’’فتح القدیر شرح ہدایہ‘‘ میں   ہے :  

            لو شھدوا أنّ قاضي بلد کذا شھد عندہ إثنان برؤیۃ الہلال في لیلۃ کذا وقضی بشھادتھما جاز لھذا القاضي أن یحکم بشھادتھما؛ لأنّ قضاء القاضي حجۃ وقد شھدوا بہ۔^{([1] )}

 اسی طرح ’’فتاویٰ قاضی خاں  ‘‘^{([2] )}و’’فتاویٰ خلاصہ‘‘^{([3] )} وغیرہما میں   ہے ۔

            قلت :  وقیّدہ في ’’التنویر‘‘^{([4] )}تبعاً لـ’’الذخیرۃ‘‘ عن ’’مجموع النوازل‘‘ باستجماع شرائط الدعوی، ووجّھہ العلامۃ الشامي^{([5] )} بتوجیھین، لنا في کلّ منھما کلام حقّقناہ فیما علیہ علّقناہ فراجعہ ثمّہ^{([6] )} فإنّہ من الفوائد المھمۃ۔^{([7] )}

طریق چہارم

کِتَابُ الْقَاضِيْ إِلَی الْقَاضِي

            یعنی قاضیِ شرع جسے سلطانِ اسلام نے فصل مقدمات^{([8] )} کے لئے مقرر کیا ہو اس کے سامنے شرعی گواہی گزری، اس نے دوسرے شہر کے قاضیِ شرع کے نام خط لکھا کہ میرے سامنے اس مضمون پر شہادت ِشرعیہ قائم ہوئی، اور اس خط میں   اپنا اور مکتوب الیہ کا نام و نشان پورا لکھا جس سے امتیاز کافی واقع ہو، اور وہ خط دو گواہانِ عادل کے سپرد کیا کہ یہ میرا خط قاضی فلاں   شہر کے نام ہے وہ باحتیاط اس قاضی کے پاس لائے اور شہادت ادا کی کہ آپ کے نام یہ خط فلاں   قاضی فلاں   شہر نے ہم کو دیا اور ہمیں   گواہ کیا کہ یہ خط اس کا ہے اب یہ قاضی اگر اس شہادت کو اپنے مذہب کے مطابق ثبوت کے لئے کافی سمجھے تو اس پر عمل کرسکتا ہے ۔(اور بہتریہ ہے کہ قاضی کاتب خط لکھ کر ان گواہوں   کو سنادے یا اس کا مضمون بتادے اور خط بند کرکے ان کے سامنے سربمہر کردے ، اور اولیٰ یہ کہ اس کا مضمون ایک کھلے ہوئے پرچے پر الگ لکھ کر بھی ان شہود ^{([9] )}    کو دے دے کہ وہ اسے یاد کرتے رہیں   یہ آکر مضمون پر بھی گواہی دیں   کہ خط میں   یہ لکھا ہے اور سربمہر خط اس قاضی کے حوالہ کریں   یہ زیادہ احتیاط کے لئے ہے ، ورنہ خیر اسی قدر کافی ہے کہ دو مردوں   یا ایک مرد دو عورتیں   عادل کو خط سپرد کرکے گواہ کرلے اور وہ باحتیاط یہاں   لا کر شہادت دیں  ) بغیر اس کے اگر خط ڈاک میں   ڈال دیا یا اپنے آدمی کے ہاتھ بھیج دیا تو ہرگز مقبول نہیں   اگرچہ وہ خط اسی قاضی کا معلوم ہوتا ہو اور اس پر اس کی اور اس کے محکمہ قضا کی مہر بھی لگی ہو اور یہ بھی ضرور ہے کہ جب تک یہ خط قاضی  مکتوب الیہ کو پہنچے اور وہ اسے پڑھ لے اس وقت تک کاتب زندہ رہے اور معزول نہ ہو ورنہ اگر خط پڑھے جانے سے پہلے مرگیا یا برخاست ہوگیا تو اس پر عمل نہ ہوگا اور بحالت ِزندگی یہ بھی ضرور ہے کہ جب تک مکتوب الیہ اس خط کے مطابق حکم نہ کرلے اس وقت تک کاتب عہدۂ قضا کا اہل رہے ورنہ اگر حکم سے پہلے کاتب مثلاً مجنوں   یا مرتد یا اندھا ہوگیا تو بھی خط بیکار ہوجائے گا۔

            ’’درِّمختار‘‘ میں   ہے :

            القاضي یکتب إلی القاضي بحکمہ، وإن لم یکن الخصم حاضراً لم یحکم، کتب الشھادۃ لیحکم المکتوب إلیہ بھا علی رأیہ، وقرأ الکتاب علیھم أو أعلمھم بما فیہ وختم عندھم وسلم إلیھم بعد کتابۃ عنوانہ وھو أن یکتب فیہ اسمہ واسم المکتوب إلیہ وشھرتھما، واکتفی الثاني بأن یشھدھم أنّہ کتابہ، وعلیہ الفتوی، ویبطل الکتاب بموت الکاتب وعزلہ قبل القراء ۃ وبجنون الکاتب ورِدّتہ وحدّہ لقذف وعمائہ لخروجہ عن الأھلیۃ، وکذا بموت المکتوب إلیہ وخروجہ عن الأھلیۃ إلاّ إذا عمّم۔ ولا یقبل کتاب القاضي من محکّم بل من قاض مولًی من قِبَل الإمام۔^{([10] )}