بِقَدْرِالْکَدِّتَکْتَسِبُ الْمَعَالِی                                                         وَمَنْ طَلَبَ الْعُلَاسَھِرَاللَّیَالِی

تَرُوْمُ الْعِزَّثُمَّ تَنَامُ لَیْلًا                                                                                         یَغُوْضُ الْبَحْرَمَنْ طَلَبَ اللّآلِی

عُلُوُّالْکَعْبِ بِالْھِمَمِ الْعَوَالِی                                                                      وَعِزُّالْمَر     ْء ِ    فِیْ سَھَرِاللَّیَالِی

وَمَنْ رَّامَ الْعُلَامِنْ غَیْرِکَدٍّ                                                                 اَضَاعَ الْعُمْرَفِیْ طَلَبِ الْمَحَالِ

تَرَکْتُ النَّوْمَ رَبِّیْ فِی اللَّیَالِی                                                                        لِاَجْلِ رِضَاکَ یَامَولَی الْمَوَالِی

فَوَفِّقْنِیْ اِلٰی تَحْصِیْلِ عِلْمِ                                                                                وَبَلِّغْنِیْ اِلٰی اَقْصَی الْمَعَالِی   

ترجمہ : (۱)… تم اپنی محنت ولگن کے اعتبار سے ترقی پاؤگے جو بلندیوں کو چھونا چاہتاہے وہ راتوں کوجاگتاہے۔

 (۲)…توعزت کا طلبگار ہے اورپھر رات کو سو بھی جاتاہے ارے غافل موتی حاصل کرنے کے لئے پہلے سمندر میں غوطے لگانے پڑتے ہیں ۔

 (۳)…رفعت وبرتری کے لئے مضبوط ارادوں کی ضرورت ہے اوربندے کو عزت کا مقام حاصل کرنے کے لئے اپنی راتوں کو بے خواب بنانا پڑتاہے ۔

 (۴)…جو بغیر محنت ومشقت کے بلندیوں کو چھونا چاہتاہے ایسا شخص اپنی عمر کو ایک محال کام کے لئے ضائع کر رہا ہے ۔

 (۵)…اے  اللہ   عَزَّ وَجَلَّ !تیری رضا کی خاطر میں نے راتوں میں سونا ترک کردیا ہے۔

 (۶)…پس مجھے تحصیل علم کی توفیق عطافرما اورمجھے علم وکمال کی اعلیٰ ترین بلندیوں پر فائز فرما۔

ایک دانا کا قول ہے کہ’’اِتَّخِذِاللَّیلَ جَمَلًا تُدْرِکْ بِہٖ اَمَلًا۔یعنی : ساری ساری رات کام میں مصروف رہا کرو مقصود کو جلد پالوگے ۔‘‘

        اے عزیزطالب علم !خود مجھے بھی اس موضوع پر یہ نظم لکھنے کا اتفاق ہوا ہے :  

مَنْ شَاءَاَنْ یَّحْتَوِی اٰمَالَہُ جَمَلًا                                                                                            فَلْیَتَّخِذْلَیْلَہُ فِی دَرْکِھَاجَمَلًا

اَقْلِلْ طَعَامَکَ کَیْ تَحْظَی بِہٖ ثَمَرًا                                                                                              اِنْ شِئْتَ یَاصَاحِبِیْ اَنْ تَبْلُغَ الْکَمَلًا

 ترجمہ : (۱)…جو یہ چاہتاہے کہ اس کی تمام خواہشیں پوری ہوجائیں اسے چاہیے کہ ان خواہشات کی تحصیل کے لئے رات بھر اپنے کام میں مصروف رہے ۔

 (۲)…اے میرے دوست! اگر توفضل وکمال کی منزل تک پہنچنا چاہتاہے تواپنے کھانے کو کم کرتاکہ تو فوائد وثمرات میں حصہ پاسکے۔   

        کسی دانا کا قول ہے کہ’’مَنْ اَسْھَرَنَفْسَہٗ بِاللَّیْلِ فَقَدْفَرِحَ قَلْبُہٗ بِالنَّھَارِ۔یعنی :  جو راتوں کو جاگتا ہے اس کا دن مسرت وخوشی سے گزرتاہے۔‘‘

