سے بدن کی رنگت جَھلکے یا ایسا چُست ہے کہ کسی عُضْو کی ہَیْئَتْ(یعنی شکل وصورت یا اُبھار وغیرہ) ظاہِر ہو یا دوپٹّہ اتنا باریک ہے کہ بالوں  کی سیاہی چمکے یہ بھی بے پَردَگی ہے۔  میرے آقا اعلٰیحضرت، اِمامِ اَہلسنّت، ولیٔ نِعمت، عظیمُ البَرَکت، عظیمُ المَرْتَبت، پروانۂ شمعِ رِسالت، مُجَدِّدِ دین ومِلَّت، حامیٔ سنّت، ماحِیِٔ بِدعت، عالِمِ شَرِیْعَت، پیرِ طریقت، باعِثِ خَیر وبَرَکتحضرتِ علامہ مولیٰنا الحاج الحافِظ القاری شاہ امام اَحمد رضا خان عَلَیْہِ رَحْمَۃُ الرَّحْمٰن فرماتے ہیں  :جو وضْعِ لباس(یعنی لباس کی بناوٹ)وطریقۂ پَوشِش(یعنی پہننے کا انداز) اب عورات میں  رائج ہے کہ کپڑے باریک جن میں  سے بدن چمکتا ہے یا سر کے بالوں  یا گلے یا بازو یا کلائی یاپیٹ یا پِنڈلی کا کوئی حصّہ کُھلا ہو یوں  توسوا خاص مَحارِم کے جن سے نکاح ہمیشہ کو حرام ہے کسی کے سامنے ہونا سخت حرامِ قَطْعی ہے۔(فتاوٰی رضویہ،ج۲۲، ص۲۱۷)

صَلُّوْا عَلَی الْحَبِیْب!            صَلَّی اللہُ تَعَالٰی عَلٰی مُحَمَّد

جھنَّم میں  عورَتوں  کی کثرت

          آہ! عورَتوں  میں  بے پردَگی اور گناہوں  کی کثرت ہونا انتِہائی تشویشناک ہے، خدا کی قسم! جہنَّم کا عذاب برداشت نہیں  ہو سکے گا۔ ’’صحیح مسلم‘‘ میں  ہے،حُضُور نبیِّ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم کا ارشادِ عبرت بُنیادہے:میں نے جہنّم میں  مُلاحَظہ فرمایا کہ عورَتیں  جہنَّم میں  زِیادہ ہیں ۔ (صحیح مُسلِم،کتاب الرقاق،باب اکثراھل الجنۃالفقراء۔۔۔الخ، ص۲۲۸، الحدیث:۲۷۳۷)

یہ شَرحِ آیۂ عِصْمَت ہے جو ہے بَیش نہ کم     دل و نظر کی تباہی ہے قُربِ نا مَحرَم

حیا ہے آنکھ میں  باقی نہ دل میں  خوفِ خدا        بہت دنوں  سے نظامِ حیات ہے بَرہَم

یہ سَیرگاہیں  کہ مَقْتَل ہیں  شرم و غیرت کے    یہ مَعصِیَت کے مَناظِر ہیں  زینتِ عالَم

یہ نِیم باز سا بُرقع یہ دِیدَہ زَیب نِقاب      جَھلک رہا ہے جَھلاجَھل قمیص کا ریشم

نہ دیکھ رَشک سے تہذیب کی نُمائش کو   کہ سارے پھول یہ کاغذ کے ہیں  خداکی قسم!

وُہی ہے راہ ترے عزم و شوق کی منزِل    جہاں  ہیں  عائِشہ و فاطِمہ کے نقشِ قدَم

تِری حیات ہے کردارِ رابِعہ بصری

ترے فَسانے کا موضوع عِصْمَتِ مریم

صَلُّوْا عَلَی الْحَبِیْب!              صَلَّی اللہُ تَعَالٰی عَلٰی مُحَمَّد

تُوْبُوْا اِلَی اللہ!            اَسْتَغْفِرُ اللہ    

صَلُّوْا عَلَی الْحَبِیْب!              صَلَّی اللہُ تَعَالٰی عَلٰی مُحَمَّد

گھر خوشیوں  کا گہوارہ کیسے بنے؟

        پیاری پیاری اسلامی بہنو!  گھر کو خوشیوں  کا گہوارہ بنانے اور محبت بھرا ماحول قائم کرنے کا ایک طریقہ یہ ہے کہ گھر کے تمام افراد اپنے سپُر د کاموں  کو سراَنجام دیں  اگر ایسا ہو جائے تو کسی کو بھی شکایت نہیں  ہو گی اور گھر کا نظام اچھے طریقے سے چلتا رہے گا اور گھر میں  مدَنی ماحول بھی بن جائے گا۔ لگے ہاتھوں  گھر میں  مدَنی ماحول بنانے کے مدَنی پھول بھی مُلاحَظہ فرما لیجئے ، چُنانچِہدعوتِ اسلامی