مغارب الٹ ڈالے کوئی شخص حضور پر نور محمد ِمصطفی  صَلَّی اللہ تَعَالٰی عَلَیْہِ وَاٰلہٖ وَسَلَّمسے افضل نہ پایا اور میں نے زمین کے مشارق ومغارب الٹ ڈالے بنی ہاشم سے بڑ ھ کر کسی باپ کی اولاد افضل نہ پائی۔ ^([1])

      کسی شاعرنے ا س مضمون کو اپنی زبان میں اس طرح ادا کیا ہے    ؎

جبریل سے اک روز یوں کہنے لگے شاہ امم

تم نے دیکھا ہے جہاں بتلاؤ تو کیسے ہیں ہم

کی عرض یہ جبریل نے اے مہ جبیں تیری قسم

آفاقہا گردیدہ ام مہر بتاں ورزیدہ ام

بسیار خوباں دیدہ ام لیکن تو چیزے دیگری

          امام احمد وترمذی و حاکم نے حضرت سعد رَضِیَ اللہُ تَعَالٰی عَنْہُسے روایت کی کہ حضور اقدس  صَلَّی اللہ تَعَالٰی عَلَیْہِ وَاٰلہٖ وَسَلَّمنے فرمایا : ’’ جو شخص قریش کی بے عزتی چاہے گا اللہ اسے رسوا کرے گا۔ ‘‘^([2])

           ابو بکر بزار نے غیلانیات میں ابو ایوب انصاری رَضِیَ اللہُ تَعَالٰی عَنْہُسے روایت کی کہ حضور اقدس  صَلَّی اللہ تَعَالٰی عَلَیْہِ وَاٰلہٖ وَسَلَّمنے ارشاد فرمایا : روز قیامت بطن عرش سے ایک ندا کرنے والا ندا کرے گا کہ اے اہل مجمع! اپنے سر جھکاؤ ، آنکھیں بندکرو ، یہاں تک کہ حضرت فاطمہ بنت سید عالم محمد مصطفی  صَلَّی اللہ تَعَالٰی عَلَیْہِ وَاٰلہٖ وَسَلَّمصراط سے گزریں پھر آپ سَترَّ ہزار باندیوں کے ساتھ جو سب حوریں ہوں گی بجلی کے کوندنے کی طرح گزر جائیں گی۔^([3])

         بخاری و مسلم نے روایت کیا کہ حضور اقدس  صَلَّی اللہ تَعَالٰی عَلَیْہِ وَاٰلہٖ وَسَلَّمنے فرمایا : ’’اے فاطمہ!رَضِیَ اللہُ تَعَالٰی عَنْہُا کیا تم اس پر راضی نہیں ہو کہ تم مومنہ بیبیوں کی سردار ہو۔ ‘‘^([4])

          ترمذی و حاکم کی روایت میں ہے حضور علیہ وعلی آلہ الصلوٰۃ والسلام نے فرمایا : ’’مجھے اپنی اہل میں سب سے زیادہ پیاری فاطمہ رَضِیَ اللہُ تَعَالٰی عَنْہُا ہیں ۔ ‘‘^([5])

سیدین جلیلین شہیدین عظیمین حضرات حسنین کریمین رَضِیَ اللہُ تَعَالٰی عَنْہُمَا

          حضرت اما م ابو محمدحسن بن علی مرتضیٰ رَضِیَ اللہُ تَعَالٰی عَنْہُ۔ آپ ائمہ اثناعشر میں امام دوم ہیں ۔ آپ کی کنیت ابو محمد لقب تقی و سید عرف سبط رسول اللہ  صَلَّی اللہ تَعَالٰی عَلَیْہِ وَاٰلہٖ وَسَلَّماو ر سبط اکبر ہے۔ آپ کو   رَیْحَانَۃُ الرَّسُوْلاور آخر الخلفاء بالنص بھی کہتے ہیں ۔ آپ رَضِیَ اللہُ تَعَالٰی عَنْہُکی ولادت مبارکہ ۱۵رمضان مبارک           ۳ھ کی شب میں مدینہ طیبہ کے مقام پر ہوئی۔ حضور سید عالم  صَلَّی اللہ تَعَالٰی عَلَیْہِ وَاٰلہٖ وَسَلَّمنے آپ کا نام حسن رکھا اور ساتویں روز آپ کا عقیقہ کیااور بال جدا کیے گئے اورحکم دیاگیا کہ بالوں کے وزن کی چاندی صدقہ کی جائے آپ خامس اہل کساء ہیں ۔^([6])

          بخاری کی روایت میں ہے قبلۂ حُسن و جمال سید ِعالم صلی اللہ تعالیٰ علیہ و علی آلہ واصحابہ وبارک وسلم سے کسی کو وہ مشابہتِ صوری حاصل نہ تھی جو سیدنا حضرت امام حسن رَضِیَ اللہُ تَعَالٰی عَنْہُکو حاصل تھی۔  آپ سے پہلے حسن کسی کانام نہ رکھا گیاتھا یہ جنتی نام پہلے آپ ہی کو عطا ہوا ہے۔ ^([7])