30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Sahabiyat aur Parda | صحابیات اور پردہ
لئے بھی نہیں جاسکتی اگر گئی تو گناہ گار ہوگی اگرچہ فَرْض حج ادا ہوجائے گا۔[1]جیسا کہ بہارِ شَریعَت میں ہے کہ عورت کو بغیر مَحْرَم کے تین دن یا زیادہ کی راہ جانا، ناجائز ہے بلکہ ایک دِن کی راہ جانا بھی۔نابالغ بچہ یا مَعْتُوہ (کم عَقْل) کے ساتھ بھی سَفَر نہیں کرسکتی، ہمراہی میں بالغ مَحْرَم یا شوہر کا ہونا ضَروری ہے۔محْرَم کے لیے ضَرور ہے کہ سَخْت فاسِق بے باک غیر مَامُون نہ ہو۔[2]
پیاری پیاری اسلامی بہنو!حِجاب عربی زبان کے لفظ حَجْبٌ سے نکلا ہے جس کا مطلب ہے کسی کو کسی شے تک رسائی حاصِل کرنے سے روکنا اورحِجاب کے مُتَعَلِّق علّامہ شریف جُرجانی قُدِّسَ سِرُّہُ النّوْرَانِی کتاب التعریفات میں فرماتے ہیں کہ حِجاب سے مُراد ہر وہ شے ہے جو آپ سے آپ کا مقصود چھپا دے۔ [3] یعنی آپ ایک شے کو دیکھنا چاہیں مگر وہ شے کسی آڑ یا پردے میں ہو تو اس آڑ یا پردے کو حِجاب کہتے ہیں۔حِجاب کا یہ مفہوم قرآنِ کریم میں کئی مَقامات پر مذکور ہے، جیسا کہ پارہ 23 سورہ ص کی آیت نمبر 32 میں اِرشَادہوتا ہے:
حَتّٰى تَوَارَتْ بِالْحِجَابِٙ (۳۲)
ترجمۂ کنزُ الایمان:یہاں تک کہ نگاہ سے پردے میں چُھپ گئے۔
نیز عورتوں کے حِجاب سے کیا مُراد ہے اس کے مُتَعَلِّق حضرت سَیِّدُنا امام ابن حَجَر عَسْقَلانی قُدِّسَ سِرُّہُ النّوْرَانِی فرماتے ہیں:عورتوں کے حِجاب سے مُراد یہ ہے (یعنی وہ اس طرح پردہ کریں) کہ مَرد انہیں کسی طرح دیکھ نہ سکیں۔ [4]
پیاری پیاری اسلامی بہنو! عورت کا مَطلب ہے: مَایُعَارُ فیِ اِظْهَارِہٖ۔یعنی (جسم کا وہ حصّہ) جس کا ظاہِر ہونا قابلِ عار و شَرْم ہو ۔[5]ایک رِوایَت میں ہے:اَلْـمَرْأَةُعَوْرَةٌ۔ عورت عورت ہے۔[6] مطلب یہ ہے کہ عورت مردِاجنبی کیلئے سر سے پاؤں تک لائقِ پردہ (یعنی چھپانے کی چیز) ہے[7]اور چھپایا اسی چیز کو جاتا ہے جس کو غیر کی نظروں سے بچانا مقصود ہوتا ہے اور غیر سے مُراد کون ہے؟ اس کے مُتَعَلِّق اللہ عَزَّ وَجَلَّ کے پیارے حبیب صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے اِرشَادفرمایا ہے:عورت پردے میں رہنے کی چیز ہے، فَاِذَا خَرَجَتْ اِسْتَشْرَفَھَا الشَّیْطَانُ۔یعنی جب وہ باہَر نکلتی ہے تو شیطان اُسے نِگاہ اٹھا اٹھا کر دیکھتا ہے۔[8]
