے علاوہ تمام خصلتیں  ہو سکتی ہیں ۔‘‘ (مُسْنَدِ اَحْمَد، ج۹، ص۱۷۲، الحدیث:۲۲۸۰۶)یعنی یہ دونوں  چیزیں  ایمان کے خلاف ہیں  ، مومن کو ان سے دُور رہنے کی بَہُت زیادہ ضرورت ہے۔

اللہ! ہمیں  جھوٹ سے، غیبت سے بچانا مولیٰ! ہمیں  قیدی نہ جہنَّم کا بنانا

اے پیارے خدا! از پئے سلطانِ زمانہ    جنَّت کے مَحَلّات میں  تُو ہم کو بسانا

صَلُّوْا عَلَی الْحَبِیْب!              صَلَّی اللہُ تَعَالٰی عَلٰی مُحَمَّد

تُوْبُوْا اِلَی اللہ!            اَسْتَــغْفِرُ اللہ    

صَلُّوْا عَلَی الْحَبِیْب!              صَلَّی اللہُ تَعَالٰی عَلٰی مُحَمَّد

       پیاری پیاری اسلامی بہنو! حضرتِ سیِّدَتُنا فاطمۃُ الزَّہرا ء رَضِیَ اللہُ تَعَالٰی عَنْہَا کو حضور صَلَّی اللہُ تَعَالٰی عَلَیْہِ وَاٰلِہٖ وَسَلَّم سے بَہُت زیادہ لگاؤ تھا، سیِّدہ فاطمۃُ الزّہراء رَضِیَ اللہُ تَعَالٰی عَنْہَا آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم کو کسی مشقت میں  دیکھ کربرداشت نہ کر سکتی تھیں  ،  چُنانچِہ  

بابا جان کی مشقّت کو دیکھ کر رونا

          حضرتِ سیِّدُنا ابوثَعْلَبَہ خُشَنِی رَضِیَ اللہُ تَعَالٰی عَنْـــہ سے روایت ہے: حضورِ اَقدَس صَلَّی اللہُ تَعَالٰی عَلَیْہِ وَاٰلِہٖ وَسَلَّم جب کبھی سفر سے واپس تشریف لاتے تو پہلے مسجد میں  دو رکعت نماز ادافرماتے اس کے بعد پہلے حضرتِ سیِّدَ ہ فاطِمۃُ الزَّہرا ء رَضِیَ اللہُ تَعَالٰی عَنْہَا  کے گھر اور پھر اَزواجِ مُطَہَّرات رَضِیَ اللہُ تَعَالٰی عَنْہُنَّ کے گھر تشریف لے جاتے، راوی فرماتے ہیں  : ایک مرتبہ آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم حضرتِ سیِّدَہ فاطِمۃُ الزَّہرا ء رَضِیَ اللہُ تَعَالٰی عَنْہَا  کے ہاں  تشریف لائے توانہوں  نے دروازے پر آپ کا استقبال کیا اورآپ کو دیکھ کر رونے لگیں ۔ آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم نے فرمایا :کیوں  روتی ہو؟عرض کی:میں  آپ کا رنگ بدلا ہوااور تکلیف میں  دیکھ رہی ہوں ۔ آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشاد فرمایا:اے فاطمہرَضِیَ اللہُ تَعَالٰی عَنْہَا! تیرے باپ کو  اللہ تعالیٰ نے ایک ایسے کام کے لئے بھیجا ہے کہ رُوئے زمیں  پر کوئی شہری اور دیہاتی گھر نہ بچے گا مگر اللہ عَزَّوَجَلَّ    تیرے باپ کے ذریعے یہ کام (یعنی دینِ اسلام) عزَّت کے ساتھ پہنچا دے گا، یہ دین وہاں  تک پہنچ کر رہے گا جہاں