30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Nam e Muhammad Ki Barkatain | نام محمد کی برکتیں
بات سُن کر اس کو ماننے کا جَذبہ پیدا کر لینا اچھی بات نہیں ہے ۔ (امیرِ اہلِ سُنَّت دَامَتْ بَرَکاتُہُمُ الْعَالِیَہ نے فرمایا:) دِین کے نام پر تعلیم تو بہت سوں کی ہوتی ہے جیسے شیطان بہت بڑا عالِم تھا اس جیسا عالِم کہاں ہوگا؟ تو صِرف دِینی تعلیم ہی نہیں دیکھنی بلکہ اس کے عقائدو نظریات بھی دیکھنے ہیں۔ یہ دیکھنا ہے کہ اس کی لائن کہاں جا کر ملتی ہے ؟اگر مدینے سے لائن کٹی ہوئی ہے تو اس کی کوئی بات نہیں سننی بلکہ کان بند کر لینے ہیں اگرچہ وہ داڑھی رکھنے اور عمامہ باندھنے والا ہی کیوں نہ ہو۔
کیا مذہبی کتابیں گھر میں رکھنے سے ثواب ملے گا؟
سُوال:جو شخص عالِمِ دِین نہ ہو لیکن گھر میں کچھ نہ کچھ مذہبی و اسلامی کتابیں رکھتا ہو تو کیا اُسے ثواب ملے گا؟
جواب: کیوں نہیں ملے گا؟ اگر وہ دِینی کتابیں پڑھتا ہے ، عِلمِ دین سے محبت کرتا ہے تو بالکل ثواب ملے گا۔ عالِم نہ ہونا گناہ تو نہیں ہے ، ظاہر ہے ہر آدمی عالِم ہو بھی نہیں سکتا اور ہر ایک پر عالِمِ دِین ہونا فرض بھی نہیں ہے ۔ ([1])
مَیِّت کے عارضی دانت نکالنا کیسا؟
سُوال: اگر مَیِّت کے عارضی دانت لگے ہوئے ہوں تو غسل دیتے ہوئے ان دانتوں کو نکالنا چاہیے یا نہیں؟
جواب:جو دانت آسانی سے نکل سکتے ہیں ان کو نکال لیں اور فکس ہیں تو نہ نکالے جائیں۔
بَرکت اِستخارے میں ہے یا مشورے میں ؟
سُوال: کوئی کام کرنے سے پہلے اِستخارہ کیا جاتا ہے یا مشورہ، ان دونوں میں سے بَرکت کس چیز میں ہے ؟
جواب:دونوں میں بَرکت ہے ۔ اِستخارہ بھی حدیثِ پاک میں تعلیم فرمایا گیا ہے ([2]) اور مشورہ کرنے کا بھی حدیثِ پاک میں ذِکر ہے ۔ ([3])
[1] یاد رَکھیے !ہر مسلمان عاقِل و بالِغ مَردو عورت پر اُس کی موجودہ حالت کے مطابِق مسئلے سیکھنا فرضِ عَین ہے ۔ (فتاویٰ رضویہ، ۲۳/۶۲۴)
[2] حضرتِ سَیِّدُنا جابر بِن عبدُ اللہرَضِیَ اللّٰہُ عَنْہُمَا فرماتے ہیں:رَسُوْلُ اللہ صَلَّی اللّٰہُ عَلَیْہِ وَاٰلہٖ وَسَلَّم ہمیں تمام اُمور میں اِستخارہ کی اس طرح تعلیم فرماتے جیسے قرآنِ پاک کی سُورت کی تعلیم فرماتے تھے ۔
(بخاری، کتاب التھجد، باب ماجاء فی التطوع مثنی مثنی، ۱/۲۹۳، حدیث:۱۱۶۲)
[3] حضرتِ سَیِّدُنا انس بِن مالک رَضِیَ اللّٰہُ عَنْہُ سے رِوایت ہے ، نبیٔ کریم صَلَّی اللّٰہُ عَلَیْہِ وَاٰلہٖ وَسَلَّم نے اِرشاد فرمایا:جس نے اِستخارہ کیا وہ نامُراد نہیں ہو گا اور جس نے مشورہ کیا وہ نادِم نہیں ہو گا اور جس نے میانہ رَوی کی وہ کنگال نہیں ہو گا۔
(معجم اوسط، من اسمه محمد، ۵/۷۷، حدیث: ۶۶۲۷)
کتاب کا موضوع
کتاب کا موضوع
- نامِ محمد کی بَرکتیں
- دُرُود شریف کی فضیلت
- مُعاشرے سے بے سُکونی ختم نہ ہونے کی وجہ
- سجدہ کتنی ہڈیوں پر ہوتا ہے ؟
- سجدے میں ناک کی ہڈی زمین پرلگنا واجب ہے
- سجدے میں جانے کادُرُست طریقہ
- نماز اللہ پاک کی طرف سے تحفہ ہے
- کیا اذانِ فجر کے بعد تہجد ادا کر سکتے ہیں ؟
- کیا آپ نے کبھی مدینے کی مچھلی کھائی ہے ؟
- کسی کو بے چارہ کہنا کیسا؟
- نبی عَلَیْہِ السَّلَام کو”رَاعِنَا“کہنا منع ہے
- کیا نکاح کے بعد وَلیمہ ضَروری ہے ؟
- نئے مکان کی بنیادوں میں بکرے کا خون ڈالنا کیسا؟
- اُوپر ی اثرات اور اُتارا کیا ہوتا ہے ؟
- جس کے تلووں کا دھوون ہے آبِ حیات
- کیا ہرشہرت عزت والی ہوتی ہے ؟
- بچوں کو ذہین بنانے کا طریقہ
- شریعت ہمارے پیچھے نہیں چلے گی ہمیں اِس کے پیچھے چلنا ہو گا
- کیا مذہبی کتابیں گھر میں رکھنے سے ثواب ملے گا؟
- مَیِّت کے عارضی دانت نکالنا کیسا؟
- بَرکت اِستخارے میں ہے یا مشورے میں ؟
- خواتین کی ویڈیوز عام کرنا کیسا؟
- 12رَبیع الاول کو پورے دِن کا روزہ رکھیں یا آدھے دِن کا؟
- ماخَذ و مَراجع
