شہزادے: آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم کے تین شہزادے تھے جن کے اسمائے مبارکہ یہ ہیں: 

 (1) …    حضرت سَیِّدُنا قاسم رَضِیَ اللہُ تَعَالٰی عَنْہ ۔

 (2) …    حضرت سَیِّدُنا ابراہیم رَضِیَ اللہُ تَعَالٰی عَنْہ ۔

 (3) …    حضرت سَیِّدُنا عبد للہرَضِیَ اللہُ تَعَالٰی عَنْہ ،   انہی کا لقب طیب و طاہر ہے۔

شہزادیاں: آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم کی چار شہزادیاں تھیں جن کے اسمائے مبارکہ یہ ہیں: 

 (1) …    حضرت سَیِّدَتُنا زینب رَضِیَ اللہُ تَعَالٰی عَنْہَا ۔

 (2) …   حضرت سَیِّدَتُنا رقیہ رَضِیَ اللہُ تَعَالٰی عَنْہَا ۔

 (3) …   حضرت سَیِّدَتُنا ام کلثوم رَضِیَ اللہُ تَعَالٰی عَنْہَا ۔

 (4) …   حضرت سَیِّدَتُنا فاطمۃ الزہرہ رَضِیَ اللہُ تَعَالٰی عَنْہَا۔    ( المواھب اللدنیۃ،   الفصل الثانی فی ذکر اولادہ الکرام،   ج ۴،   ص ۳۱۳)

فصل:  19

جَہْرِی اور سِرِّیْ قراء ت کا بیان

سری قراء ت کے متعلق 5 فرامینِ مصطفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّمَ: 

 (1) … سری  (آہستہ آواز سے )  قراء ت  ^([1]) کی فضیلت جہری  (بلند آواز سے )  قراء ت پر ایسے  ہے جیسے  اعلانیہ صدقہ کرنے سے  پوشیدہ صدقہ کرنا افضل ہے۔  ^([2])

 (2) … بلند آواز سے  تلاوت کرنے والا علانیہ صدقہ کرنے والے کی طرح ہے اور آہستہ آواز میں   تلاوت کرنے والا پوشیدہ طور پر صدقہ کرنے والے کی طرح ہے۔ ^([3])

 (3) … پوشیدہ عمل علانیہ عمل سے  70  گنا افضل ہوتا ہے۔ ^([4])

 (4) … بہترین رزق وہ ہے جو کافی ہو اور بہترین ذکر وہ ہے جو مخفی ہو۔ ^([5])

 (5) … نمازِ مغرب اور عشا کے درمیان تم ایک دوسرے پر بلند آواز سے  قراء ت نہ کیا کرو۔  ^([6])

رَبّ کی رضا مقصود ہے یا بندوں   کی؟

            حضرت سیِّدُنا سعید بن مسیب رَحْمَۃُاللہِ تَعَالٰی عَلَیْہنے ایک رات حضرت سیِّدُنا عمر بن عبدالعزیز عَلَیْہِ رَحمَۃُاللہِ الْعَزِیز کو مسجدِ نبوی میں   حالتِ نماز میں   بلند آواز سے  قرآنِ کریم پڑھتے سنا حالانکہ وہ بہت اچھے قاری تھے اس کے باوجود اپنے غلام سے  فرمایا کہ جاؤ اور اس نمازی کو کہو کہ اپنی آواز پست رکھے۔ لیکن غلامنے عرض کی :  ’’مسجد ہماری ملکیت نہیں   ہے،   اس شخص کا بھی اس میں   حق ہے۔ ‘‘  تو حضرت سیِّدُنا سعید بن مسیب رَحْمَۃُاللہِ تَعَالٰی عَلَیْہنے خود ہی بلند آواز سے  کہا: ’’ اے نماز پڑھنے والے! اگر نماز کے ذریعے تیرا مقصود اللہ عَزَّ وَجَلَّکی رضا ہے تو اپنی آواز پست کر لے اور اگر تیرا مقصود لوگوں   کی رضا ہے تو وہ تجھے اللہ عَزَّ وَجَلَّسے  بچا نہ پائیں   گے۔ ‘‘  راوی فرماتے ہیں   کہ اس پر حضرت سیِّدُنا عمر بن عبدالعزیز عَلَیْہِ رَحمَۃُاللہِ الْعَزِیز خاموش ہو گئے اور اپنی رکعت کو مختصر کر دیا،   جب سلام پھیرا تو اپنے جوتے اٹھا کر چل دیئے حالانکہ وہ اس وقت مدینہ منورہ زَادَھَا اللہُ شَرَفًا وَّ تَعْظِیْمًا کے امیر تھے۔ ^([7])

جہری قراء ت کے متعلق فرامینِ مصطفٰے صلَّی اللہ تعالٰی علیہ وآلہ وسلَّم: 

 (1) … جب تم میں   سے  کوئی رات کے وقت اٹھ کر نماز پڑھے تو بلند آواز سے  قراء ت کیا کرے کیونکہ فرشتے اور جنات اس کی قراء ت سنتے ہیں   اور اس کی نماز کے ساتھ نماز