دنیا سے کم ہوئی ہو گی۔^[1] ایک رِوایَت میں اَلفاظ یوں ہیں کہ جب تک وہ اپنے دینی مُعَامَلے میں دُنْیَاوِی مُعَامَلے کو ترجیح نہ دیں گے۔ جب وہ ایسا کریں گے اور پھر کلمہ طیبہ (لَا اِلٰـهَ اِلَّا الله)پڑھیں گے تو اللہ عَزَّ  وَجَلَّ اِرشَاد فرمائے گا: تم جھوٹے ہو، اِقْرَارِ توحید میں سچّے نہیں ۔^[2]

الله کی بندے سے محبت

اَہْلِ بَیْت سے مَرْوِی ایک رِوایَت میں ہے کہ جب اللہ عَزَّ  وَجَلَّ کسی بندے کو پسند فرماتا ہے تو اسے آزمائش میں مبتلا کر دیتا ہے اور جب کسی سے حَد دَرَجَہ مَحبَّت فرماتا ہے تو اسے اِقْتِـنَا سے نوازتا ہے۔ عَرْض کی گئی: اِقْتِنَا سے کیا مُراد ہے؟ اِرشَاد فرمایا: اس کے اَہْل و عَیال باقی رہنے دیتا ہے نہ مال۔^[3]

الله کی بندے سے ناراضی

اَہْلِ کِتاب سے مَنْقُول ہے کہ اللہ عَزَّ  وَجَلَّ نے اپنے کسی وَلِی کی جانِب وَحِی فرمائی:اس بات سے ڈر کہ جب میں تجھ سے ناراض ہو جاؤں اور تو میری نَظَر سے اس طرح گِر جائے کہ میں تجھ پر دنیا اُنڈیل دوں۔

تمام نیکیوں کا جامع عَمَل

مَنْقُول ہے کہ دنیا میں زُہْد اِخْتِیار کرنے کے عِلاوہ کوئی بھی نیک عَمَل ایسا نہیں جو تمام نیکیوں کا جامِع ہو۔

چنانچہ کسی صحابی کا قول ہے کہ ہم نے ہر قِسْم کے نیک عَمَل کی پَیروی کی مگر اُمُورِ آخِرَت میں دنیا میں زُہْد اپنانے سے بڑھ کر کوئی عَمَل نہیں دیکھا۔^[4]

کسی صحابی نے اوّلین تابعین رَحِمَہُمُ اللہ الْمُبِین سے اِرشَاد فرمایا:تم اگرچہ اللہ عَزَّ  وَجَلَّکے پیارے حبیب صَلَّی اللہ تَعَالٰی عَلَیْہِ وَاٰلِہٖ وَسَلَّم کے صحابہ کِرام عَلَیْہِمُ الرِّضْوَان سے بڑھ کر عَمَل اور مُجاہَدہ کرنے والے ہو مگر پھر بھی وہ تم سے بہتر تھے۔ عَرْض کی گئی: وہ کیسے؟ فرمایا:وہ تم سے زیادہ دنیا میں زُہْد کا دامَن تھامے ہوئے تھے۔^[5]

سب سے زیاده دین كی مددگارشے

حضرت سَیِّدُنا لقمان رَضِیَ اللہ تَعَالٰی عَنْہ کی اپنے شہزادے کو کی گئی وَصیتوں میں ہے:جان لو! دین پر سب سے زیادہ مَدَد کرنے والی شے دنیا میں زُہْد اِخْتِیار کرنا ہے۔^[6]

زہد سے حكمت پیدا ہوتی ہے

مَنْقُول ہے کہ جو دنیا میں 40 دن زُہْد اِخْتِیار کرے اللہ عَزَّ  وَجَلَّ اس کے دِل میں حِکْمَت کے چشمے پیدا فرما دیتا ہے، پھر ان چشموں کو اس کی زبان سے جارِی فرما دیتا ہے۔^[7]

ایک رِوایَت میں ہے:جب تم کسی بندے کو دیکھو کہ اسے خاموشی اور دنیا میں زُہْد کی دولت سے مالا مال کیا گیا ہے تو اس کی قُرْبَت حاصِل کرو کہ وہ حِکْمَت کی باتیں بتائے گا۔^[8] چنانچہ فرمانِ باری تعالیٰ ہے:

وَ مَنْ یُّؤْتَ الْحِكْمَةَ فَقَدْ اُوْتِیَ خَیْرًا كَثِیْرًاؕ- (پ ۳، البقرة:۲۶۹)

ترجمۂ کنز الایمان:اور جسے حِكْمَت ملی اسے بَہُت بھلائی ملی۔

غمِ دنیا کی نحوست

مذکورہ تمام باتیں رِوایات میں مَرْوِی ہیں۔ جیسا کہ مَرْوِی ہے کہ جس نے اس حال میں صُبْح کی کہ اسے دنیا کا غَم لاحِق تھا تو ٭…اللہ عَزَّ  وَجَلَّ اس کے مُعَامَلے کو مُنْتَشِر فرما دیتا ہے٭…اس کے مال کو اس پر بکھیر دیتا ہے٭…اس کے فَقْر کو اس کی آنکھوں کے درمیان لکھ دیتا ہے٭… دنیا اس کے پاس اتنی ہی مِقْدَار میں آتی ہے جو اس کی تقدیر میں لکھ دی گئی ہے۔

فکرِ آخرت کی برکت

 البتہ! جو شخص اس حال میں صُبْح کرتا ہے کہ اسے آخِرَت کی فِکْر لاحِق ہوتی ہے تو ٭…اللہ عَزَّ  وَجَلَّ اس کی فِکْروں کو یَکْسُو فرما دیتا ہے٭…اس کے مال کو اس پر جَمْع کر دیتا ہے٭…اس کے دِل میں غِنا ڈال دیتا ہے اور ٭…دنیا اس کے پاس ناک رگڑتی ہوئی آتی ہے۔^[9]

اسی مَفہوم میں فرمانِ باری تعالیٰ ہے: