30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Nam e Muhammad Ki Barkatain | نام محمد کی برکتیں
قربان ہو جائیں اور ہم سنتوں کی چلتی پھرتی تصویر بن جائیں ۔
شریعت ہمارے پیچھے نہیں چلے گی ہمیں اِس کے پیچھے چلنا ہو گا
سُوال: جو لوگ اس طرح کی باتیں کرتے ہیں کہ اب زمانہ وہ نہیں رہا، دور بدل گیا ہے ، اِسلام 1400 سال پہلے کا اَنداز بتاتا ہے آج کے دور میں یہ کیسے نافذ کیا جاسکتا ہے ؟ اس کے بارے میں آپ کیا فرماتے ہیں؟ ([1])
جواب:جو لوگ یہ کہتے ہیں کہ زمانہ وہ نہیں ہے اور اب دور بدل گیا ہے ان کو سوچنا چاہیے کہ اللہ کریم وہی ہے جو ہمیشہ سے ہے وہ نہ بدلا ہے ، نہ بدلے گا، ہم نے جس نبیٔ پاک صَلَّی اللّٰہُ عَلَیْہِ وَاٰلہٖ وَسَلَّم کا کلمہ پڑھا وہ پہلے بھی وہی تھے اب بھی وہی ہیں، نہ بدلیں ہیں نہ بدلیں گے ، ہمیں جو اِسلام عطا کیا گیا تھا یہ اب بھی وہی ہے اور قیامت تک وہی رہے گا، دَرحقیقت ہمیں اپنے آپ کو بدلنا ہو گااگر کوئی کہے کہ شریعت ہمارے پیچھے چلے تو یہ نہیں ہو سکتا ہمیں ہی شریعت کے پیچھے چلنا ہو گا۔
(نگرانِ شُوریٰنے فرمایا:) جو لوگ اِس بات کی تکرار کرتے رہتے ہیں کہ جناب دَور بدل گیا ہے اور اب زمانہ پہلے جیسا نہیں رہا تو انہوں نے سنَّتِ رَسُول اور دِینی تعلیمات سے دور رہ کر دیکھ لیا ہوگا کہ ان کو کس قسم کی ترقی، عروج یا بھلائی ملی ہے ۔ یقیناً ایسوں کو تجربہ ہو چکا ہوگا کہ ان کو سِوائے شرمندگی، ندامت، زوال اور افسوس کے کچھ ہاتھ نہیں آیا لہٰذاِ ان کو چاہیے کہ دعوتِ اسلامی کے پیغام کو قَبول کریں اور اپنی زندگی کا انداز بدل لیں اِنْ شَآءَ اللّٰہ یہ لوگ دیکھیں گے کہ ترقی، بھلائی اوربہتری کس طرح ان کی طرف دوڑ کر آتی ہے ۔ آج کل سوشل میڈیا کا دور ہے ، طرح طرح کے لوگ سامنے آرہے ہیں، دِل میں جو بات آتی ہے یہ لوگ کیمرہ یا موبائل سامنے رکھ کر ویڈیو ریکارڈ کرتے ہیں اور سوشل میڈیا پر ڈال دیتے ہیں، جو اَن گنت لوگوں تک پہنچ جاتی ہے ، ان کی باتیں بھی بالکل عجیب و غریب ہوتی ہیں مثلاً اِسلام 1400 سال پہلے کا اَنداز بتاتا ہے آج کے دور میں یہ کیسے نافذ کیا جا سکتا ہے ؟ یہ لوگ ایسی باتیں کر کے لوگوں کے دِماغ خراب کرتے اور گمراہی کا سبب بنتے ہیں۔ عام لوگوں کو بھی چاہیے کہ اِس طرح کی باتوں میں آنے کے بجائے ذرا یہ تودیکھیں کہ بول کون رہا ہے ؟ اس کی دِینی تعلیم کیا ہے ؟ اس کا دامن کن لوگوں سے وابستہ ہے ؟ اس کا تعلق کہاں سے ہے ؟ ہر ایک کی
[1] یہ سُوال شعبہ فیضانِ مَدَنی مذاکرہ کی طرف سے قائم کیا گیا ہے جبکہ جواب امیرِ اہلِ سنَّت دَامَتْ بَرَکاتُہُمُ الْعَالِیَہکا عطا فرمودہ ہی ہے ۔ (شعبہ فیضانِ مَدَنی مذاکرہ)
کتاب کا موضوع
کتاب کا موضوع
- نامِ محمد کی بَرکتیں
- دُرُود شریف کی فضیلت
- مُعاشرے سے بے سُکونی ختم نہ ہونے کی وجہ
- سجدہ کتنی ہڈیوں پر ہوتا ہے ؟
- سجدے میں ناک کی ہڈی زمین پرلگنا واجب ہے
- سجدے میں جانے کادُرُست طریقہ
- نماز اللہ پاک کی طرف سے تحفہ ہے
- کیا اذانِ فجر کے بعد تہجد ادا کر سکتے ہیں ؟
- کیا آپ نے کبھی مدینے کی مچھلی کھائی ہے ؟
- کسی کو بے چارہ کہنا کیسا؟
- نبی عَلَیْہِ السَّلَام کو”رَاعِنَا“کہنا منع ہے
- کیا نکاح کے بعد وَلیمہ ضَروری ہے ؟
- نئے مکان کی بنیادوں میں بکرے کا خون ڈالنا کیسا؟
- اُوپر ی اثرات اور اُتارا کیا ہوتا ہے ؟
- جس کے تلووں کا دھوون ہے آبِ حیات
- کیا ہرشہرت عزت والی ہوتی ہے ؟
- بچوں کو ذہین بنانے کا طریقہ
- شریعت ہمارے پیچھے نہیں چلے گی ہمیں اِس کے پیچھے چلنا ہو گا
- کیا مذہبی کتابیں گھر میں رکھنے سے ثواب ملے گا؟
- مَیِّت کے عارضی دانت نکالنا کیسا؟
- بَرکت اِستخارے میں ہے یا مشورے میں ؟
- خواتین کی ویڈیوز عام کرنا کیسا؟
- 12رَبیع الاول کو پورے دِن کا روزہ رکھیں یا آدھے دِن کا؟
- ماخَذ و مَراجع
