راست نئید ۔^([1])

          درویش اگر فاقہ سے مر بھی جائیں تب بھی لذتِ نفس  کے  لیے قرض نہیں   لیتے کیونکہ قرض اور توکل میں   بُعدُ المشرقین ہے دونوں  ایک جگہ نہیں   سماتے۔

یہ روٹیاں  ہماری نہیں  

          شیخ المشائخ سید محمد راشدحضرت پیر سائیں روضے دھنی رَحْمَۃُ اللہِ عَلَیْہ نے توکل کی تلقین کرتے  ہوئے فرمایا: حضرت بی بی رابعہ بصری رَحْمَۃُ اللہِ عَلَیْہَامال و متاع اور سامانِ خوردو نوش جمع کر کے  نہ رکھا کرتی تھیں  بلکہ آپ کی عادتِ مبارکہ یہ تھی کہ روزانہ محنت مزدوری سے جو کچھ کماتیں  اس سے اپنی اور مہمانوں  کی ضروریات پوری کرتیں  اور جو کچھ بچ رہتا وہ فی سبیل اللہ خرچ کردیا کرتی تھیں ۔ ایک دن آپ  کے  پاس فقراء کی ایک جماعت آگئی  اپ  کے  پاس صرف اتنا آٹا موجود تھا کہ دو ہی روٹیاں  بن سکتیں  آپ دو روٹیاں  پکا کر مہمانوں   کے  پاس لے آئیں اتنے میں   ایک سائل  نے دروازے پر کھڑے ہو کر صدا کی: میں   بھوکا ہوں  اللہ  کے  واسطے مجھے کھانا کھلاؤ، مائی  صاحبہ نے ایک روٹی اس سائل  کو دے دی لیکن اس  کے  فورا ً بعد ایک دوسرا سائل  آگیا اس نے بھی اللہ  کے  نام پر کچھ کھانے کو مانگا تو مائی  صاحبہ نے باقی ماندہ ایک روٹی بھی اس دوسرے سائل   کے  حوالے کردی۔

          مہمان فقراء یہ ماجرہ دیکھ کر بولے: بی بی صاحبہ ! ہم کو آپ کی ولایت میں   کچھ شک نہیں   ہے تاہم باطنی علم  کے  ساتھ ساتھ ظاہری (شریعت کا) علم ہونا بھی ضروری ہے کیونکہ ان دونوں  روٹیوں  پر ہمارا حق زیادہ تھا۔

          مائی  صاحبہ ان کا اعتراض سن کر خاموش رہیں   کچھ دیر بعد کسی امیر کی ایک خادمہ طباق میں   کچھ روٹیاں  لے کر آئی  اور مائی  صاحبہ کی خدمت میں   پیش کیں مائی  صاحبہ نے گن کردیکھا وہ انیس روٹیاں  تھیں  فرمایا: یہ روٹیاں  ہماری نہیں  انہیں   واپس لے جاؤ کیونکہ اﷲ تعالیٰ کا وعدہ بر حق ہے کہ دَہ دنیا سترآخرت، پس اگر یہ ہماری ہوتیں  تو بیس ہوتیں ، یہ سن کر اس خادمہ نے جو ایک روٹی چھپا کر رکھ لی تھی وہ ان روٹیوں میں   رکھ دی اس طرح پوری بیس روٹیاں  ہوگئی ی ں مائی  صاحبہ نے مہمان فقراء سے فرمایا: آؤ کھانا کھالیں ، سب کھانا کھا چکے  تو مائی  صاحبہ نے فرمایا: آپ حضرات عابد زاہد اور علم ظاہر (شریعت)  کے  عالم تو بے شک ہیں    لیکن اللہ تعالیٰ پر اعتماد نہیں   رکھتے توکل سے عاری ہیں   ۔ (ملفوظات روضے دھنی)

ہیں   توکل کن ملرزاں  پا و دست  رزقِ تو بر تو زِ تو عاشق تر است

                                                                             (مولانا روم رَحْمَۃُ اللہِ عَلَیْہ)

          اللہ تعالیٰ پر اعتماد رکھ بے صبری سے ہاتھ پاؤں  نہ لرزا تیرا رزق تجھ سے زیادہ تجھ پر عاشق ہے۔

بر سرِ ہر دانہ بنوشتہ عیاں           ایں  نصیب ِابن الفلاں  ابن الفلاں

                                                                             (مولانا روم رَحْمَۃُ اللہِ عَلَیْہ)

          ہر ایک دانہ پر عیاں  طور پر لکھا ہوا ہے کہ یہ دانہ فلاں  بن فلاں   کے  نصیب میں   ہے اور یہ فلاں  بن فلاں   کے  نصیب میں ۔

کھانے والا گیا، دینے والا موجود ہے

          حضرت پیر سائیں روضے دھنی رَحْمَۃُ اللہِ عَلَیْہ نے فرمایا: حضرت حاتم اَصَم رَحْمَۃُ اللہِ عَلَیْہسفرِ حج کو روانہ ہونے لگے تو اپنی اہلیہ محترمہ سے فرمایا: تجھ