اللّٰہ تعالیٰ نے آپ(صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم) کو معراج عطا فرمائی یعنی عرش پر بلایا اپنا دیدار آنکھوں سے دکھایا۔^([1])  اپنا کلام سنایا جنت دوزخ عرش کرسی وغیرہ تمام چیزوں کی سیر کرائی،  یہ سب کچھ رات کے تھوڑے سے وقت میں ہوا،  قیامت کے دن آپ(صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم) ہی سب سے پہلے شفاعت کریں گے یعنی اللّٰہ (عَزَّوَجَلَّ)کے یہاں لوگوں کی سفارش کریں گے گناہ معاف کرائیں گے درَجے بلند کرائیں گے اس کے علاوہ اور بہت سے خصائص ہیں جن کے ذکر کی اِس مختصر میں گنجائش نہیں ۔

عقیدہ ۲۱:  نبی کی کسی چیز کو ہلکا جاننے کا حکم

            حضور (صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم) کے کسی قول و فعل و عمل و حالت کو جو حقارت کی نظر سے دیکھے کافر ہے۔^([2]) (قاضی خان و شفاء قاضی عیاض وغیرہ )

معجزہ

معجزہ و کرامت کا فرق

            وہ عجیب وغریب کام جو عادتاً ناممکن ہو جسے نبی اپنی نبوت کے ثبوت میں پیش کرے اور اس سے منکرین عاجز ہوجائیں وہ معجزہ ہے جیسے مردہ کو زندہ کرنا،  اُنگلی کے اشارے سے چاند کے دو ٹکڑے کردینا ایسی عجیب وغریب بات اگر ولی سے ظاہر ہو تو اُسے کرامت کہتے ہیں اور نڈر ، بدکار یا کافر سے ہو تو اس کو اِستدراج کہتے ہیں ۔معجزہ کو دیکھ کر نبی کی سچائی کا یقین ہوتا ہے کہ جس کے ہاتھ پر قدرت کی ایسی نشانیاں ظاہر ہوں جس کے مقابل سب لوگ عاجز و حیران ہوں ضرور وہ خدا کا بھیجا ہوا ہے کوئی جھوٹا نبوت کا دعویٰ کرکے معجزہ ہر گز نہیں دکھا سکتا، اللّٰہ  تعالیٰ جھوٹے کو معجزہ ہر گز نہیں عطا فرماتا ور نہ سچے اور جھوٹے میں فرق نہ رہے۔

مسئلہ ضروریہ: نبی کی لغزش کا حکم

            انبیاء عَلَیْہِمُ السَّلَام سے جو لغزشیں ^([3])ہوئیں ان کا ذکر تلاوتِ قرآن و روایت حدیث کے سوا حرام اور سخت حرام ہے اوروں کو ان سرکاروں میں لب کشائی کی کیا مجال اللّٰہ تعالیٰ ان کا مالک ہے جس محل پر جس طرح چاہے تعبیر^([4])  فرمائے وہ اس کے پیارے بندے ہیں اپنے رب کے لیے جس قدر چاہیں تواضع کریں ،  دوسرا اِن کلمات کو سند نہیں بناسکتا،  یعنی نبی کی بھول چوک کے موقعہ پر اللّٰہ   تعالیٰ نے جو کلمہ کسی نبی کو کہا یا نبی نے اِنکساری عاجزی کے طور پر اپنے کو کہا کسی اُمتی کو نبی کے حق میں ایسے کلمات کہنا ناجائز و حرام ہے۔ ^([5])

اللّٰہ تعالٰی کی کتابیں

            اللّٰہتعالیٰ نے اپنے پیغمبروں پر اپنا کلا م پاک اُتارا،  حضرت موسیٰ عَلَیْہِ السَّلَامپر توریت اُتری ، حضرت داؤدعَلَیْہِ السَّلَام  پر زبور،  حضرت عیسیٰعَلَیْہِ السَّلَامپر انجیل اورنبیوں پر دوسری کتابیں اُتریں ان نبیوں کی اُمتوں نے ان کتابوں کو گھٹا بڑھا دیا اوراللّٰہ (عَزَّوَجَلَّ)کے اَحکام کو بدل ڈالا،  تب اللّٰہ (عَزَّوَجَلَّ)نے ہمارے آقا  مُحَمّدٌ رَّسولُ اللّٰہ صَلَّی اللّٰہُ عَلَیْہِ وَسَلَّم  پر قرآنِ پاک اُتارا،  قرآن ایسی بے مثل کتاب ہے کہ ویسی کوئی دوسرا نہیں بناسکتا چاہے تمام جہان مل کر کوشش کریں ایسی کتاب نہیں بناسکتے۔ قرآن میں سارے علم ہیں اور ہر چیز کا روشن بیان ہے ساڑھے تیرہ سو برس سے آج تک ویسا ہے جیسا اُترا اور ہمیشہ ویسا ہی رہے گا سارا زمانہ چاہے تو بھی اِس میں ایک حرف کا فرق نہیں آسکتا جو شخص کہے کہ قرآنِ پاک میں کسی نے کچھ گھٹایا بڑھادیا،  اصلی قرآن امام غائب کے پاس ہے،  وہ کافر ہے۔ یہی اصل قرآن ہے اِسی قرآن پر ایمان لانا ہر شخص کے لیے لازم ہے اب نہ کوئی نبی آئے گا،  نہ کوئی اللّٰہ (عَزَّوَجَلَّ) کی کتاب ۔جو اس کے خلاف مانے وہ مومن نہیں ۔

ملائکہ یعنی فرشتوں کابیان

            فرشتے نوری جسم کی مخلوق ہیں ،  جن کو اللّٰہ  تعالیٰ نے یہ طاقت دی ہے کہ جو شکل چاہیں بن جائیں انسان کی ہو یا کوئی اور،  فرشتے اللّٰہ تعالیٰ کے حکم کے خلاف کچھ نہیں کرتے نہ جان بوجھ کر نہ بھول کر اس لیے کہ معصوم ہیں ہر قسم کے گناہِ صغیرہ و کبیرہ سے پاک ہیں ،  اللّٰہ تعالیٰ نے بہت سے کام فرشتوں کے سپرد کیے ہیں ،  کوئی فرشتہ جان نکالنے پر مقرر ہے کوئی پانی برسانے پر کوئی ماں کے پیٹ میں بچہ کی صورت بنانے پر کوئی نامہ اعمال  لکھنے پر کوئی کسی کام پر کوئی کسی کام پر،  فرشتے نہ مرد ہیں نہ عورت اُن کو قدیم ماننا یا خالق جاننا کفر ہے کسی فرشتہ کی ذرا