30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Qutub-e-Alam Ki Ajeeb Karamat Ma Deger Dilchasp Sawal Jawab | قطبِ عالم کی عجیب کرامت مع دیگر دلچسپ سوال جواب
قطبِ عالم کی عجیب کرامت مع دیگر دلچسپ سوال جواب
کتاب میں نتائج:
دَرْس سے روکنے والوں کو کیسے راضی کیا جائے؟
سُوال : ’’ فیضانِ سُنَّت ‘‘ کے درْس سے روکنے والوں کو کیسے راضی کیا جائے؟
جواب : ’’ فیضانِ سُنَّت ‘‘ کے دَرْس سے روکنے والوں کو درس کی اَہمیت اور اس کے فَوائد و برکات بتا کر حکمتِ عملی اور نرمی کے ساتھ سمجھانے کی کوشش کی جائے اِنْ شَآءَ اللّٰہ عَزَّوَجَلَّ فائدہ ہوگا جیساکہ پارہ 27سورۃُ الذّٰرِیٰت کی آیت نمبر55 میں خُدائے رحمٰن عَزَّوَجَلَّ کا فرمانِ عالیشان ہے: (وَّ ذَكِّرْ فَاِنَّ الذِّكْرٰى تَنْفَعُ الْمُؤْمِنِیْنَ (۵۵)) ترجمۂ کنز الایمان:اورسمجھاؤ کہ سمجھانا مسلمانوں کو فائدہ دیتا ہے۔
دَرْس سے روکنے والوں کا یوں ذہن بنایا جائے کہ اَلْحَمْدُ لِلّٰہ عَزَّوَجَلَّ فیضانِ سنَّت کا دَرس دینے سے بھلائی پھیلتی اور بُرائی مٹتی ہے آپ مسجد میں دَرْس شروع کروا کر بھلائی پھیلانے اور بُرائی مٹانے کا ذَریعہ بنیں کہ ایسے لوگوں کو حدیثِ پاک میں مُبارکباد سے نوازا گیا ہے چنانچہ سرکارِ عالی وقار، مدینے کے تاجدار صَلَّی اللّٰہُ تَعَالٰی عَلَیْہِ واٰلہٖ وَسَلَّم کا فرمانِ خوشبودار ہے:کچھ لوگ ایسے بھی ہوتے ہیں جو بھلائی کے پھیلنے اور بُرائی کو روکنے کا ذَریعہ ہوتے ہیں اور کچھ لوگ ایسے بھی ہوتے ہیں جو بُرائی پھیلنے اور بھلائی میں رکاوٹ کا ذَریعہ ہوتے ہیں مبارک ہیں وہ لوگ جنہیں اللہ عَزَّوَجَلَّ نے خیر کے پھیلنے کا ذَریعہ بنایا۔ ([1]) بہرحال آپ کے سمجھانے اور دَرس کے فَضائل و بَرکات بتانے کے باوجود بھی اجازت نہ ملے تو مسجد کی بااثر شخصیات سے دَرسِ فیضانِ سُنَّت کی اجازت دِلوانے کی ترکیب بنائی جائے ۔اگر پھر بھی کام نہ بنے تو بحث و مُباحثہ کرنے کے بجائے صبر سے کام لیجیے اور پانچوں نمازیں ممکنہ صورت میں اسی مسجد میں ادا کیجیے اور نمازوں کے بعدکمیٹی کے اَراکین اور دِیگر نمازیوں سے خندہ پیشانی سے ملاقات کیجیے اِنْ شَآءَ اللّٰہ عَزَّوَجَلَّکبھی نہ کبھی راہ ضرور ہموار ہو جائے گی۔
کھجورسے روزہ اِفطارکرنے میں حکمت
سُوال :کھجور سے روزہ اِفطار کرنے میں کیا حکمت ہے؟
جواب :کھجور سے روزہ اِفطار کرنا سنَّت ہے اور سنَّت میں یقیناً حکمت ہی حکمت ہے اگرچہ ہمیں اس کے بارے میں علم نہ ہو۔ حضرتِ سَیِّدُنا اَنَس رَضِیَ اللّٰہُ تَعَالٰی عَنْہُ سے رِوایت ہے کہ نبیٔ کریم صَلَّی اللّٰہُ تَعَالٰی عَلَیْہِ واٰلہٖ وَسَلَّم نَمازسے پہلے تَر کھجوروں سے روزہ اِفطار فرماتے، تَر کھجوریں نہ ہوتیں تو چند خشک کھجوروں (یعنی چُھواروں ) سے اور یہ بھی نہ ہوتیں تو چند چُلُّو پانی پیتے۔ ([2]) لہٰذا جب بھی روزہ اِفطار کریں تو اس سنَّت پر عمل کی نیت سے تَرکھجور سے روزہ اِفطار کریں، یہ نہ ہوتو چُھوارے سے، یہ بھی موجود نہ ہو تو پھر پانی سے روزہ اِفطار کر لیں کہ یہ ہمارے میٹھے میٹھے آقا، مکی مَدَنی مصطَفٰے صَلَّی اللّٰہُ
کتاب کا موضوع
کتاب کا موضوع
- قُطبِ عالَم کی عجیب کرامت
- دُرُود شریف کی فضیلت
- پہلے اِسے پڑھ لیجیے!
- مسجد کے دائیں کونے میں دو مُعَلَّق تخت
- قُطبِ عالَم کی عجیب کرامت
- فاسقِ مُعْلِن کو عملیات کی وجہ سے ولی کہنا کیسا؟
- ولی ہونے کے لیے ایمان وتقویٰ شرط ہے
- کرامات کا ظہور خاتمہ بالایمان کے لیے سَنَد نہیں
- اَورادِ عطّاریہ کی مدنی بہار
- سر یا چہرے پر تھپڑ مارنا کیسا؟
- وَلدیت تبد یل کرنے کا حکم
- شادی کارڈ میں قصداً کسی اور کا نام بطورِ باپ لکھناکیسا؟
- لے پالک بچے کی وَلدیت تبدیل کرنا کیسا؟
- بَہُو کا اپنے سُسَر کو” ابّا جان“ کہنا کیسا؟
- صرف ماں کے سیِّدہ ہونے سے اولاد سیِّد نہیں ہوتی
- فیضانِ سُنَّت کے دَرْس کی اَہمیت وفضیلت
- فیضانِ سُنَّت کے دَرس سے روکنا کیسا؟
- دَرْس سے روکنے والوں کو کیسے راضی کیا جائے؟
- کھجورسے روزہ اِفطارکرنے میں حکمت
- ”حلیم“ کو”کھچڑا“ کہنے کی وجہ
- تفریحاً شکار کرنا کیسا؟
- کیا سرکار عَلَیْہِ الصَّلٰوۃُ وَالسَّلَام نے مہندی لگائی؟
- سب سے پہلے مہندی کس نے لگائی؟
- سفید داڑھی میں مہندی لگانے کی فضیلت
- خوشی کے موقع پرمَرد کا ہاتھوں میں مہندی لگانا کیسا؟
- بچّے کو دودھ پلانے سے عورت کاوُضُو نہیں ٹوٹتا
- رِزق میں برکت کا وظیفہ
