30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Nam e Muhammad Ki Barkatain | نام محمد کی برکتیں
سُوال:کیا یہ بات دُرُست ہے کہ کسی کو بے چارہ نہیں کہنا چاہیے ؟
جواب:آپ نے شاید یہ سُنا ہو گا کہ کسی کو بَدقسمت نہیں کہناچاہیے کیونکہ جس کے پاس اِیمان کی دولت ہو وہ کیسے بَدقسمت ہو سکتا ہے ؟ رہی بات بے چارہ کہنے کی تو اس میں حرج نہیں ہے ۔ میرے آقا اعلیٰ حضرت رَحْمَۃُ اللہِ عَلَیْہ نے بھی لکھا ہے :اے چارۂ بے چارگاں، یعنی اے بے چاروں کے چارہ۔ لفظِ چارہ کے معنیٰ علاج اور بے چارہ کے معنیٰ بے کس ، بے بس اور غریب و مسکین کے ہیں تو یوں لفظِ بے چارہ مشکل میں گھرے ہوئے ، آفت زدہ اور پریشان حال شخص کے لیے اِستعمال ہوتا ہے ، البتہ پیارے آقا صَلَّی اللّٰہُ عَلَیْہِ وَاٰلہٖ وَسَلَّم کے لیے یہ لفظ اِستعمال نہیں کر سکتے ۔ اِسی طرح سرکار صَلَّی اللّٰہُ عَلَیْہِ وَاٰلہٖ وَسَلَّم کو یتیم، مسکین اور فقیر بھی نہیں کہہ سکتے ۔ ([1])یاد رَکھیے !سرکار صَلَّی اللّٰہُ عَلَیْہِ وَاٰلہٖ وَسَلَّم اپنے لیے خود جو کچھ اِرشاد فرمائیں وہ عاجزی ہے اور ہم اگر کسی حدیث کو دہرائیں اور اس میں ایسے الفاظ آئیں تو وہ الگ چیز ہے ورنہ جیسے ہم ایک دوسرے کو بے چارہ کہہ دیتے ہیں ایسے نہیں کہہ سکتے کہ آپ صَلَّی اللّٰہُ عَلَیْہِ وَاٰلہٖ وَسَلَّم کی شان بہت عظیم ہے ۔ یاد رہے !نعت کے اَشعار میں سرکار صَلَّی اللّٰہُ عَلَیْہِ وَاٰلہٖ وَسَلَّم کے لیے لفظِ ”دُرِّیتیم“اِستعمال ہوتا ہے تو ”دُرِّ یتیم “اور ”یتیم“میں فرق ہے ۔ دُرِّ یتیم اس موتی کوکہتے ہیں جو بہت ہی قیمتی اور نایاب ہو اور اسے انمول موتی بھی کہہ سکتے ہیں یعنی جس کی کوئی قیمت ہی نہ ہو۔
نبی عَلَیْہِ السَّلَام کو”رَاعِنَا“کہنا منع ہے
اگرچہ سرکار صَلَّی اللّٰہُ عَلَیْہِ وَاٰلہٖ وَسَلَّم نے بکریوں کو اپنے دِیدار کا خوب موقع عنایت فرمایا اور اپنا بہت قرب بخشاجسے یوں بھی کہہ سکتے ہیں کہ بکریاں چرائیں لیکن جو لفظ لوگ بکریاں چرانے والے کے لیے اِستعمال کرتے ہیں وہ لفظ آپ صَلَّی اللّٰہُ عَلَیْہِ وَاٰلہٖ وَسَلَّم کے لیے اِستعمال کرنا حرام ہے یعنی اگر عام آدمی بکریاں چرائے گا تو اسے چرواہا کہا جائے گا لیکن یہ لفظ پیارے آقا صَلَّی اللّٰہُ عَلَیْہِ وَاٰلہٖ وَسَلَّم کے شایانِ شان نہیں ہے ۔ صحابۂ کِرام رَضِیَ اللّٰہُ عَنْہُم سرکار صَلَّی اللّٰہُ عَلَیْہِ وَاٰلہٖ وَسَلَّم سے عرض کرتے تھے :”رَاعِنَا“یعنی ہماری رعایت فرمائیے ۔ اس وقت جو یہود تھے وہ توہین کی نیت سے ”رَاعِیْنَا“کہتے تھے یعنی
کتاب کا موضوع
کتاب کا موضوع
- نامِ محمد کی بَرکتیں
- دُرُود شریف کی فضیلت
- مُعاشرے سے بے سُکونی ختم نہ ہونے کی وجہ
- سجدہ کتنی ہڈیوں پر ہوتا ہے ؟
- سجدے میں ناک کی ہڈی زمین پرلگنا واجب ہے
- سجدے میں جانے کادُرُست طریقہ
- نماز اللہ پاک کی طرف سے تحفہ ہے
- کیا اذانِ فجر کے بعد تہجد ادا کر سکتے ہیں ؟
- کیا آپ نے کبھی مدینے کی مچھلی کھائی ہے ؟
- کسی کو بے چارہ کہنا کیسا؟
- نبی عَلَیْہِ السَّلَام کو”رَاعِنَا“کہنا منع ہے
- کیا نکاح کے بعد وَلیمہ ضَروری ہے ؟
- نئے مکان کی بنیادوں میں بکرے کا خون ڈالنا کیسا؟
- اُوپر ی اثرات اور اُتارا کیا ہوتا ہے ؟
- جس کے تلووں کا دھوون ہے آبِ حیات
- کیا ہرشہرت عزت والی ہوتی ہے ؟
- بچوں کو ذہین بنانے کا طریقہ
- شریعت ہمارے پیچھے نہیں چلے گی ہمیں اِس کے پیچھے چلنا ہو گا
- کیا مذہبی کتابیں گھر میں رکھنے سے ثواب ملے گا؟
- مَیِّت کے عارضی دانت نکالنا کیسا؟
- بَرکت اِستخارے میں ہے یا مشورے میں ؟
- خواتین کی ویڈیوز عام کرنا کیسا؟
- 12رَبیع الاول کو پورے دِن کا روزہ رکھیں یا آدھے دِن کا؟
- ماخَذ و مَراجع
