خانۂ دل کو غیر حق سے خالی کر ، تاکہ تو متاعِ وحدت اس میں   رکھ س کے ، اپنے دل میں   خود کو بھی جگہ نہ دے، بادشاہ  کے  مقام میں   اپنا سامان نہ رکھ۔

دائما تفویض کار خود بحق باشد نکو                             حاجت ازوَے خواہ، رازِ خویش باوے بگو

عزت و خواری و رنج و راحت چوں  از حق ست            اعتماد و التجاء بر کس مکن اِلَّا برو

اپنا کام ہمیشہ اللہ  کے  سپرد کئے رکھنا ہی بہتر ہے، اپنی حاجت اُسی سے طلب کر، اپنا راز اُسی سے کہہ جب کہ تیری عزت و خواری اور رنج و راحت حق تعالیٰ ہی سے ہے تو پھر اس  کے  سوا کسی پر اعتماد نہ کر، نہ کسی سے التجا ء کر۔

گناہ   آمد   شہودِ    ماسوی   اللہ        ازیں نوعِ   گناہ   استغفر اللہ

           ماسوی اللہ کا دیکھنا گناہ ہے، میں   اس نوعِ گناہ کی اللہ سے معافی چاہتا ہوں ۔

چارہ سازی کررہا ہے اُس کا لطف دل نواز       باعثِ صد عیش ہے یہ بے کسی میرے لیے

لالچی کتا

          خاندانِ راشدیہ  کے  مُورِثِ اعلیٰ سیّد محمد راشد (پیر سائیں روضے دھنی) رَحْمَۃُ اللہِ عَلَیْہ نے فرمایا: ایک کتا منہ میں   گوشت کا ٹکڑا دبائے گوشۂ عافیت کی تلاش میں   ایک تالاب  کے  کنارے پہنچا۔ پانی میں   اپنا عکس دیکھ کرسمجھا کہ کوئی  دوسرا کتا منہ میں   گوشت کا ٹکڑا دبائے کھڑا ہے، اس نے اس سے وہ ٹکڑا چھین لینے  کے  لیے منہ کھول کر حملہ کردیا، اس  کے  منہ والا ٹکڑا پانی میں   جاگرا اور خود بھی غوطے کھانے لگا، یہی حال طالبانِ دنیا کا ہے۔ (ملفوظاتِ روضے دھنی)

ایں  دو چشمِ تنگ دنیادار را      یا قناعت پُر کند یا خاکِ گور

                                                                             (حضرت سعدی رَحْمَۃُ اللہِ عَلَیْہ)

          دنیا دار کی اِن چھوٹی سی دو آنکھوں  کو یا قناعت بھر سکتی ہے یا قبر کی مٹی۔

حرصِ تو دلقِ قناعت پارہ کرد              نفسِ امارہ ترا آوارہ کرد

چُوں  بخواہی لُقمہ اے ناداں  ز آز          نفس گرداند دہانِ حرص باز

چشمِ شہوت چوں  کشاید آں  لعین                   کور گردد دیدءہ اھلِ یقین

دل چوں  آلودہ ست از حرص و ہوا                 کے  شود مکشوف اسرارِ خدا

          اے درویش ! حرص نے تیری گدڑی چاک کردی، نفسِ امارہ نے تجھے آوارہ کردیا، اے نادان ! جب تو لالچ سے نوالہ لینا چاہتا ہے تو نفسِ امارہ حرص کا منہ کھول دیتا ہے، جب یہ لعین نفس شہوت کی آنکھ کھولتا ہے تو اہلِ یقین کی آنکھ اندھی ہوجاتی ہے، جب کہ دل حرص و ہوا سے آلودہ ہے تو اسرارِ الٰہی کیونکر کھل سکتے ہیں   ۔(حضرت بوعلی قلندر رَحْمَۃُ اللہِ عَلَیْہ)

جواب لاجواب

          خلیفہ ہشام بن عبدالملک اُموی حج کرنے مکہ مکرمہ آیا، اس نے حرمِ کعبہ میں   حضرت سالم (فاروق اعظم رَضِیَ اللہُ عَنْہ  کے  پوتے) رَضِیَ اللہُ عَنْہ کو دیکھا تو ان  کے  قریب جا کر کہا: حضرت ! مجھے کچھ خدمت کا موقع دیا جائے تاکہ مجھے آپ کی خدمت کا شرف حاصل ہو سکے  ۔ حضرت سالم رَضِیَ اللہُ عَنْہ نے فرمایا: اللہ  کے  گھر میں   اللہ  کے  سوا کسی اور سے سوال کرنا شرم کی بات ہے۔ حضرت سالم رَضِیَ اللہُ عَنْہ جب طوافِ کعبہ سے فارغ ہو کر حرم شریف سے باہر نکلے تو ہشام نے ان سے عرض کی:حضور اب تو حرم شریف سے باہر ہیں    اب کچھ طلب فرمالیجئے۔ حضر ت سالم رَضِیَ اللہُ