30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Qutub-e-Alam Ki Ajeeb Karamat Ma Deger Dilchasp Sawal Jawab | قطبِ عالم کی عجیب کرامت مع دیگر دلچسپ سوال جواب
قطبِ عالم کی عجیب کرامت مع دیگر دلچسپ سوال جواب
کتاب میں نتائج:
دودھ اس طرح پلا دے کہ اس بچّے کے حَلْق سے نیچے اُتر جائے۔ اگر بچی گود لینا ہو تو شوہر سے رضاعت کا رِشتہ قائم کرنے کے لیے شوہر کی بہن یا بھانجی یا بھتیجی کا دودھ اسے پلا دیا جائے ۔ اس طرح اب جن جن سے دودھ کا رِشتہ قائم ہوا اُن سے پردہ واجِب نہ رہا۔اعلیٰ حضرت عَلَیْہِ رَحْمَۃُرَبِّ الْعِزَّت فرماتے ہیں: بحالتِ جوانی یا اِحتمالِ فتنہ پردہ کرنا ہی مناسب ہے کیونکہ عوام کے خیال میں اس (دودھ کے رشتے) کی ہیبت بہت کم ہوتی ہے۔ ([1]) یہ یاد رہے کہ ہجری سِن کے حساب سے دو برس کے بعد بچّہ یابچّی کو اگرچہ عورت کا دودھ پلانا حرام ہے۔ مگر ڈھائی برس کے اندر اگر دودھ پلائے گی تو رضاعت (یعنی دودھ کی رِشتہ داری) ثابت ہو جائے گی۔
بَہُو کا اپنے سُسَر کو” ابّا جان“ کہنا کیسا؟
سُوال: کیا بَہُو اپنے سُسَر کو” ابّا جان“ کہہ سکتی ہے؟
جواب: بَہُو اپنے سُسَر کو ”ابّا جان“ کہہ سکتی ہے۔ اگر عام لوگ بھی کسی شخص کو اپنا ”حقیقی والِد“ ظاہر نہ کریں صِرف یوں ہی ’’ ابّاجان ‘‘ کہہ کر پکاریں جب بھی حرج نہیں جیسا کہ بعض عمر رسیدہ لوگوں کو سب ’’ ابّاجان ‘‘ کہہ کر پکارتے ہیں تو ایسوں کو” ابّا جان“ کہہ کر مخاطِب ہونے میں کوئی مُضایقہ نہیں۔
صرف ماں کے سیِّدہ ہونے سے اولاد سیِّد نہیں ہوتی
سُوال:جس کا والد سیِّد نہ ہو لیکن والدہ سیدہ ہو تو وہ اپنے آپ کو سید کہہ یا کہلوا سکتا ہے؟
جواب:جس کا والد سیِّد نہ ہواگرچہ والدہ سیدہ ہو تو وہ اپنے آپ کو سید نہیں کہہ یا کہلوا سکتا کیونکہ شریعتِ مطہرہ میں نَسَب ( یعنی خاندان کا سلسلہ) والد سے ہوتا ہے نہ کہ والدہ سے۔ ([2]) اعلیٰ حضرت، امامِ اہلسنَّت مولانا شاہ امام احمد رضاخان عَلَیْہِ رَحْمَۃُ الرَّحْمٰن اَحْسَنُ الْوِعَاءِ لِآدَابِ الدُّعَا میں فرما تے ہیں: بعض سُفہائے بے عقل جن کا باپ شیخ یا اور قوم سے ہے، صرف ماں کے سیِّدانی ہونے پر سیِّد بن بیٹھتے ہیں اور اس بنا پر اپنے آپ کو سیِّد کہتے کہلاتے ہیں۔یہ بھی محض جہالت و معصیت اور وہی دوسرے باپ کو اپنا باپ بنانا ہے۔شرع مطہر میں نَسَب باپ سے لیا جاتا ہے نہ (کہ) ماں سے ۔ ([3])
فتاویٰ رضویہ جلد 23 صفحہ 198 پر ہے:جو واقع میں سیِّد نہ ہو اور دِیدہ و دَانستہ (یعنی جان بوجھ کر ) سید بنتا ہو وہ مَلْعُون (لعنت کیا گیا) ہے، نہ اس کا فرض قبول ہو نہ نفل۔رسولُ اللہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمفرماتے ہیں:جو کوئی اپنے باپ کے سِوا کسی دوسرے کی طرف اپنے آپ کو مَنْسُوب کرنے کا دعویٰ کرے یا کسی غیر والی کی طرف اپنے آپ کو پہنچائے تو
[1] فتاویٰ رضویہ، ۲۲ / ۲۳۵، ماخوذاً رضا فاؤنڈیشن مرکز الاولیا لاہور
[2] ساداتِ کرام کے بارے میں معلومات حاصل کرنے کے لیے دعوتِ اسلامی کے اِشاعتی اِدارے مکتبۃ المدینہ کا مطبوعہ رسالہ ”ساداتِ کرام کی عظمت“ کا مطالعہ کیجیے۔ (شعبہ فیضانِ مدنی مذاکرہ)
[3] فضائلِ دُعا، ص ۲۸۵ مکتبۃ المدینہ باب المدینہ کراچی
کتاب کا موضوع
کتاب کا موضوع
- قُطبِ عالَم کی عجیب کرامت
- دُرُود شریف کی فضیلت
- پہلے اِسے پڑھ لیجیے!
- مسجد کے دائیں کونے میں دو مُعَلَّق تخت
- قُطبِ عالَم کی عجیب کرامت
- فاسقِ مُعْلِن کو عملیات کی وجہ سے ولی کہنا کیسا؟
- ولی ہونے کے لیے ایمان وتقویٰ شرط ہے
- کرامات کا ظہور خاتمہ بالایمان کے لیے سَنَد نہیں
- اَورادِ عطّاریہ کی مدنی بہار
- سر یا چہرے پر تھپڑ مارنا کیسا؟
- وَلدیت تبد یل کرنے کا حکم
- شادی کارڈ میں قصداً کسی اور کا نام بطورِ باپ لکھناکیسا؟
- لے پالک بچے کی وَلدیت تبدیل کرنا کیسا؟
- بَہُو کا اپنے سُسَر کو” ابّا جان“ کہنا کیسا؟
- صرف ماں کے سیِّدہ ہونے سے اولاد سیِّد نہیں ہوتی
- فیضانِ سُنَّت کے دَرْس کی اَہمیت وفضیلت
- فیضانِ سُنَّت کے دَرس سے روکنا کیسا؟
- دَرْس سے روکنے والوں کو کیسے راضی کیا جائے؟
- کھجورسے روزہ اِفطارکرنے میں حکمت
- ”حلیم“ کو”کھچڑا“ کہنے کی وجہ
- تفریحاً شکار کرنا کیسا؟
- کیا سرکار عَلَیْہِ الصَّلٰوۃُ وَالسَّلَام نے مہندی لگائی؟
- سب سے پہلے مہندی کس نے لگائی؟
- سفید داڑھی میں مہندی لگانے کی فضیلت
- خوشی کے موقع پرمَرد کا ہاتھوں میں مہندی لگانا کیسا؟
- بچّے کو دودھ پلانے سے عورت کاوُضُو نہیں ٹوٹتا
- رِزق میں برکت کا وظیفہ
