کیا مگر اسے پڑھنے پڑھانے تک ختم کردیا، فقر کو فقراء نے اختیار کیا مگر اسے وسیلۂ حصولِ مال و جاہ بنالیا، میں   نے ان تینوں   کے  غم میں   سیاہ پوشی اختیار کی۔^([1]) (کشف المحجوب)

جیسے پیرویسے مرید

          سید الاولیاء حضرت داتا گنج بخش قُدِّسَ سِرُّہٗفرماتے ہیں   : ایک دن میں   اپنے شیخ  کے  ہمرکاب تھا چلتے چلتے آذر بائی جان کی آبادی سے گزرنے لگے تو دیکھا کہ دو تین خرقہ پوش گندم  کے  ڈھیروں  پر کھڑے ہیں    انہوں  نے کسانوں   کے  سامنے جھولیاں  پھیلا رکھی ہیں    حضرت شیخ نے یہ دیکھ کر یہ آیت کریمہ تلاوت فرمائی:

اُولٰٓىٕكَ الَّذِیْنَ اشْتَرَوُا الضَّلٰلَةَ بِالْهُدٰى۪-فَمَا رَبِحَتْ تِّجَارَتُهُمْ وَ مَا كَانُوْا مُهْتَدِیْنَ(۱۶)^([2])

یہ وہ لوگ ہیں    جنہوں  نے گمراہی خریدی ہدایت  کے  بدلے تو ان کی تجارت نے انہیں   کچھ  فا ئدہ     نہ پہنچایااوریہ ہدایت یافتہ نہیں  ۔

          میں   نے عرض کی: حضور ! یہ لوگ کس قدر ذلت میں   گرفتار ہیں    کہ لوگوں  کی نظروں  میں   ذلیل ہورہے ہیں   ، شیخ نے فرمایا: ان  کے  پیر کو مرید جمع کرنے کی حرص  ہوئی تو اس  کے  مریدوں  کو دنیا جمع کرنے کی حرص ہوگئی ۔^([3]) (کشف المحجوب)

بَلْخ  کے  کُتّے

        حضرت شقیق بلخی رَحْمَۃُ اللہِ عَلَیْہ ایک مرتبہ خراسان سے چل کر حضرتِ ابراہیم بن ادھم رَحْمَۃُ اللہِ عَلَیْہ  کے  پاس ملاقات  کے  لیے پہنچے اور ان ^([4])سے پوچھا: آپ نے اپنےیاروں  میں   سے فقراء کو کس حال میں   چھوڑا ہے؟ حضرتِ ابراہیم بن ادھم رَحْمَۃُ اللہِ عَلَیْہ نے فرمایا: وہ اس حال میں   ہیں    کہ اگر انہیں   کوئی  کچھ دے دے تو شکر کریں  اورنہ دیں  تو صبر کریں ۔ حضرت شقیق رَحْمَۃُ اللہِ عَلَیْہ نے فرمایا : بَلْخ  کے  کتوں  کا بھی یہی حال ہے۔ حضرتِ ابراہیم بن ادھم رَحْمَۃُ اللہِ عَلَیْہ نے پوچھا : آپ  کے  ہاں  کیسے فقیر ہیں   ؟ حضرتِ شقیق رَحْمَۃُ اللہِ عَلَیْہ نے فرمایا : ہمارے ہاں   کے  ایسے فقیر ہیں    کہ اگر انہیں   کوئی  کچھ نہ دے تو شکر کریں  اور اگر دے تو خود پر دوسروں  کو ترجیح دیں  اور انہیں   دے دیں ۔ حضرتِ ابراہیم بن ادھم رَحْمَۃُ اللہِ عَلَیْہ نے ان کا سر چُوم لیا اور فرمایا : استاد بجا فرماتے ہو۔ ^([5]) ( احیاء العلوم)

سعادت مند بیوی

         سلطان التارکین صوفی حمید الدین ناگوری رَحْمَۃُ اللہِ عَلَیْہ حضرت خواجہ خواجگان معین الدین چشتی اجمیری رَحْمَۃُ اللہِ عَلَیْہ  کے  خلیفہ تھے، آپ نے تمام عمر صرف دو چادروں  میں   بسر کردی ایک بیگھہ زمین تھی جس میں   خود اپنے ہاتھوں  سے کاشت کرتے تھے آپ کی غذا سردیوں  میں   باجرے کا دلیہ اور گرمیوں  میں   جو کا دلیہ تھی جس میں   نمک بھی نہ ہوتا تھا ایک مرتبہ سلطان التمش نے پانچ سو روپیہ نقد، ایک دیہہ کی جاگیر کا فرمان، کچھ کپڑا، آٹا، شکر، گھی وغیرہ اپنے کوتوال  کے  ذریعہ بھیجا، سلطان التارکین نے اس خیال سے کہ دیکھیں  میری اہلیہ شاہی عطیہ  کے  بارے میں   کیا کہتی ہے گھر آکر اہلیہ محترمہ سے پوچھا: