موجود ہے۔ چُنانچِہ پارہ 25 سُوْرَۃُ الدُخَانکی آیت 25 تا29 میں ارشادِ قراٰنی ہے :

كَمْ تَرَكُوْا مِنْ جَنّٰتٍ وَّ عُیُوْنٍۙ(۲۵) وَّ زُرُوْعٍ وَّ مَقَامٍ كَرِیْمٍۙ(۲۶) وَّ نَعْمَةٍ كَانُوْا فِیْهَا فٰكِهِیْنَۙ(۲۷) كَذٰلِكَ- وَ اَوْرَثْنٰهَا قَوْمًا اٰخَرِیْنَ(۲۸) فَمَا بَكَتْ عَلَیْهِمُ السَّمَآءُ وَ الْاَرْضُ وَ مَا كَانُوْا مُنْظَرِیْنَ۠(۲۹)

 ترجَمۂ کنزالایمان : کتنے چھوڑ گئے باغ اور چشمے اور کھیت اورعمدہ مکانات اور نعمتیں جن میں فارِغُ البال تھے۔  ہم نے یونہی کیا اور ان کا وارِث دوسری قوم کو کر دیا تو ان پر آسمان اور زمین نہ روئے اور انہیں مُہلَت نہ دی گئی۔

جگہ جی لگانے کی دنیا نہیں ہے

                اے عاشقانِ رسول! آپ نے غور فرمایا ؟ عمدہ عمدہ مکانات بنانے والے ، خوشنما باغات سجا نے والے اور لہلہاتے کھیت لگانے والے دنیا سے رخصت ہوگئے اور ان کے چھوڑے ہوئے اَثاثے کا دوسروں کو وارِث بنا دیا گیا ، نہ ان پر زمین روئی نہ آسمان ، نہ ہی انہیں مُہلَت (مُہْ۔ لَتْ) دی گئی ، ان کے نام و نشان مٹادیئے گئے ، ان کے تذ کرے ختم ہوگئے ، بس اب وہ ہیں اور ا ن کے اعمال۔ تو یہ دنیا بس عبرت ہی عبرت ہے۔

جہاں میں ہیں عبرت کے ہر سو نمونے                                   مگر تجھ کو اندھا کیا رنگ و بو نے

کبھی غور سے بھی یہ دیکھا ہے تو نے                                       جو آباد تھے وہ محل اب ہیں سونے

جگہ جی لگانے کی دنیا نہیں ہے                                       یہ عبرت کی جا ہے تماشا نہیں ہے

جہاں میں کہیں شورِ ماتم بَپا ہے                                       کہیں فقر و فاقے سے آہ و بُکا ہے

کہیں شِکوۂ جور و مکر و دَغا ہے                                          غرض ہر طرف سے یہی بس صدا ہے

جگہ جی لگانے کی دنیا نہیں ہے                                       یہ عبرت کی جا ہے تماشا نہیں ہے

کر لے توبہ ربّ کی رَحمت ہے بڑی

       اے عاشقانِ رسول! اس سے پہلے کہ آپ میں سے کسی کے بارے میں یہ شورمچ جائے کہ اس کا انتقال ہوگیا ہے ، جلدی غسال کو بلا لائو ، چنانچِہ غسال تختہ اٹھائے چلا آرہا ہو ، غسل دیا جارہا ہو…کفن پہنایا جارہا ہو… پھر اندھیری قبر میں اُتار دیا جائے۔ یہ سب پیش آنے سے قبل ہی مان جائیے ، جلدی جلدی گناہوں سے سچی توبہ کرلیجئے ۔ ابھی توبہ کاوقت موجودہے ۔

کرلے توبہ رب کی رحمت ہے بڑی                       قبر  میں  ورنہ  سزا  ہو گی  کڑی

