چیونٹی کی غِذا اور اُس کی حرص

          حضرت خواجہ سلیمان تونسوی رَحْمَۃُ اللہِ عَلَیْہ نے فرمایا: چیونٹی ایک سال میں   گندم کا ایک دانہ کھاتی ہے لیکن حرص  کے  سبب رات دن سرگرداں  رہتی ہے اور آرام نہیں   کرتی سالک کو چاہیے کہ قانع اور شاکر رہے چیونٹی کی طرح حریص نہ ہو۔(تذکرہ خواجہ سلیمان تونسوی)

          شیخ فرید الدین عطار رَحْمَۃُ اللہِ عَلَیْہ  فرماتے ہیں   :

تا بہ  کے  چوں  مور باشی دانہ کش                  گر تو مردی فاقہ را مردانہ کش

            تو کہاں  تک چیونٹی کی طرح دانے ڈھونڈتا رہے گا اگر تو مرد حق ہے تو فاقہ کو مردانہ وار برداشت کر۔

اب کون سی چیز باقی رہ گئی  

          خلیفہ وقت نے حضرت ابوحازِم رَحْمَۃُ اللہِ عَلَیْہ کی خدمت میں   عریضہ بھیجا کہ آپ کو جو حاجت ہو لکھ کر بھیج دیں  تاکہ ہم اس کو پورا کردیں ، آپ نے جواب میں   لکھ بھیجا کہ میں   نے اپنی تمام حاجات اللہ  کے  حضور پیش کیں  جو اس نے منظور کیں  ان کو میں   نے قبول کرلیا اور جو نامنظور کیں  میں   نے ان پر قناعت سے کام لے لیااب کون سی چیز باقی رہ گئی  جو تم کو لکھ کر بھیجوں ؟ ^([1]) (احیاء العلوم)

قناعت تونگر کند مرد را                  خبر کن حریصِ جہاں  گرد را

                                                                                                      (شیخ سعدی رَحْمَۃُ اللہِ عَلَیْہ)

قناعت آدمی کو تونگر کردیتی ہے حریص جہا ں  گرد(حرص  کے  مارے دربدر پھرنے والے) کو اس بات کی خبر کردو۔

دو دروازے

          حضرت جبرائی ل عَلَیْہِ السَّلام نے حضرت نوح عَلَیْہِ السَّلام کی خدمت میں   عرض کی:آپ کی دنیاوی عمر تمام انبیاء سے زیادہ  ہوئی آپ نے دنیا کو کیسا پایا؟ فرمایا: مجھے ایسا معلوم ہوا کہ گویا ایک مکان  کے  دو دروازے ہیں    ایک دروازے سے اندر گیا اور دوسرے سے باہر نکل آیا۔^([2]) (احیاء العلوم)

دنیا خوابے ست زندگانی در وے     خوابے ست کہ در خواب بہ بینی آں  را

            دنیا ایک خواب ہے اور زندگی اس میں   ایک خواب ہے کہ تو اسے خواب میں   دیکھ رہا ہے۔

حضرت ابوعلی دَقَّاق رَحْمَۃُ اللہِ عَلَیْہ کی پگڑی

          حضر ت ابو علی دَقَّاق رَحْمَۃُ اللہِ عَلَیْہ کی خدمت میں   ایک درویش حاضر ہوااور مجلس میں   بیٹھ گیا، حضرت نے اس وقت نہایت عمدہ قیمتی پگڑی باندھ رکھی تھی درویش اس پگڑی کو دیکھ کر دل میں   سوچنے لگا کہ یہ پگڑی اگر مجھے مل جائے تو کیا ہی اچھا ہو اس نے حضرت سے پوچھا: حضور ! تو کل کسے کہتے ہیں   ؟ فرمایا: تو کّل  کے  معنے یہ ہیں    کہ دوسروں   کے   پاس اگر کوئی  اچھی چیز دیکھو تو اس کی طمع نہ کرو پھر حضرت نے پگڑی سر سے اتار کر فرمایا:یہ پگڑی نہایت عمدہ اور قیمتی ہے لو اب یہ تم ہی لے جاؤ۔^([3]) (کشف المحجوب)

مجھے امارت کی ضرورت نہیں

          ایک مرتبہ سلطان فیروز شاہ تُغلُق نے اپنے مصاحب محمد جعفر کے  ذریعہ حضرت بندہ نواز گیسودراز رَحْمَۃُ اللہِ عَلَیْہ کی خدمت میں   یہ پیغام بھیجا:دہلی  کے  بادشاہوں  سے آپ  کے  والداور دادا صاحب کا ہمیشہ تعلق رہا ہے میری خواہش ہے کہ آپ کا نام بھی میرے امرائے دربار میں   شامل رہے، آپ نے جواب دیا: بادشاہ سلامت کو کہنا اول تو میں   منصب اور متاع دنیوی کو آتش و اژدہا سمجھتا ہوں ، دوم خواجہ نصیر الدین چراغ دہلوی(رَحْمَۃُ اللہِ عَلَیْہ) کی غلامی  کے  آگے امارتِ ظاہری کی کچھ حقیقت نہیں  ، میں   فقیر ہوں  میری نوکری یہ ہے کہ تمام مسلمانوں   کے   لیے دعا