رضا کے لئے اپنے جان و مال کے ساتھ اس ارادے سے نکلے کہ( کفارکو) قتل کرے اور شہید ہوجائے پس اگر یہ شخص فوت یا شہید ہوجائے تو قیامت کے دن اپنی تلوار بلندکرکے کندھے پررکھے ہوئے آئے گا جبکہ دیگرلوگ گھٹنوں کے بل بیٹھے یہ کہتے ہوں گے : ’’کیاہمیں جگہ نہیں دی جائے گی ۔ ‘‘پھر وہ (مذکورہ تینوں اشخاص)عرش کے نیچے موجود نور کے منبروں پرآکر بیٹھیں گے اور دیکھیں گے کہ لوگوں کے درمیان کس طرح فیصلہ کیا جاتا ہے ۔ ‘‘(مجمع الزوائدکتاب الجہاد، باب ماجاء فی الشھادۃ وفضلھا، الحدیث۹۵۱۲، ج۵، ص۵۳۱)

(۲)…حضرت سیِّدُنا ابی بن کعب رَضِیَ اللہُ تَعَالٰی عَنْہ سے مروی ہے ، آپ رَضِیَ اللہُ تَعَالٰی عَنْہ نے ارشادفرمایا : ’’شہداء قیامت کے دن سایۂ عرش کے نیچے اللہ عَزَّوَجَلَّ کی بارگاہ میں گنبدوں اور باغات میں ہوں گے ۔ ‘‘( سیر اعلام النبلاء ، بزید بن التستری، ج۷، ص۲۲۲)

(۳)…حضرت سیِّدُنا ابن عباس رَضِیَ اللہُ تَعَالٰی عَنْہُمَاسے مروی ہیکہ نور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحرو بَر صَلَّی اللہُ تَعَالٰی عَلَیْہِ وَاٰلہٖ وَسَلَّم کافرمانِ  ذیشان ہے  : ’’ قیامت کے دن عرشِ رحمن  عَزَّوَجَلَّ کے سب سے زیادہ قریب وہ مؤمن  ہوگا جسے ظلماًقتل کیاگیاہوگا، اس کا سراس کے دائیں جانب اور اس کا قاتل بائیں طرف  ہوگاجبکہ اس کی رگوں سے خون بہہ رہاہو گااور وہ عرض کرے گا : ’’ اے میرے رب عَزَّوَجَلَّ !اس سے پوچھ کہ اس نے مجھے کس جرم میں قتل کیاتھا ۔ ‘‘(المعجم الکبیر ، الحدیث ۱۲۵۹۷، ج۱۲ ، ص۸۰)

تعلیمِ قرآن پاک پر مغفرت کی بشارت :

          حضرت سیِّدُنا عبد اللہ  بن عباس رَضِیَ اللہُ تَعَالٰی عَنْہُمَاسے جو مرفوعاًروایت ہے جس میں یہ دعاہے ’’اے اللہ عَزَّوَجَلَّ !(قرآن کریم)سکھانے والوں کی مغفرت فرما، اُن کی عمریں طویل کردے اور ان کو اپنے عرش کے سائے میں جگہ عطافرما کہ بے شک یہ تیری اتاری ہوئی کتاب (یعنی قرآنِ حکیم )کی تعلیم دیتے ہیں ۔ ‘‘(الموضوعات، حدیث فی الدعا للمعلمین ، ج۱، ص ۲۲۱)

حدیث پاک کے شواہد

سونے کے منبراورچاندی کے گنبد :

          حضرت سیِّدُنا ابن عمر رَضِیَ اللہُ تَعَالٰی عَنْہُمَاسے مرفوعاً روایت ہے کہ ’’جب قیامت کا دن ہوگا تو سونے کے منبر رکھے جائیں گے جن پر چاندی کے گنبد ہوں گے ، ان میں ہیرے ، یاقوت اور زمرد جَڑے ہوں گے اور اس کی چادریں باریک اورسبز ریشم کی ہوں گی پس علماء کرام (کَثَّرَھُمُ اللہُ تَعَالٰی)کو بلا کر اُن پر بٹھایا جائے گا پھراللہ عَزَّوَجَلَّ کی طرف سے ایک منادی ندادے گا : ’’کہاں ہیں وہ جورضائے الٰہی عَزَّوَجَلَّ کے لئے اُمتِ محمدیہ  عَلٰی صَاحِبِھَاالصَّلٰوۃُ وَالسَّلَام تک علم کی باتیں پہنچاتے تھے ، اِن منبروں پر بیٹھو! تم پر کوئی خوف نہیں حتّٰی کہ جنت میں داخل ہوجاؤ ۔ ‘‘ (حلیۃ الاولیاء ، الحدیث ۱۰۵۹۴، ج۷، ص ۳۰۰)

امام دارقطنی عَلَیْہِ رَحمَۃُ اللّٰہ ِالْقَوِی  کی روایت میں ’’ نور کے منبر‘‘ کا ذکر ہے ۔

مسلمانوں کے بچے شفاعت کریں گے :

          حضرت سیِّدُناابوامامہ رَضِیَ اللہُ تَعَالٰی عَنْہ سے مروی ہے کہ سیِّدُ المبلغین، رَحْمَۃٌ لِّلْعٰلَمِیْن صَلَّی اللہُ تَعَالٰی عَلَیْہِ وَاٰلہٖ وَسَلَّم کافرمانِ رحمت نشان ہے  : ’’مسلمانوں کے بچے قیامت کے دن عرش کے سائے میں ہوں گے ، وہ شفاعت کریں گے اوراُن کی شفاعت قبول کی جائے گی ۔  ‘‘(کنزالعمال، کتاب القیامۃ، ا لحدیث ۳۹۳۰۱، ج۱۴ ، ص ۲۰۰)

شہزادۂ رحمتِ عالم صَلَّی اللہُ عَلَیْہِ وَسَلَّم ورَضِیَ اللہُ تَعَالٰی عَنْہ :

          حضرت سیِّدُنا ابن عمر رَضِیَ اللہُ تَعَالٰی عَنْہُمَاسے روایت ہے کہ انصارکے ایک شخص تھے جن کاایک بیٹاتھاجو ان کے ساتھ ہی رہتاتھا، ایک دن حضورنبی ٔ کریم، رء ُوف رَّحیم صَلَّی اللہُ تَعَالٰی عَلَیْہِ وَاٰلہٖ وَسَلَّم نے ان سے اِسْتِفْسَار فرمایا : ’’ کیا تم اس سے محبت کرتے ہو؟‘‘ عرض کی : ’’یارسولَ اللہ  عَزَّوَجَلَّ وصَلَّی اللہُ تَعَالٰی عَلَیْہِ وَاٰلہٖ وَسَلَّم !جی ہاں اور اللہ عَزَّوَجَلَّ آپ سے ایسی ہی محبت فرمائے جیسی میں اس سے محبت کرتا ہوں ۔ ‘‘تو اللہکے پیارے حبیب ، حبیبِ لبیبعَزَّوَجَلَّ  وصَلَّی اللہُ