عبادت کریں  گے کہ وہی عبادت کا زیادہ حق رکھتا ہے۔ اس کے بعد وہ

دونوں عبادت کی جگہ کھڑے ہو کر پوری رات ربِّ قدیر عَزَّوَجَلَّ کی عبادت میں  مصروف رہے۔(اَلرَّوْضُ الْفَائِق،المجلس، الثامن واالاربعون فی زواج علی بفاطمۃ۔۔۔الخ، ص۲۷۸)

عبادت ہو تو ایسی ہو !

          پیاری پیاری اسلامی بہنو! یہ ایسے لوگ ہیں  کہ جن کا پختہ عزم، خواہشات اورمقصود نہ تو دنیا اور اس کی لذّات تھیں  اور نہ ہی نفس کی راحت و خواہشات۔ بلکہ ان کی بلندہمتوں  کی پرواز ہمیشہ باقی رہنے والے ٹھکانے کی طرف تھی۔ یقینا ان کا ذکر قراٰنِ پاک میں  لکھ دیا گیا اور ان کو بشارت دے دی گئی:

اِنَّمَا یُرِیْدُ اللّٰهُ لِیُذْهِبَ عَنْكُمُ الرِّجْسَ اَهْلَ الْبَیْتِ وَ یُطَهِّرَكُمْ تَطْهِیْرًاۚ(۳۳) (پ۲۲، الاحزاب:۳۳)

ترجمۂ کنزالایمان: اللہ تو یہی چاہتاہے اے نبی کے گھر والوکہ تم سے ہر ناپاکی دور فرمادے اور تمہیں  پاک کر کے خوب ستھرا کر دے۔^([1])

                        ان دونوں  مبارک ہستیوں  نے اپنی لذّات کے بستر کو چھوڑ دیا اور اللہ عَزَّوَجَلَّ  کی عبادت میں  مصروف ہو گئے،رات قیام میں  تو دن روزے کی حالت میں  بسر ہوتا حتّٰی کہ تین روز اسی طرح گزر گئے۔پھر وہ دونوں  اپنے بستر پر آرام فرما ہوئے۔چوتھے دن حضرتِ سیِّدُنا جبریلِ امین عَلَیْہِ الصَّلٰوۃُ وَالسَّلَام آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم کی خدمتِ بابرکت میں  حاضر ہوئے اور عرض کی: ’’اللہ تعالیٰ آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم کو سلام بھیجتا ہے اور ارشاد فرماتاہے کہ علی (رَضِیَ اللہُ تَعَالٰی عَنْہٗ) اور فاطمہ(رَضِیَ اللہُ تَعَالٰی عَنْہَا) نے تین دن سے نیند اور بستر کو ترک کر رکھا ہے اور عبادت اور روزوں  میں  مصروف ہیں  ، تم ان کے پاس جاؤ اور ان سے ارشاد فرماؤ کہ اللہ عَزَّوَجَلَّ  تمہاری وجہ سے ملائکہ پرفخر فرما رہا ہے اور یہ کہ تم دونوں  بروزِ قیامت گنہگاروں  کی شفاعت کرو گے۔‘‘ آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم فوراً ان کے گھر تشریف لائے تو وہاں  حضرتِ سیِّدَتُنا اسماء بنتِ عمیس رَضِیَ اللہُ تَعَالٰی عَنْہَا کو پایا تو اِستِفسار فرمایا: ’’کس چیز نے تجھے یہاں  ٹھہرایا ہے؟ حالانکہ گھر میں  ایک مرد بھی موجود ہے۔‘‘ عرْض کی: ’’یارسولَ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم! میرے ماں  باپ آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم پر قربان! میں  حضرتِ سیِّدَتُنا فاطمہ رَضِیَ اللہُ تَعَالٰی عَنْہَا  کی خدمت کے لئے حاضِر ہوئی تھی۔ اس پرآپ صَلَّیاللہُ تَعَالٰی عَلَیْہِ وَاٰلِہٖ وَسَلَّم کی چشمانِ مُبارَک نَم ناک (یعنی آنسوؤں  سے تربتر) ہو گئیں  اور دُعا فرمائی: ’’اے اسماء (رَضِیَ اللہُ تَعَالٰی عَنْہَا)! اللہ عَزَّوَجَلَّ  تیری دُنْیا وآخِرت کی تمام حاجات پوری فرمائے۔‘‘

(اَلرَّوْضُ الْفَائِق،،الثامن واالاربعون فی زواج علی بفاطمۃ۔۔۔الخ، ص۲۷۸)

صَلُّوْا عَلَی الْحَبِیْب!            صَلَّی اللہُ تَعَالٰی عَلٰی مُحَمَّد

       پیاری پیاری اسلامی بہنو! اللہُ رَبُّ الْعِزَّتعَزَّوَجَلَّ  نے جس طرح خاتونِ جنّت رَضِیَ اللہُ تَعَالٰی عَنْہَا  کو عظَمت ورفعت عطا فرمائی اسی طرح آپ رَضِیَ اللہُ تَعَالٰی عَنْہَا کی اولاد کو بھی عظیم شانوں  سے نوازا۔ اہلِ بیتِ پاک کی عظَمت تو دیکھئے کہ ایک