30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Sahabiyat Or Deen Ki Khatir Qurbaniyan | صحابیات اور دین کی خاطر قربانیاں
صحابیات اور دین کی خاطر قربانیاں
کتاب میں نتائج:
اسی طرح جب حضرتِ سیِّدُنا ابو سلمہ رَضِیَ اللہُ تَعَالٰی عَنۡہُ نے مدینہ شریف کی طرف ہجرت کا پختہ اِرَادہ کیا تو اونٹ پر کَجاوہ باندھ کر اپنی زوجہ حضرتِ سیِّدَتُنا اُمِّ سلمہ رَضِیَ اللہُ تَعَالٰی عَنۡہَا اور اپنے بیٹے حضرت سلمہ رَضِیَ اللہُ تَعَالٰی عَنۡہ کو بھی کَجاوے میں بٹھا لیا۔ ابھی وہ اونٹ کی نَکیل پکڑ کر چلے ہی تھے کہ حضرت سَیِّدَتُنا اُمِّ سلمہ رَضِیَ اللہُ تَعَالٰی عَنۡہَا کے میکے والوں یعنی بنو مُغِیرَہ نے انہیں دیکھ لیا۔ چُنَانْچِہ وہ کہنے لگے: تمہیں تو ہم نہیں روک سکتے لیکن ہمارے خاندان کی اس لڑکی کے بارے میں تم کیا چاہتے ہو؟ ہم کیوں اسے تمہارے پاس چھوڑ دیں کہ تم اسے شہر بہ شہر لئے پھرو؟ یہ کہہ کر انہوں نے اونٹ کی نَکیل ان سے چھینی اور آپ رَضِیَ اللہُ تَعَالٰی عَنۡہَا کو ان سے علیحدہ کر دیا۔ اس پر حضرت سَیِّدُنا ابو سلمہ رَضِیَ اللہُ تَعَالٰی عَنۡہُ کے خاندان یعنی بنو عَبْدُ الْاَسَد کے لوگوں کو طیش آ گیا اور انہوں نے غَضَب ناک ہو کر کہا: بخدا! جبکہ تم نے اُمِّ سلمہ کو اس کے شوہَر سے علیحدہ کر دیا ہے جو ہمارے خاندان میں سے ہیں تو ہم ہرگز ہرگز ابوسلمہ کے بیٹے سلمہ کو اس کے پاس نہیں رہنے دیں گے کیونکہ وہ بچّہ ہمارے خاندان کا ہے۔ پھر اسی تُو تکار میں بنی عَبْدِ الْاَسَد والے حضرت سَیِّدَتُنا اُمِّ سلمہ کے بیٹے کو لے کر چل دیئے اور آپ رَضِیَ اللہُ تَعَالٰی عَنۡہَا کو بنو مُغِیرَہ کے لوگوں نے اپنے پاس روک لیا۔ حضرت ابوسلمہ رَضِیَ اللہُ تَعَالٰی عَنۡہُ چونکہ حکْمِ خدا و رسول پر لَـبَّیْك کہتے ہوئے ہجرت کا پختہ ارادہ فرما چکے تھے، چُنَانْچِہ انہوں نے اپنے بیٹے اور بیوی کا مُعَامَلہ سُپُردِ خدا کیا اور بیوی اور بچے دونوں کو چھوڑ کر تنہا سوئے مدینہ چل پڑے۔ ادھر حضرت اُمِّ سلمہ رَضِیَ اللہُ تَعَالٰی عَنۡہَا شوہر اور بچے کی جُدائی پر ہر صُبْح وادیِ مکّہ کے باہر بیٹھ کر روتی رہتیں۔ اسی طرح تقریباً ایک سال کا عرصہ گزَر گیا۔ ایک دن آپ رَضِیَ اللہُ تَعَالٰی عَنۡہَا کا ایک چچا زاد بھائی آپ کے پاس سے گزرا تو اللہ عَزَّ وَجَلَّ نے اس کے دل میں آپ کے لیے نرم گوشہ پیدا فرمایا۔ لِہٰذا اس نے بنو مُغِیرَہ کو سمجھایا کہ تم نے اس مسکینہ کو اس کے شوہر اور بچے سے کیوں جدا کر رکھا ہے اور اسے کیوں نہیں جانے دیتے...!! بالآخر بنو مُغِیرَہ نے اس پر رَضا مند ہوتے ہوئے حضرت اُمِّ سلمہ رَضِیَ اللہُ تَعَالٰی عَنۡہَا سے کہا: اگر چاہو تو اپنے شوہَر کے پاس چلی جاؤ۔ پھر حضرت ابوسلمہ رَضِیَ اللہُ تَعَالٰی عَنۡہ کے خاندان والوں نے بچے کو حضرتِ اُمِّ سلمہ رَضِیَ اللہُ تَعَالٰی
کتاب کا موضوع
کتاب کا موضوع
- دُرود شریف کی فضیلت
- صحابیات اور دین کی خاطِر قُربانیاں
- راہِ خدا میں پہلی جان کی قربانی
- دین قربانی چاہتا ہے
- دین کی خاطر اذیتیں برداشت کرنے والی صحابیات طیبات
- ظلم و ستم کی آندھیاں
- صابِرہ خاتون
- بینائی لوٹ آئی
- مارتے مارتے تھک جاتے
- چہرہ لہولہان ہو گیا
- اُمِّ بلال پر مَظالم کی اِنتہا
- شکاری خود شکار ہو چلے
- گھبرائیے مت!
- راہِ خدا میں کیسی چیز پیش کی جائے؟
- مال کی قربانی
- کنگن حکم سرکار پر قربان
- جان کی قُربانی
- جان سے بھی زیادہ سرکار سے محبت
- جان دینا یا کسی کی جان لینا
- چاربیٹے قربان کرنے والی ماں
- اَعِزَّا و اَقْرِبا اور اَہْل و عَیال کی قُربانی
- باپ، بھائی اور شوہر کی قربانی
- خالو، بھائی اور شوہر کی قربانی
- صبر و ایثارکی اعلٰی مثال
- بنت صدیق اکبر کی قربانیاں
- اسلام زندہ ہوتا ہے ہر کربلا کے بعد
- کرب و بلا میں ڈوبی داستانِ ظلم و ستم
- قافلہ کی سوئے کوفہ روانگی
- تاراج کارواں کی سوئے طیبہ روانگی
- گھر بار کی قربانی
- بنت رسول پر ظلم کی انتہا
- بیٹے اور خاوند کی جدائی کا غم
- ہجرت کرنے والی چند دیگر صحابیات
- آج دین کیا چاہتا ہے؟
- ایمان کی سلامتی
- ماخذ و مراجع
