لَوٹا تووہ ابھی مصلّے ہی پر تھیں ۔ کچھ دیر بعد انہوں  نے دوبارہ وُضُو کیا اورنَماز اِشراق کی نیَّت باندھ لی۔جب پہلی رَکعَت میں  سجدہ کیا تو سر نہ اٹھایا۔ گھر والے سمجھے کہ شایدامّی جان کو دورانِ نَماز نیند آگئی ہے، جب بیدار کرنے کی غَرَض سے اُنہیں  ہلایاجُلایا تو وہ ایک طرف لُڑھک گئیں  ،گھبرا کر دیکھا تو ان کی رُوح قَفَسِ عُنْصُری سے پرواز کر چکی تھی! اِنَّا لِلّٰهِ وَ اِنَّاۤ اِلَیْهِ رٰجِعُوْنَ۔ یوں  لگتا ہے کہ میری امّی جان کو شَہَنشاہِ بغدادحُضُورِ غوثِ اعظم عَلَیْہِ رَحْمَۃُ اللہِ الْاَکْرَم کی نسبت اور دعوتِ اسلامی کے مَدَنی ماحول سے وابَستگی کام آگئی۔خوش قسمت کہ عین سجدے کی حالت میں  انہوں  نے دَاعِیٔ اَجل کو لَبَّیْک کہا ۔ مزید کرم بالائے کرم یہ ہوا کہ انتقال کے بعد اُن کا چہرہ بھی بہت نُورانی ہوگیا تھا ۔انتِقال کے تقریباً 15روز کے بعد یعنی 2ربیع النور شریف 1430ھ ،(28فروری 2009ء)  بروز ہفتہ اُن کی قبر کی سِل گرگئی اور قبر میں  مِٹّی بھر گئی۔دُرُستی کیلئے جُوں  ہی قبر کھولی گئی تو ہر طر ف گلاب کےپھولوں  کی خوشبو پھیل گئی! نیز یہ ایمان افروز منظر دیکھ کر ہم خوشی کے مارے جھوم اُٹھے کہ اَمّی جان کا کفن وبدن سلامت تھا۔ جب قبر سے مِٹّی نکال لی گئی تو میرے بھائی نے امی جان کے قدموں  کو چُھوا تو اَلْحَمْدُ لِلّٰہعَزَّوَجَلَّ  اُن کا جسم زندہ انسانوں  کی طرح نرم تھا،میرے ابّو جان کا بیان ہے کہ جب میں  نے چہرے کی طرف سے کپڑا ہٹاکر دیکھا تو چہرہ مزید نُورانی ہوچکا تھا۔

          اسلامی بھائی کا مزید بیان ہے: حیرت انگیز بات یہ تھی کہ جوسِلیں  قبر میں  گری تھیں  ، امی جان کا جسم ان کی چوٹ سے محفوظ رہا تھا وہ یوں  کہ ان کا مبارک وتروتازہ لاشہ قبر کی دیوار کی سَمت کھسکا ہوا تھا جیسے وہ خود اس طرف ہوئی ہوں  یا کسی نے کر دیا ہو حالانکہ تدفین کے وقت ان کو قبر کے بیچ میں  لٹایا گیا تھا !

دَہَن میلا نہیں  ہوتا بدن میلا نہیں  ہوتا

خدا کے پاک بندوں  کا کفن میلا نہیں  ہوتا

         پیاری پیاری اسلامی بہنو! خربوزے کو دیکھ کر خربوزہ رنگ پکڑتا ہے، تِل کو گلاب کے پھول میں  رکھ دیجئے تو اُس کی صُحبت میں  رَہ کر گلابی ہو جائے گا ۔ اِسی طرح  اللہ عَزَّوَجَلَّ  اور اس کے پیارے رسول صَلَّی اللہُ تَعَالٰی عَلَیْہِ وَاٰلِہٖ وَسَلَّم کی مہربانی سے تبلیغِ قراٰن و سنّت کی عالمگیر غیر سیاسی تحریک دعوتِ اسلامی کے مَدَنی ماحول  سے وابَستہ ہونے والا بے وَقعَت پتّھر بھی انمول ہیرا بن جاتا، خوب جگمگاتا اور بسااوقات ایسی شان سے پَیکِ اَجَل کو لَبَّیْک کہتا ہے کہ دیکھنے سننے والا اس پر رَشک کرتا اور جینے کے بجائے ایسی موت کی آرزو کرنے لگتا ہے۔اِس عاشقۂ رسول کی دنیا سے ایمان افروز رخصتی  اور بعدِ دفن جب مجبوراً قبر کھولی گئی تو قبر سے گلاب کے پھولوں  کی خوشبو کا آنا کفن وبدن کا سلامت ملنا مسلکِ حق اہلسنّت کی صداقت کی غیبی تائید ہے ۔ اللہ عَزَّوَجَلَّ   اس خوش نصیب اسلامی بہن کو  پُل صِراط ،حشراور میزان ہر جگہ سُرخرو فرما کر جنتُ الفردوس میں  سیدہ فاطمۃُ الزَّہراء رَضِیَ اللہُ تَعَالٰی عَنْہَا کا پڑوس عطا فرمائے۔ اٰمین بِجاہِ النَّبِیِّ الْاَمین صَلَّی اللہُ تَعَالٰی عَلَیْہِ وَاٰلہٖ وسلَّم

ذات آپ کی تو رحمت وشفقت ہے سر بسر

میں  گر چِہ ہوں  تمہارا خطا وار یا رسول !

(پردے کے بارے میں  سوال جواب، ص۱۰۷)