کوئی قول وفعل اسلام کے خلاف نہیں ہے،  تو فرض ہے کہ ہم اُسے مسلمان ہی سمجھیں،  اگرچہ ہمیں اس کے خاتمہ کا بھی حال معلوم نہیں۔

 عقیدہ۲۵:  کفرو اسلام کے سوا کوئی تیسرا درَجہ نہیں۔ آدمی یا مسلمان ہوگا یا کافر،  ایسا نہیں کہ نہ کافر ہو نہ مسلمان بلکہ ایک ضرور ہوگا۔

 عقیدہ۲۶:   مسلمان ہمیشہ جنت میں رہیں گے کبھی نکالے نہ جائیں گے اور کافر ہمیشہ دوزخ میں رہیں گے کبھی نہ نکالے جائیں گے۔

مسئلہ۲:اللّٰہ (عَزَّوَجَلَّ) کے سوا کسی اور کو سجدہ کرنے کا حکم

            اللّٰہ(عَزَّوَجَلَّ) کے سوا کسی اور کو سجدہ تعبدی^{([1] )}کفر ہے اور سجدہ تعظیمی حرام ہے۔ ^{([2] )}

بدعت کی تعریف^[3]

            جوبات رسول اللّٰہ     صَلَّی اللّٰہُ عَلَیْہِ وَسَلَّم سے ثابت نہ ہو وہ بدعت ہے اور یہ دو قسم کی ہے،  ایک: بدعت حسنہ،  دوسری: بدعت سیئہ۔ بدعت حسنہ وہ ہے جو کسی سنت کے مخالف و مزاحم^{([4] )}نہ ہو،  جیسے مسجدیںپکی بنوانا،  قرآن شریف سنہرے لفظوں سے لکھنا،  زبان سے نیت کرنا،  علم کلام،  علم صرف،  علم نحو،  علم ریاضی،  خصوصاً علم ہیئت و ہندسہ پڑھنا پڑھانا،  آج کل کے مدرسے،  وعظ کے جلسے،  سندودستار وغیرہ سیکڑوں ایسی چیزیں ہیں جو حضور ( صَلَّی اللّٰہُ تَعَالٰی  عَلَیْہِ وَاٰلِہٖ وَسَلَّم)کے زمانہ میں نہ تھیں،  وہ سب بدعت حسنہ ہیں،  ایسی کہ بعض واجب تک ہیں جیسے تراویح^{([5] )}کی نسبت حضرت عمر رَضِیَ اللّٰہُ عَنْہ  کا ارشاد نِعْمَتِ البِدْعَۃُ ھٰذِہٖ یہ اچھی بدعت ہے۔ بدعت سیئہ قبیحہ وہ ہے جو کسی سنت کے مخالف و مزاحم ہو اور یہ مکروہ یا حرام ہے۔

امامت و خلافت کا بیان

            امامت دو قسم کی ہے،  ایک: امامت صغریٰ،  دوسری: امامت ِکبریٰ۔ امامت ِصغریٰ نماز کی امامت ہے جس کا حال نماز کے بیان میں آئے گا۔

اِمامت کبریٰ کی شرائط

            امامت کبریٰرسول اللّٰہ     صَلَّی اللّٰہُ عَلَیْہِِ وَسَلَّم کی نیابت مطلقہ ہے یعنی حضور کی نیابت سے مسلمانوں کے تمام دینی دنیوی کاموں میں شریعت کے موافق عام تصرف کرنے کا اختیار اور غیر معصیت میں تمام جہان کے مسلمانوں سے اطاعت کرانے کا حق،  اس امامت کے لیے مسلمان آزاد،  مرد،  عاقل،  بالغ،  قرشی،  قادر ہونا ^{([6] )}شرط ہے۔ہاشمی علوی معصوم ہوناشرط نہیں،  نہ یہ شرط کہ اپنے زمانہ میں سب سے افضل ہو۔

 مسئلہ۱: کب امام کی اطاعت فرض ہے؟ 

            امام کی اِطاعت مطلقاً ہر مسلمان پر فرض ہے،  جبکہ امام کا حکم شریعت کے خلاف نہ ہو کہ شریعت کے خلاف حکم میں کسی کی اطاعت نہیں۔

 مسئلہ۲:  امام ایسا شخص بنایا جائے جو بہادر سیاستدان اور عالم ہو یا علماء کی مدد سے کام کرے۔

مسئلہ۳:  عورت اور نابالغ کی امامت جائز نہیں ۔

مسئلہ۴:  امام مبتلائے فسق ^{([7] )}ہونے سے معزول نہیںہوجاتا۔

خلفائے راشدین

            رسول اللّٰہ    صَلَّی اللّٰہُ عَلَیْہِ وَسَلَّم کے بعد آپ کے خلیفہ برحق و امام مطلق حضرت سَیِّدُنا ابوبکر صدیق رَضِیَ اللّٰہُ عَنْہ  ہیں،  پھر حضرت عمر فاروق رَضِیَ اللّٰہُ عَنْہ،  پھر حضرت عثمانِ غنی رَضِیَ اللّٰہُ عَنْہ،  پھر حضرت مولیٰ علی رَضِیَ اللّٰہُ عَنْہ،  پھر حضرت حسن رَضِیَ اللّٰہُ عَنْہ،  اِن حضرات کی خلافت کو خلافت راشدہ کہتے ہیں اس لیے کہ ان صاحبوں نے حضور کی سچی نیابت کا پورا حق ادا کیا۔

عقیدہ۲۷:  خلافت راشدہ کی مدت

            منہاجِ^{([8] )} نبوت پر خلافت حقہ راشدہ تیس سال رہی،  یعنی سیدنا امام حسن ( رَضِیَ اللّٰہُ تَعَالٰی عَنْہ)کے چھ مہینے پر ختم ہوگئی،  پھر امیر المومنین عمر ابن عبدالعزیز (رَحْمَۃُ اللّٰہِ تَعَالٰی عَلَیْہ) کی خلافت راشدہ ہوئی اور اَخیر زمانہ میں حضرت امام مہدی رَضِیَ اللّٰہُ عَنْہکی ہوگی،  حضرت امیر مُعاوِیہ ( رَضِیَ اللّٰہُ تَعَالٰی عَنْہ)  اَوّلِ ملوکِ اسلام ہیں۔ (تکمیل الایمان وکمال ابن ہمام)