باغ کا جُھولا

    پیارے پیارے اسلامی بھائیو! موت کی تیّاری ، قبر و حشر اور پُلْ صِراط سے گزرنے کی آسانی کے حُصُول کی تڑپ اپنے اندر پیدا کرنے کیلئے دعوتِ اسلامی کے سنتوں کی تربیت کے مدنی قافلوں میں عاشقانِ رسول کے ساتھ سنتوں بھرے سفرکواپنا معمول بنالیجئے۔ اَلْحَمْدُلِلّٰہِ عَزَّ وَجَلَّ  مَدَنی قافِلوں میں رَحمتِ ربِّ کائنات سے ، سفر کی سچی نیت بھی نَجات کا باعث بن سکتی ہے ، چُنانچِہ حیدَر آباد( با بُ الاسلام سندھ) کے ایک محلے میں مَدَنی  دَورہ برائے نیکی کی دعوت سے مُتأَ ثِّر ہو کر ایک ماڈَرن نوجوان مسجِد میں آ گیا ، سنتوں بھرے بیان میں مَدَنی قافلوں میں سفر کی ترغیب دلائی گئی تواس نے مَدَنی قافلیمیں سفر کیلئے نام لکھوادیا۔ مَدَنی قافلے میں اُس کی روانگی میں ابھی کچھ دن باقی تھے کہ قضائے الٰہی  سے اُس کا انتقال ہو گیا۔ کسی اہلِ خانہ نے مرحوم کو خواب میں اس حالت میں دیکھا کہ وہ ایک ہریالے باغ میںہشاش بشاش جھولا جھول رہا ہے۔ پوچھا : یہاں کیسے آ گئے؟ جواب دیا  : ’’دعوتِ اسلامی کے مَدَنی قافلے کے ساتھ آیا ہوں ، اللہ کریم کا بڑا کرم ہوا ہے ، میری ماں سے کہہ دینا کہ وہ میرا غم نہ کرے میں یہاں بہت چین سے ہوں ۔ ‘‘

لوٹنے رَحمتیں قافِلے میں چلو                        سیکھنے سنّتیں قافِلے میں چلو

کرلو اب نیّتیں قافِلے میں چلو                     پاؤگے جنّتیں قافِلے میں چلو

        اے عاشقانِ رسول! یہ سب اللّٰہُ ربُّ العزّت کی مَشیَّت پر ہے کہ چاہے تو کسی ایک گُناہ پرگرِفت فرما لے اور چاہے تو کسی ایک نیکی پر بخش دے یا اپنے پیارے محبوب صَلَّی اللہُ تَعَالٰی علیہ وَاٰلِہٖ وَسَلَّم کی شفاعت سے یامحض اپنی رحمت سے بِلا حساب مغفرت فرمادے۔ چُنانچِہ پارہ24سُوْرَۃُ الزُمَرکی آیت 53 میں خدائے رحمن کا فرمانِ مغفِرت نشان ہے :

قُلْ یٰعِبَادِیَ الَّذِیْنَ اَسْرَفُوْا عَلٰۤى اَنْفُسِهِمْ لَا تَقْنَطُوْا مِنْ رَّحْمَةِ اللّٰهِؕ-اِنَّ اللّٰهَ یَغْفِرُ الذُّنُوْبَ جَمِیْعًاؕ-اِنَّهٗ هُوَ الْغَفُوْرُ الرَّحِیْمُ(۵۳)

ترجَمۂ کنزالایمان : تم فرمائو اے میرے وہ بندو جنھوں نے اپنی جانوں پر زیادتی کی ، اللہ کی رحمت سے نا امید نہ ہو ، بے شک اللہ  سب گناہ بخش دیتا ہے ،  بیشک وہی بخشنے والا مہربان ہے ۔

سَبَقَت رَحمتی علیٰ غضبی                 تُو نے جب سے سُنا دیا یارب!

آسرا ہم گناہ گاروں کا                  اور مضبوط ہوگیا یا رب!

تو حسنؔ کو اُٹھا حَسَن کر کے

ہو مَعَ الخیر خاتِمہ یا رب

یہ رسالہ پڑھ لینے

کے بعد ثواب کی نیّت

سے کسی کو دیدیجئے