- Home
- Al Madina Library
- Namaz Parhne Kay Bawajood Gunnah Kiyon Hojatay Hain
- Peeth Seedhi Nah Karne Walay Ki Misaal
30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Namaz Parhne Kay Bawajood Gunnah Kiyon Hojatay Hain | نماز پڑھنے کے باوُجود گناہ کیوں ہوجاتے ہیں؟
Peeth Seedhi Nah Karne Walay Ki Misaal
نماز پڑھنے کے باوُجود گناہ کیوں ہوجاتے ہیں؟
- Home
- Al Madina Library
- Namaz Parhne Kay Bawajood Gunnah Kiyon Hojatay Hain
- Peeth Seedhi Nah Karne Walay Ki Misaal
کتاب میں نتائج:
تذکرۂ مولیٰ علی رضی اللہُ عنہ
اے عاشقانِ صحابہ واہلِ بیت! ابھی آپ نے جو حدیثِ پاک سُنی اس کے راوی (یعنی بیان کرنے والے) چوتھے خلیفہ، امیرُالمؤمنین، حضرتِ علی بن ابی طالب رضی اللہُ عنہ ہیں ، آپ کی کُنْیَت ” ابوالحسن“ اور ”ابوتُراب“ ہے۔ عامُ الفِیْل( )کے 30 سال بعد (جب حضور نبی ٔ اَکرم صلی اللہ علیہ واٰلہٖ وسلم کی عمر شریف 30 برس تھی) بروز جمعۃ المبارَک 13 رَجَبُ المرجَّب کو ہوئی۔ آپ کی والدۂ ماجدہ حضرت فاطمہ بنتِ اَسَد رضی اللہُ عنہا نے اپنے والد کے نام پر آپ کا نام ” حیدر“ رکھا، والد نے آپ کا نام” علی “ رکھا۔ حضورِ پُرنور صلی اللہ علیہ واٰلہٖ وسلم نے آپ کو ”اَسَدُ اللہ “ کے لقب سے نوازا ،اس کے علاوہ ” مُرْتَضیٰ (یعنی چنا ہوا) “،” کَرَّار (یعنی پَلٹ پَلٹ کر حملے کرنے والا) “ ،” شیرِخدا “ اور ” مولا مُشکل کُشا“آپ کے مشہور اَلقابات ہیں ۔ آپ مکی مَدَنی آقا،پیارے پیارے مصطفٰے صلی اللہ علیہ واٰلہٖ وسلم کے چچا زاد بھائی ہیں ۔
(مراٰ ۃ المناجیح ، 8/412 وغیرہ ملخصا)
صحابہ و اہلِ بیت علیہمُ الرّضوان کے فضائل کے کیا کہنے! حضور اکرم صلی اللہ علیہ واٰلہٖ وسلم کافرمان ِہدایت نشان ہے:میرے صحابہ ستاروں کی طرح ہیں، اِن میں سے جس کی بھی اِقتدا کروگے ہدایت پاجاؤ گے۔ (مشکوۃ المصابیح،2/414،حدیث:6018)
شرحِ حدیث:اوردُوسری حدیث میں ا پنے ا َہْلِ بیت کو کِشتیٔ نوح فرمایا۔ (مستدرک ، 4/132، حدیث:4774) سمندر کا مسافر کِشتی کا بھی حاجت مند ہوتا ہے اور تاروں کی رَہبری کا بھی کہ جہاز ستاروں کی رَہنمائی پر ہی سَمُنْدر میں چلتے ہیں ۔ اِس طرح اُمَّتِ مُسْلمہ اپنی اِیمانی زِندگی میں اَہلِ بیتِ اَطہارکے بھی محتاج ہیں اور صحابہ کِبارکے بھی حاجت مند، اُمت کیلئے صحابہ کی اِقتدا میں ہی اِہْتدا یعنی ہدایت ہے۔ (مراٰۃ المناجیح ، 8/345)
اَہلِ سنّت کا ہے بیڑا پار، اَصحابِ حضور نَجْم ہیں اور ناؤ ہے عِتْرت رسولُ اللہ کی
(حدائقِ بخشش ، ص153)
مولیٰ علی کی شان بَزبانِ نبیِّ غیب دان
حضرت علیُّ المرتَضیٰ رضی اللہُ عنہ رِوایت کرتے ہیں کہ رسولِ اَکرم، رحمتِ عالم صلی اللہ علیہ واٰلہٖ وسلم نے (مجھ سے) اِرشاد فرمایا: ” تم میں (حضرتِ) عیسیٰ( علیہ السّلام ) کی مثال ہے، جن سے یہود نے بغض رکھاحتّٰی کہ اُن کی والدۂ ماجدہ(یعنی بی بی مریم) کو تُہْمت لگائی اور اُن سے عیسائیوں نے مَحَبّت کی تو اُنہیں اُس دَرَجے میں پہنچا دیا جو اُن کا نہ تھا۔“ پھر حضرتِ علیُّ المرتضیٰ رضی اللہُ عنہ نے اِرشاد فرمایا: ” میرے بارے میں دو قِسْم کے لوگ ہلاک ہوں گے، میری مَحَبّت میں اِفْراط کرنے (یعنی حد سے بڑھنے) والے مجھے اُن صِفات سے بڑھائیں گے جو مجھ میں نہیں ہیں اور بُغْض رکھنے والوں کا بغض اُنہیں اِس پر اُبھارے گا کہ مجھے بہتان لگائیں گے۔“ (مسند امام احمد بن حنبل ، 1/336، حدیث: 1376)
تم مجھ سے ہو
