نہیں   دیکھا؟ ‘‘  تو آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشاد فرمایا: ’’میں  نے تجھے دیکھا کہ تونے دیر کی اور تکلیف پہنچائی۔‘‘   ^([1])   یعنی تاخیر سے  مسجد آیا اور پہلے سے  موجود لوگوں   کو تکلیف پہنچائی۔

            جمعہ کے دن قصاص نہ لیا جائے کہ یہ مکروہ ہے اور نہ ہی نماز سے  قبل حلقہ بنا کر بیٹھا جائے۔ چنانچہ،   حضرت سیِّدُنا عبد اللہ بن عمرو رَضِیَ اللہُ تَعَالٰی عَنْہ سے  مروی ہے کہ اللہ عَزَّ وَجَلَّ کے مَحبوب صَلَّی اللہُ تَعَالٰی عَلَیْہِ وَاٰلِہٖ وَسَلَّمنے نماز سے  قبل جمعہ کے دن حلقہ بنا کر بیٹھنے سے  منع فرمایا۔  ^([2]) مگر٭... جو عالم باللہ ہو٭... اللہ عَزَّ وَجَلَّ کے ایام کا ذکر کرتا ہو اور٭... اس کے دین کی باتیں   سمجھاتا ہو اس کے لئے حلقہ بنانے میں   کوئی حرج نہیں  ۔ پس جوصبح کے وقت سے  لے کر نمازِ جمعہ تک جامع مسجد میں بیٹھا دین کی باتیں کرتا رہے تو وہ نمازِ جمعہ کی جانب جلد آنے اور علم کی باتیں   سننے جیسے  دونوں   امور کو جمع کرنے والا ہے۔

قبولیت کی گھڑی: 

        سلف صالحین رَحِمَہُمُ اللہُ الْمُبِیْن سے  منقول ہے کہ اللہ عَزَّ وَجَلَّ بندوں   کو ان کے رزق کے علاوہ ایک خاص رزق اس وقت عطا فرماتا ہے جب ان میں   سے  کوئی شبِ جمعہ اور روزِ جمعہ اس خاص فضل کا سوال کرے۔

        مروی ہے کہ نبیوں   کے تاجور صَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشاد فرمایا: ’’بے شک  جمعہ میں   ایک ساعت ایسی ہے جو کسی مسلم بندے کو حاصل ہو جائے اور وہ اس میںاللہ عَزَّ وَجَلَّسے  جو بھی مانگے وہ اسے  عطا فرماتا ہے۔‘‘^([3])

            ایک روایت میں   یہ الفاظ ہیں  :  ’’ وہ کسی بندے کے موافق ہو جائے اور وہ اس میں   نماز پڑھے۔ ‘‘   ^([4])

            اس ساعت میں   اختلاف ہے اور اس بارے میں   مختلف اقوال مروی ہیں:

 (۱) … یہ طلوعِ آفتاب کا وقت ہے۔  (۲) … یہ وہ وقت ہے جب لوگ نماز کے لئے کھڑے ہوتے ہیں  ۔  ^([5])

 (۳) … زوال کا وقت ہے۔  ^([6])   (۴) … یہ اذان کی ساعت ہے۔  ^([7])

 (۵) … یہ وہ ساعت ہے جب امام منبر پر جا کر خطبہ شروع کر دیتا ہے۔  ^([8])

 (۶) … نمازِ عصر کے بعد سے  لے کر آخر وقت تک۔  ^([9])

 (۷) … غروبِ آفتاب کا وقت کہ جب سورج جھک جاتا ہے۔  ^([10])

            حضرت سیِّدَتُنا فاطمۃ الزہرا رَضِیَ اللہُ تَعَالٰی عَنْہَا اس ساعت کا خاص طور پر خیال رکھا کرتیں   اور اپنی خادِمہ سے  ارشاد فرماتیں   کہ وہ سورج کی طرف دیکھتی رہے اور اس کے جھکنے کی اطلاع دے۔ پس وہ دعا و استغفار میں   مصروف ہو جاتیں   یہاں   تک کہ سورج غروب ہو جاتا۔ آپ فرمایا کرتیں   کہ یہی وہ ساعت ہے جس کا انتظار کیا جاتا ہے اور اس قول کو اپنے والد ِ محترم،   نورِ مجسم صَلَّی اللہُ تَعَالٰی عَلَیْہِ وَاٰلِہٖ وَسَلَّم سے  نقل فرماتیں  ۔ ^([11])

                 (صاحبِ کتاب حضرت سیِّدُنا شیخ ابو طالب مکی عَلَیْہِ رَحمَۃُاللہِ الْقَوِی فرماتے ہیں   کہ)  اس ساعت کے متعلق جو مختلف اقوال مروی ہیں   وہ ہم نے اختصار سے  ذکر کر دیئے ہیں  ،   پس ان تمام اوقات کو غنیمت جاننا چاہئے اور ان میں   دعا اور نماز وغیرہ جو بھی ممکن ہو بجا لانا چاہئے۔ ^([12])

            بعض علمائے کرام رَحِمَہُمُ اللہُ السَّلَام سے  منقول ہے کہ مقبولیت کی یہ ساعت تمام ایام میں   پوشیدہ ہے جسے اللہ عَزَّ وَجَلَّ کے سوا کوئی نہیں   جانتاگویا کہ یہ ماہِ رمضان المبارک میں   پوشیدہ شبِ قدر یا صلوٰۃ الوسطیٰ کی مثل ہے۔ ^([13])

            ایک قول ہے کہ یہ ساعت جمعہ کے دن بدلتی رہتی ہے جیسا کہ بعض علمائے کرام رَحِمَہُمُ اللہُ السَّلَام فرماتے ہیں   کہ شبِ قدر پورے مہینے میں   بدلتی رہتی ہے تا کہ بندہ اس دن مکمل