وَالْمُسْلِمِیْنَوَالْمُسْلِمَاتِ الْاَحْیَاء مِنْھُمْ وَالْاَمْوَاتِ اِنَّکَ مُجِیْبُ

الدَّعْوَاتِ بِرَحْمَتِکَ یَا اَرْحَمَ الرَّاحِمِیْن۔^{([1] )}

پڑھے یا اورکوئی دعائے ماثور پڑھے یا یہ پڑھے:

اَللّٰھُمَّ رَبَّنَا اٰتِنَا فِی الدُّنْیَا حَسَنَۃً وَّفِی الْاٰخِرَۃِ حَسَنَۃً وَّقِنَا عَذَابَ النَّار۔^{([2] )}

            اور اس کو بغیر اَللّٰھُمَّ کے نہ پڑھے پھر داہنے شانہ کی طرف منہ کرکے اَلسَّلَامُ عَلَیْکُمْ وَرَحْمَۃُ اللّٰہ^{([3] )}کہے اور اسی طرح بائیں طرف،  اب نماز ختم ہوگئی،  اس کے بعد دونوں ہاتھ اُٹھا کر کوئی دُعا مثلاً

اَللّٰھُمَّ رَبَّنَا اٰتِنَا فِی الدُّنْیَا حَسَنَۃً وَّفِی الْاٰخِرَۃِ حَسَنَۃً وَّقِنَا عَذَابَ النَّار۔

پڑھے اور منہ پر ہاتھ پھیرے۔ یہ طریقہ امام یا تنہا مرد کے پڑھنے کا ہے لیکن اگر نمازی مقتدی ہو یعنی جماعت کے ساتھ امام کے پیچھے پڑھتا ہو تو قرأ ت نہ کرے یعنی اَلْحَمْد اور سورۃ نہ پڑھے چاہے امام زور سے قرأت کرتا ہو یا آہستہ،  امام کے پیچھے کسی نماز میں قرأت جائز نہیں ۔ اگر نمازی عورت ہو تو تکبیر تحریمہ کے وقت مونڈھے تک ہاتھ اُٹھائے اور بائیں ہتھیلی سینہ پر چھاتی کے نیچے رکھ کراس کے اوپردا  ہنی ہتھیلی رکھے اور رکوع میں تھوڑا جھکے یعنی صرف اتنا کہ گھٹنوں پر ہاتھ رکھ دے زور نہ دے اور ہاتھ کی انگلیاں ملی رہیں اور پیٹھ اور پاؤں جھکے رہیں مردوں کی طرح خوب سیدھی نہ کردے اور سجدہ میں سمٹ کر سجدہ کرے یعنی بازو کروٹوں سے ملادے اور پیٹ رانوں سے اور ران پنڈلیوں سے اور پنڈلیاں زمین سے ملادے اور دونوں پاؤں پیچھے نکال دے اور قعدہ میں دونوں پاؤں داہنی جانب نکال دے اور بائیں سرین پر بیٹھے اور ہاتھ بیچ ران پر رکھے۔

فرض،  واجب،  سنت،  مستحب کا حکم

            اس طریقہ میں بعض چیزیں فرض ہیں کہ اس کے بغیر نماز ہوگی ہی نہیں ۔ بعض واجب ہیں کہ اس کو قصد اً چھوڑنا گناہ اور نماز کا پھر سے پڑھنا واجب اور بھول کر چھوٹنے سے سجدہ سہو واجب اور بعض سنت موکدہ ہیں ،  جس کو چھوڑنے کی عادت گناہ ہے اور بعض مستحب ہیں کہ جس کا کرنا ثواب اور نہ کرنا گناہ نہیں ۔

 فرائض نماز

            سات چیزیں نماز میں فرض ہیں : 

{۱}تکبیر تحریمہ^{([4] )}:  یعنی پہلی  اَللّٰہُ اَکْبَر جس سے نماز شروع ہوتی ہے۔

{۲} قیام:  یعنی اتنی دیر کھڑا رہنا جتنی دیر میں فرض قرأ ت^{([5] )}ادا ہو۔

{۳} قرأت: یعنی کم سے کم ایک آیت پڑھنا۔

{۴} رکوع: یعنی اتنا جھکنا کہ ہاتھ بڑھائے تو گھٹنے تک پہنچ جائیں ۔

{۵} سجود: یعنی ماتھے کا زمین پر جمنا اس طرح کہ کم سے کم پاؤں کی ایک انگلی کا پیٹ زمین سے لگا^{([6] )}ہو۔

{۶}  قعدہ اخیرہ:  یعنی نماز کی رکعتیں پوری کرنے کے بعد اتنی دیر بیٹھنا کہ پوری اَلتَّحیات رَسُوْلہ تک پڑھی جاسکے۔

{۷} خروج بِصُنْعِہٖ: یعنی قعدئہ اخیرہ کے بعد اپنے ارادہ و عمل سے نماز ختم کردینا،  خواہ سلام و کلام سے ہو یا کسی دوسرے عمل سے۔

واجباتِ نماز

            تکبیر تحریمہ میں لفظ اَللّٰہُ اَکْبَر کہنا،  پوری اَلْحَمْدُ لِلّٰہ پڑھنا،  سورۃ یا آیت ملانا،  فرض نماز میں دو پہلی رکعتوں میں قرأت واجب ہے،  اَلْحَمْد اور اس کے ساتھ سورۃ یا آیت ملانا،  فرض کی دو پہلی رکعتوں میں اور نفل اور وتر اور سنت کی ہر رکعت میں سورۃ یا آیت سے پہلے ایک ہی باراَلْحَمْد پڑھنا اور اَلْحَمْد اور سورت کے درمیان آمیناور      بِسْمِ اللّٰہ کے سوا کچھ اور نہ پڑھنا،  قرأ ت ختم کرکے فوراً رکوع کرنا،  ایک سجدہ کے بعد دوسرا سجدہ ہونا کہ دونوں سجدوں کے بیچ میں کوئی رکن نہ آنے پائے،  تعدیل ارکان یعنی رکوع،  سجود،  قومہ،  جلسہ میں کم سے کم ایک بارسُبْحٰنَ اللّٰہ کے برابر ٹھہرنا،  قومہ یعنی رکوع سے سیدھا کھڑا ہوجانا،  سجدہ  میں ہر پاؤں کی تین تین انگلیوں کے پیٹ زمین پر لگنا،  جلسہ یعنی دو سجدوں کے درمیان سیدھا بیٹھنا،  قعدہ