’’یافاطمہ بِنت مُصطفٰے ‘‘ کے پندرہ حُرُوف کی

پردے کے بارے میں سوال جواب

کتاب میں نتائج:

اس کتاب میں جگہ بہ جگہ اسلامی بہنوں کے مدنی قافلوں

اور مدنی کاموں کی مدنی بہاریں برکتیں لُٹارہی ہیں

پردے کے بارے میں سوال جواب

مُؤَلِّف :

شیخِ طریقت امیرِ اہلسنّت بانیٔ دعوتِ اسلامی حضرت علّامہ مولانا

ابوبلال محمد الیاس عطّاؔر قادِری رضوی دَامَت بَرَکاتُہُمُ الْعَالِیَہ

ناشر :

مکتبۃ المدینہ باب المدینہ کراچی

اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط بِسْمِ اللہِ الرَّحْمٰنِ الرَّ حِیْم ^ط

’’یافاطمہ بِنت مُصطفٰے ‘‘ کے پندرہ حُرُوف کی

نسبت سے یہ کتاب پڑھنے کی 15 نیّتیں

فرمانِ مصطفیٰ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ : نِیَّۃُ الْمُؤمِنِ خَیْرٌ مِنْ عَمَلِہِ یعنی ’’مسلمان کی نیّت اس کے عمل سے بہترہے ۔ ‘‘ (اَلْمُعْجَمُ الْکبِیْرج۶ ص۱۸۵حدیث ۵۹۴۲ )

دو مدنی پھول : (۱) بغیر اچھی نیت کے کسی بھی عملِ خیر کا ثواب نہیں ملتا ۔

(۲) جتنی اچھی نیتیں زیادہ، اتنا ثواب بھی زیادہ ۔

{1} اِخلاص کے ساتھ مسائل سیکھ کر رِضائے الٰہی عَزَّ وَجَلَّ کی حقدار بنوں گی{2} حتَّی الوسع اِس کا باوُضُو اور{3} قبلہ رُو مطالَعہ کروں گی{4}اِس کے مطالعے کے ذریعے فرض عُلوم سیکھوں گی {5} جو مسئلہ سمجھ میں نہیں آئے گا اس کے لیے آیتِ کریمہ فَسْــٴَـلُوْۤا اَهْلَ الذِّكْرِ اِنْ كُنْتُمْ لَا تَعْلَمُوْنَۙ(۴۳) ترجمۂ کنزالایمان : ’’تو اے لوگو علم والوں سے پوچھو اگر تمہیں علم نہیں ‘‘ (پ۱۴ النّحل ۴۳) پر عمل کرتے ہوئے علماء سے رجوع کروں گی{6} (اپنے ذاتی نسخے پر) عند َالضَّرورت خاص خاص مقامات پر انڈر لائن کروں گی{7}(ذاتی نسخے کے ) یاد داشت والے صفحے پرضَروری نکات لکھوں گی{8} جس مسئلے میں دشواری ہو گی اُس کو بار بار پڑھوں گی{9}زندگی بھر عمل کرتی رہوں گی{10} جو اسلامی بہنیں نہیں جانتیں انھیں سکھاؤں گی {11} جو علم میں برابر ہو گی اس سے مسائل میں تکرار کروں گی{12} دوسری اسلامی بہنوں کو یہ کتاب پڑھنے کی ترغیب دلاؤں گی {13}(کم از کم ۱۲ عدد یا حسبِ توفیق) یہ کتاب خرید کر دوسروں کو تحفۃً دوں گی{14} اس کتاب کے مُطالَعے کا ثواب ساری اُمّت کو اِیصال کروں گی {15} کتابت وغیرہ میں شرعی غلطی ملی تو ناشِرین کو لکھ کرمطلع کروں گی(زبانی کہنا یا کہلوانا خاص مفید نہیں ہوتا)