وہ حَسَن مجتبیٰ سیِّدُ الاسخیا         راکبِ دَوشِ عزّت پہ لاکھوں  سلام

شہد خوارِ لُعابِ زبانِ بنی         چاشنی گیر عِصْمَت پہ لاکھوں  سلام

صَلُّوْا عَلَی الْحَبِیْب!            صَلَّی اللہُ تَعَالٰی عَلٰی مُحَمَّد

{2}…سیِّدُنا امامِ حُسَین کی ولادت باسعادت

          آپ کا اسم گرامی حسین، کُنْیَت ابوعبداللہ اور اَلقاب سیِّدِ شبابِ اہلِ الجنّۃ،سبط وریحانِ رسول ہیں ۔ آپ رَضِیَ اللہُ تَعَالٰی عَنْـــہکی ولادتِ باسعادت ۵شعبان ۴ھ میں  ہوئی حضور نبیِّ کریم نے پیارے شہزادے کے کان میں  اذان ارشاد فرمائی اور ساتویں  دن آپ کا عقیقہ کیا گیا۔(اسد الغابۃ، باب الحاء والسین ،حسین بن علی، ج۲، ص۲۴-۲۵، ملخصاً)

          آپ (رَضِیَ اللہُ تَعَالٰی عَنْـــہ) کی ولادت پر حضرت رُوحُ الامین بحکمِ ربُّ العٰلَمین تہنیتِ ولادت (یعنی پیدائش کی مبارکباد) کے ساتھ تعزیت بھی لائے اس وقت حضور آپ کے گلوئے ناز کو چوم رہے تھے رُوح الامین نے آبدیدہ ہو کر عرض کیا کہ اس بوسہ گاہ پر چھری چلے گی اور یہ قرَّۃُ العین خدا کی راہ میں  شہید ہو گا۔ (اَوراقِ غم، ص۲۷۰)

مرحبا سروَرِ عالَم کے پِسَرآئے ہیں               سیِّدہ فاطِمہ کے لختِ جگر آئے ہیں

واہ قسمت کہ چَراغِ حَرَمین آئے ہیں   اے مسلمانو! مبارَک کہ حُسین آئے ہیں

صَلُّوْا عَلَی الْحَبِیْب!            صَلَّی اللہُ تَعَالٰی عَلٰی مُحَمَّد

سیِّدُنا امام حسین کی ازواج واولاد

          حضرتِ سیِّدُنا امام حسین رَضِیَ اللہُ تَعَالٰی عَنْـــہ نے کئی شادیاں  کیں  ، آپ رَضِیَ اللہُ تَعَالٰی عَنْـــہکی چند بیویوں  کے نام درج ذیل ہیں  :

(۱)… حضرتِ سیِّدَتُنا لیلیٰ بنت ابی مرّہ عُروَہ بن مسعود ثقفی رَضِیَ اللہُ تَعَالٰی عَنْہَا (۲)…حضرتِ سیِّدَتُنا اُمِّ اِسحاق  رَضِیَ اللہُ تَعَالٰی عَنْہَا  (۳)…حضرتِ سیِّدَتُنا رُباب بِنتِ اِمرء ُ القیس رَضِیَ اللہُ تَعَالٰی عَنْہَا ۔ امامِ عالی مقام حضرتِ سیِّدُنا امام حسین رَضِیَ اللہُ تَعَالٰی عَنْـــہکے چند شہزادوں   اورشہزادیوں  کے نام درج ذیل ہیں  : (۱)…حضرتِ سیِّدُنا علی اکبر رَضِیَ اللہُ تَعَالٰی عَنْـــہ (۲)… حضرتِ سیِّدُنا علی اصغر رَضِیَ اللہُ تَعَالٰی عَنْـــہ (اَنْسَابُ الْاَشْرَاف، ج۳، ص۳۶۱،۳۶۲ ملخَّصاً) (۳)…حضرتِ سیِّدُنا محمد رَضِیَ اللہُ تَعَالٰی عَنْہ (ایضاً، ج۲، ص۴۲۲) (۴)…حضرتِ سیِّدَتُنا فاطمہ رَضِیَ اللہُ تَعَالٰی عَنْہَا  (۵)…حضرتِ سیِّدَتُنا سُکَیْنَہ رَضِیَ اللہُ تَعَالٰی عَنْہَا۔ (اَنْسَابُ الْاَشْرَاف، ج۳، ص۳۶۱ ،۳۶۲ ملخَّصاً)

سیِّدُنا امام حسین کی شہادت

          سیِّدُ الشہدا، امامِ عالی مقام حضرتِ سیِّدُنا امام حسین رَضِیَ اللہُ تَعَالٰی عَنْـــہکی پیدائش کے ساتھ ہی آپ رَضِیَ اللہُ تَعَالٰی عَنْـــہکی شہادت کی بھی شہرت عام ہو گئی تھی۔ حضرتِ سیِّدُنا امام حسین رَضِیَ اللہُ تَعَالٰی عَنْـــہ دس محرم الحرام ۶۱ھ بروز جمعۃُ المبارَک اپنے اہلِ بیتِ اَطہار اور 72 جانثاروں  کے ساتھ میدانِ کربلا میں  مرتبۂ شہادت پر فائز ہو کر سیِّدُ الشہداکے لقَب