نبیوں کے سلطان، محبوبِ رحمٰن صلی اللہ علیہ واٰلہٖ وسلم کا حضرتِ مولیٰ علی رضی اللہُ عنہ کے بارے میں فرمانِ فضیلت نشان ہے: ” اَنْتَ مِنِّیْ وَاَنَا مِنْكَ یعنی تم مجھ سے ہو اور میں تم سے ہوں ۔“ (ترمذی ، 5/399، حدیث:3736)
علی کی زیارت عبادت ہے
حضرت ابنِ مسعود رضی اللہُ عنہ سے رِوایت ہے: حضور سیِّدِ دو عالم صلی اللہ علیہ واٰلہٖ وسلم نے اِرشاد فرمایا : ”علی (رضی اللہُ عنہ )کو دیکھنا عبادت ہے۔‘‘ (مستدرک ، 4/118، حدیث :4737)
”علی“کے تین حروف کی نسبت سے مولا علی کے مزید 3فضائل
امیرُالمومنین حضرتِ عمرفاروقِ اَعظم رضی اللہُ عنہ اِرشاد فرماتے ہیں : حضرتِ علی بن ابی طالب رضی اللہُ عنہ کو 3 ایسی فضیلتیں حاصل ہیں کہ اگر اُن میں سے ایک بھی مجھے نصیب ہو جاتی تووہ میرے نزدیک سرخ اُونٹوں سے بھی محبوب تر ہوتی۔ صحابۂ کرام رضی اللہُ عنہم نے پوچھا: وہ 3 فضائل کون سے ہیں ؟ فرمایا: (1) اللہ کے پیارے حبیب صلی اللہ علیہ واٰلہٖ وسلم نے اپنی صاحبزادی حضرتِ فاطمۃُ الزَّہراء رضی اللہُ عنہا کو اِن کے نکاح میں دیا (2) اِن کی رِہائش اللہ پاک کے رسول صلی اللہ علیہ واٰلہٖ وسلم کے ساتھ مسجِدِنبوِی شریف میں تھی اور اِن کے لئے مسجد میں وہ کچھ حلال تھا جو اِنہیں کا حصہ ہے۔ اور (3) غزوۂ خیبر میں اِن کو پرچمِ اسلام عطا فرمایا گیا۔ (مستدرک ، 4/94 ، حدیث :4689)
وفات شریف
17 یا 19 رَمَضانُ المبارَک سن 40 ہجری کو ایک خبیث خارِجی کے قاتلانہ حملے سے شدید زخمی ہو گئے اور 21رَمَضان شریف اتوار کی رات جامِ شہادت نوش فرما گئے۔ (اسد الغابۃ ، 4/128۔ معرفۃ الصحابۃ ، 1/100 وغیرہ) اللہ ربُّ العِزَّت کی ان پر رَحمت ہو اور اُن کے صَدقے ہماری بے حساب مغفرت ہو۔ اٰمین بِجاہِ خاتَمِ النَّبِیّیْن صلّی اللہُ علیهِ واٰلهٖ وسلّم
(مزید معلومات کیلئے سگِ مدینہ کی 95صفحات کی کتاب ” کراماتِ شیرِ خدا “پڑھئے)
علیُّ المرتضیٰ شیرِ خدا ہیں کہ ان سے خوش حبیبِ کبریا ہیں
صَلُّوا عَلَی الْحَبِیب ! صَلَّی اللهُ علٰی مُحَمَّد
کتاب کا موضوع
کتاب کا موضوع
- دُرُود شریف کی فضیلت
- نماز بُرائیوں سے روکتی ہے
- نماز پڑھنے کے باوُجُود گناہ کیوں ہو جاتے ہیں ؟
- صحیح نماز ہی بُرائیوں سے بچاتی ہے
- نَماز دُرُست نہ پڑھنے سے متعلق احادیثِ مبارَکہ
- رُکوع و سجود صحیح ادا کرو!
- نَماز کی بعض غلطیوں کی نشاندہی
- کس نماز کی طرف نظرِ رحمت نہیں ہوتی؟
- پیٹھ سیدھی نہ کرنے والے کی مثال
- تذکرۂ مولیٰ علی رضی اللہُ عنہ
- مولیٰ علی کی شان بَزبانِ نبیِّ غیب دان
- تم مجھ سے ہو
- علی کی زیارت عبادت ہے
- ”علی“کے تین حروف کی نسبت سے مولا علی کے مزید 3فضائل
- وفات شریف
- نماز کا چور
- چور کی دو قسمیں
- کون سی نَماز مُنہ پر مار دی جاتی ہے؟
- صرف پوری نَماز قَبول ہوتی ہے
- رزق میں تنگی کا خطرہ
- نمازی کی اِصلاح ہو ہی گئی(حکایت)
- چور بھی اگر صحیح نماز پڑھے تو سدھر سکتا ہے
- نماز کی نَقل کرنے والے ڈاکو گرفتاری سے بچ گئے
- ایک عاشقِ مَجازِی کی عجیب و غریب حکایت
- شیطان رونے لگا(حکایت)
- یااللہ! ہمیں پکّا نمازی بنا
- دعوتِ اسلامی میں کیسے آیا!
- نَماز کا خُوب خیال رکھو
- کمزوروں کے صدقے رحمت ہی رحمت
- نیک بندوں کے صدقے بلائیں دور ہوتی ہیں
- (2) 40اَبْدال کی بَرَکت سے بارش
- ”اَبْدال“ کے معنیٰ
- (3) میں جب عذاب دینے کا ارادہ کرتا ہوں ۔۔۔
- (4) دودھ پیتے بچّے بھی عذاب دور رہنے کا سبب ہیں
- (5) سو گھروں سے بلائیں دور
- جنَّتی گُلاب سے پیدا کی گئی حُوریں
