ذَھَبَ الرِّجَالُ الْمُقْتَدیٰ بِفِعَالِہِمْ                                                                                                                                                                                                  وَ الْمُنْکِرُوْنَ لِکُلِّ اَمْرٍ مُّنْکَر

وَبَقِیَتْ فِیْ خَلْفٍ یُّزَکِّیْ بَعْضُہُمْ                                                                                                                                                                        بَعْضًا لِّیَدْفَعُ مُعَوَّرٌ عَنْ مُّعَوَّر

 تر جمعہ : وہ لوگ  (اس دنیا سے )  چلے گئے جن کے اعمال کی پیروی کی جاتی تھی اور جو ہر ناپسندیدہ بات کو ناپسند جانتے تھے اور میں   ان کے بعد ایسے  برے لوگوں   میں   باقی رہ گیا ہوں   جو ایک دوسرے کی تعریف میں   مصروف ہیں   تا کہ ایک بدباطن دوسرے بدباطن کا دفاع کرے۔  ^([1])

اَبُنَیَّ اِنَّ مِنَ الرِّجَالِ بَہِیْمَۃٌ                                                                                                                                                                          فِیْ صُوْرَۃِ الرَّجُلِ السَّمِیْعِ الْمُبَصَّر

فَطِنًا ۢبِکُلِّ مُصِیْبَۃٍ فِیْ مَالِہٖ                                                                                                                                                                              فَاِذَاۤ اُصِیْبَ بِدِیْنِہٖ لَمْ یَشْعَر

تر جمعہ : اے میرے بیٹے! بعض لوگ دیکھنے سننے والے انسان کے روپ میں   جانوروں   کی مثل ہیں  ۔ جو اپنے مال میں

  آنے والی ہر مصیبت کو تو سمجھتے ہیں   مگر جب ان کے دین پر کوئی مصیبت آتی ہے تو انہیں   احساس تک نہیں   ہوتا۔  ^([2])

فَسَلِ الْفَقِیْہَ تَکُنْ فَقِیْہًا مِّثْلَہٗ                                                                                                                                                             مَنْ یَّسَعْ فِیْۤ اَمْرٍۢ بِفِقْہٍ یَّظْفَر

تر جمعہ : پس کسی فقیہ سے  سوال پوچھا کر کہ تو بھی اس کی مثل فقیہ ہو جائے گا،   کیونکہ جو کسی معاملہ میں   سوجھ بوجھ سے  کام لیتا ہے کامیاب ہو جاتا ہے۔

کثرتِ شبہات کا زمانہ : 

            حضرت سیِّدُنا عبد اللہ بن مسعود رَضِیَ اللہُ تَعَالٰی عَنْہ سے  مروی ہے کہ آخری زمانے میں   حسنِ سیرت عمل کی کثرت سے  بہتر ہو گی۔  ^([3]) اور آپ رَضِیَ اللہُ تَعَالٰی عَنْہنے اپنے زمانے کے اوصاف کا تذکرہ یقین کے ساتھ اور ہمارے زمانے کا شک کے ساتھ کرتے ہوئے ارشاد فرمایا: ’’تمہارے زمانے میں   بہترین انسان وہ ہے جو امور کی انجام دہی میں   جلدی کرتا ہے اور عنقریب ایک ایسا زمانہ آئے گا کہ ان میں   بہترین انسان وہ ہو گا جو کثرتِ شبہات کی وجہ سے  امور میں   توقف سے  کام لے گا۔ ‘‘   ^([4])

قدیم و جدید دور: 

            حضرت سیِّدُنا حذیفہ رَضِیَ اللہُ تَعَالٰی عَنْہ فرماتے ہیں   کہ میں   اس بات پر حیران ہوں   کہ تمہاری نیکی گزشتہ زمانے میں   برائی سمجھی جاتی تھی اور ایک زمانہ ایسا آئے گا جس میں   تمہاری برائی نیکی سمجھی جائے گی اور جب تک تمہیں   حق کی معرفت حاصل رہے گی تم بھلائی پر رہو گے۔ اور تم میں   جو عالم ہے حق نہیں   چھپاتا۔  ^([5])  اور آپ رَضِیَ اللہُ تَعَالٰی عَنْہ یہ بھی فرمایا کرتے کہ آخری زمانے میں   ایک ایسی قوم ہو گی جس میں   عالم کا مرتبہ ایک مرے ہوئے گدھے جیسا ہو گا جس کی جانب کوئی متوجہ نہ ہو گا۔  ^([6])  اُس دور میں   مومن ایسے  چھپے گا جیسے  آج ہم میں   منافق چھپا پھرتا ہے۔  ^([7])  اور اس وقت لوگوں   میں   مومن کی حیثیت ایک بے وقعت انسان جیسی ہو گی۔   ^([8])

            امیر المومنین حضرت سیِّدُنا علی المرتضیٰ کَرَّمَ اللہُ تَعَالٰی وَجْہَہُ الْکَرِیْم سے  مروی ہے کہ لوگوں   پر ایک ایسا زمانہ آئے گا جس میں   حق کے دس میں   سے  نو حصوں   کا انکار کیا جائے گا اور صرف سونے والا مومن ہی محفوظ رہے گا۔ یعنی جو خاموش اور بظاہر غافل دکھائی دے گا۔ یہی لوگ علم کے چراغ اور ہدایت کے امام ہوں   گے اور باتوں   کا ڈھنڈورا پیٹنے والے نہ ہوں   گے۔ یعنی نہ تو وہ کثرت سے  باتیں   کریں   گے اور نہ ہی اپنی باتوں   سے  فخر کا اظہار کریں   گے۔   ^([9])

            سرکارِ نامدار،   مدینے کے تاجدار صَلَّی اللہُ تَعَالٰی عَلَیْہِ وَاٰلِہٖ وَسَلَّم کا فرمانِ عالیشان ہے: ’’لوگوں   پر ایک ایسا زمانہ آئے گا جس میں   حق پہچاننے والا ہی نجات پائے گا۔ ‘‘  عرض کی گئی: ’’عمل کہاں   ہو گا؟ ‘‘  ارشاد فرمایا: ’’اس دن عمل نہیں   ہو گا بلکہ نجات صرف وہی پائے گا جو اپنا دین لیے ایک پہاڑ سے  دوسرے پہاڑ کی چوٹی کی طرف بھاگتا پھرے گا۔ ‘‘   ^([10])

            حضرت سیِّدُنا ابو ہریرہ رَضِیَ اللہُ تَعَالٰی عَنْہ سے  مروی ہے کہ شفیعِ روزِ مَحشر صَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشاد فرمایا: ’’لوگوں   پر ایک زمانہ آئے گا کہ ان میں   سے  جس نے ان امور کے دسویں   حصے پر عمل کیا جن کا اسے  حکم دیا گیا ہے تو بھی نجات پا جائے گا۔ ‘‘   ^([11]) اور ایک روایت میں   ہے: ’’جس نے اپنے علم کے دسویں   حصے پر عمل کیا نجات پا جائے گا۔ ‘‘    ^([12]) ایک صحابی رَضِیَ اللہُ تَعَالٰی عَنْہ سے  مروی ہے:  ’’آج تم ایسے  زمانے میں   ہو کہ جس نے اپنے علم کے دسویں   حصے پر عمل کرنا چھوڑ دیا ہلاک ہو جائے گا اور عنقریب ایک زمانہ آئے گا جس