        اے عزیز طالب علم !علم کے لئے رات کے اول حصے اورآخری حصے میں مطالعہ کرنا نہایت ضروری ہے کیونکہ مغرب وعشاء کے درمیان کا وقت اورسحری کا وقت دونوں بہت ہی مبارک اوقات ہیں ۔ ایک شاعر کہتاہے :

یَاطَالِبَ الْعِلْمِ بَاشِرِالْوَرَعَا                                                                  وَجَنِّبِ النَّوْمَ وَاتْرُکِ الشِّبَعَا

دَاوِمْ  عَلَی الدَّرْسِ لَاتُفَارِقْہٗ                                                     فَالْعِلْمُ بِالدَّرْسِ قَامَ وَارْتَفَعَا

 ترجمہ : (۱)…اے عزیز طالب علم !تقوی اورپرہیز گاری کو لازم پکڑ ، نیند سے کنارہ کر اور شکم سیر ہونا چھوڑ دے ۔

 (۲)…درس وتکرار پر مداومت اختیار کر کبھی اس میں ناغہ مت کرنا کہ علم کا پودادرس وتکرار ہی سے کھڑا رہتاہے اورمزید پھلتا پھولتارہتاہے ۔

        الغرض ایک طالب علم کو آغازجوانی اورنوعمری سے فائدہ اٹھاناچاہیے جیسا کہ ایک شاعر کہتاہے کہ :

بِقَدْرِالْکَدِّ تُعْطَی مَاتَرُوْمُ                                                               فَمَنْ رَامَ الْمُنٰی لَیْلًا یَّقُوْمُ

وَاَیَّامَ الْحَدَاثَۃِ فَاغْتَنِمْھَا                                                                        اَلَااِنَّ الْحَدَاثَۃَ لَا تَدُوْمُ

 ترجمہ : (۱)…تو اپنی تمناؤں کو بقدر محنت ہی حاصل کرسکتاہے جو ڈھیروں مقاصد حاصل کرنا چاہتا ہو اسے چاہیے کہ راتوں کو قیام کرے۔  

          (۲)…زندگی کے یہ دن تو عارضی ہیں انہیں غنیمت جان کر ان سے فائدہ اٹھا لو کیونکہ عارضی چیز ہمیشہ نہیں رہتی۔   

        طالب علم کو چاہیے کہ اپنے آپ کو زیادہ محنت ومشقت میں بھی نہ ڈالے اور اپنی جان پر اتنا بوجھ بھی نہ ڈالے کہ بندہ عمل کرنے سے لاچار ہوجائے بلکہ اس معاملہ میں نرمی سے کام لے کہ نرمی تمام اشیاء کی اصل ہے ۔

        میٹھے میٹھے آقا، مکی مدنی مصطفی صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمنے ارشادفرمایا :  ’’  اَلآاِنَّ ھٰذَاالدِّیْنَ مَتِیْنٌ فَأَوْغِلْ فِیْہِ بِرِفْقٍ وَّلاَ تُبَغِّضْ اِلٰی نَفْسِکَ عِبَادَۃَ اللّٰہِ تَعَالٰی فَاِنَّ الْمُنْبَتَّ لَااَرْضًاقَطَعَ وَلَاظَھْرًااَبْقَی۔

          یعنی : بے شک یہ دین پختہ وپائیدارہے پس اس میں نرمی کے ساتھ بڑھتے رہو اوراپنے لئے  اللہ   عَزَّ وَجَلَّ کی عبادت کونا پسندنہ بناؤکیونکہ تیزی سے سفرکرنے والا منزلِ مقصودتک پہنچتا ہے نہ ہی سواری باقی چھوڑتاہے^([1])۔‘‘

        شہنشاہِ مدینہ، قرارِ قلب و سینہ  صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم    نے ارشاد فرمایا :  ’’نَفْسُکَ مَطِیَّتُکَ فَارْفُقْ بِھَا۔ یعنی : تیرا نفس تیری سواری ہے پس اس کے ساتھ نرمی سے پیش آؤ ۔‘‘

        ایک طالب علم کو تحصیل علم کے لئے پختہ اورمضبوط ارادوں کی بہت سخت ضرورت ہوتی ہے کہ جس طرح ایک چڑیا اپنے پروں کی مدد سے ہی فضا میں اڑ سکتی ہے بالکل اسی طرح ایک