مُفَسِّرِ شَہِیر، حکیم الاُمَّت مفتی احمد یار خان عَلَیْہِ رَحمَۃُ الْحَنَّان اس حدیثِ پاک کی شرح میں فرماتے ہیں کہ اِسْتِشْرَاف کے معنیٰ ہیں”کسی چیز کو بغور دیکھنا“ یا اس کے معنیٰ ہیں”لوگوں کی نگاہ میں اچھا کر دینا تاکہ لوگ اسے بغور دیکھیں“یعنی عورت جب بے پردہ
[1] پردے کے بارے میں سوال جواب، ص ۱۶۵
[2] بہارِ شریعت، نماز مسافر کا بیان، ۱ / ۷۵۲
[3] کتاب التعریفات، حرف الحاء، ص ١٤٥
[4] فتح الباری، کتاب التفسیر، باب قوله (وَ لَوْ لَاۤ اِذْ سَمِعْتُمُوْهُ قُلْتُمْ)، ٨ / ٥٨١، تحت الحدیث: ٤٧٥٠
[5] مراٰۃ المناجیح ،پردے کے احکام،دوسری فصل، ۵ / ۱۶
[6] ترمذی،کتاب الرضاع،١٨-باب، ص٣٠٤، حدیث: ١١٧٣
[7] مراٰۃ المناجیح ،پردے کے احکام،پہلی فصل، ۵ / ۱۳
[8] ترمذی،کتاب الرضاع،١٨-باب، ص٣٠٤، حدیث: ١١٧٣
کتاب کا موضوع
کتاب کا موضوع
- دُرُود شریف کی فضیلت
- صحابیات اور پردہ
- شرم و حیا کی پیکر با پردہ صحابیہ کا سفرِ مدینہ
- حالتِ سفر میں پردہ
- کیا عورت کا تنہا سفر کرنا جائز ہے؟
- پردہ و حجاب کیا ہے؟
- عورت کسے کہتے ہیں؟
- پردے کا حکم کب نازِل ہوا؟
- پردہ صرف عورتوں کے لیے ہی کیوں؟
- پردہ و حجاب گویا اسلامی شعار ہے
- عہدِ رسالت میں حجاب
- کیا عورتوں کا گھروں میں رہنا ظلم ہے؟
- پردہ و حجاب کے درجات
- پہلا درجہ
- گھر سے جنازہ ہی نکلا
- جنازے پر کسی غیر کی نظر نہ پڑے
- کیا پردے کے پہلے درجہ پر عمل صحابیات ہی کا کام تھا؟
- دوسرا درجہ
- خواہ مخواہ کی عذر خواہی سے بچئے
- صحابیات کا حجاب کیسا تھا؟
- گھر سے باہَر نکلنے کی احتیاطیں
- تیسرا درجہ
- ستر عورت کیا ہے؟
- پردہ مگر کن سے؟
- پردہ دار کے لیے آزمائش
- مرض یا کسی مصیبت میں پردے کا اہتمام کرنا کیسا؟
- بیٹا کھویا ہے، حیا نہیں
- حالت مرض میں بے پردہ ہو جانے کی فکر
- پردے میں احتیاط کی مثالیں
- حالتِ احرام میں بھی پردہ
- جہانِ فانی سے کوچ کر جانے والوں سے پردہ
- شرحِ حدِیث
- فروغ و حفاظتِ حجاب میں صحابیات کا کردار
- پردے کے بارے میں قرآن و سنت سے ماخوذ مدنی پھول اور بے پردگی کی تباہ کاریاں
- پردے کے متعلق مدنی پھول
- بے پردگی کی تباہ کاریاں
- پردے کے متعلق امیر اہلسنت کی مختلف کتب سے ماخوذ چند مدنی پھول
- چند آدابِ حیات
- بے پردَگی سے نفرت
- ماخذ ومراجع
- اسلامی بہنوں کے مَدَنی کام کے 41 مَدَنی پھولوں میں سے 32واں مَدَنی پھول
