عَزَّوَجَلَّانہیں مہنگائی اور پھلوں کی کمی میں مبتلا کر دیتاہے ۔ (۲)جو قوم بد عہدی کرتی ہے  اللہ عَزَّوَجَلَّان کے دشمنوں کوان پر مُسلَّط کر دیتاہے ۔ (۳)جو  قوم زکوٰۃ ادا نہیں کرتی  اللہ عَزَّوَجَلَّان سے بارش کاپانی روک لیتا ہے اور اگر چوپائے نہ ہوتے توان کو پانی کا ایک قطرہ بھی نہ دیاجاتا ۔ (۴)جس قوم میں فحاشی اور بے حیائی پھیل جاتی ہے  اللہ  تبارک وتعالیٰ ان کوطاعون کے مرض میں مبتلا کر دیتاہے ۔ (۵) جوقوم قرآنِ پاک کے بغیر فیصلہ کرتی ہے  اللہ عَزَّوَجَلَّان کو زیادتی (یعنی غلط فیصلے ) کا مزا چکھاتا ہے اور انہیں ایک دوسرے کے ڈر میں مبتلا کر دیتاہے ۔ ‘‘

حرام کے ایک درہم کاوبال :

(63)…حضورنبی ٔمُکَرَّم، نُورِ مُجسَّم، شاہ ِبنی آدمصَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کا فرمانِ غیب نشان ہے : ’’پُل صراط کی پشت پر آگ کے آنکڑے ہوں گے ۔ جس نے حرام کاایک بھی درہم لیاہوگاوہ آنکڑے اس کے پاؤں کو پکڑلیں گے تووہ اس وقت تک پُل صراط سے نہیں گزر سکے گا جب تک اس درہم کامالک بدلے میں اس کی نیکیوں میں سے نہ لے لے گااور اگر اس کے پاس نیکیاں نہ ہوں گی تو اس (مالک ِدرہم) کے گناہ اس کے سر ڈال دیئے جائیں گے اور وہ جہنم میں گر پڑے گا ۔ اس سے پہلے کہ تمہاری نیکیاں چھین لی جائیں جو مال ظلماً(یعنی ناحق)لیاہے اسے اس کے مالک کولوٹادو ۔ ‘‘

بھیانک آواز :

(64)… نور کے پیکر، تمام نبیوں کے سَرْوَر، سلطانِ بَحرو بَر صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمکافرمانِ عبرت نشان ہے : ’’جس نے کوئی شے چوری کی وہ قیامت کے دن اس حال میں آئے گا کہ اس کی گردن میں آگ کاطوق ہوگا اور جس نے حرام کی کوئی شے کھائی اس کے پیٹ میں آگ بھڑ کائی جائے گی اوروہ جس وقت اپنی قبر سے اُٹھے گاساری مخلو ق اس کی بھیانک آواز سے کانپ اُٹھے گی یہاں تک کہ خدائے اَحکم الحاکمین عَزَّوَجَلَّنے مخلوق کے درمیان جو فیصلہ فرمانا ہے فرمادے ۔ ‘‘

             اے کمزور وناتواں بندے !توبہ کے ذریعے اپنے گناہوں کی بیماری کا علاج کرلے اور اپنے مولیٰ عَزَّوَجَلَّسے دعا مانگ ، تاکہ وہ تجھے (گناہوں کی بیماری سے ) شفاء دے دے توممکن ہے کہ وہ تجھ پررحم فرمائے اور تجھے اپنا قُرب عطا فرمائے ۔ اس سے پہلے کہ تجھے عذاب میں مبتلاکرکے غمگین ورُسواکیاجائے اور تیری زبان گونگی ہوجائے اور تیرے دل پر مہر لگ جائے ۔ تُو اپنی آخرت کازادِ راہ خوب اکٹھا کر لے کیونکہ تھوڑا زادِ راہ تجھے کافی نہ ہوگا ۔

٭…٭…٭…٭

چھٹاباب :   

نوحہ ^[1] کرنے والی کی سزا

{۱۱} اللہ عَزَّوَجَلَّارشاد فرماتاہے :

وَ اِنَّا لَنَحْنُ نُحْیٖ وَ نُمِیْتُ وَ نَحْنُ الْوٰرِثُوْنَ(۲۳)(پ۱۴، الحجر : ۲۳)

ترجمۂ کنزالایمان : اوربیشک ہم ہی جلائیں اور ہم ہی ماریں اور ہم ہی وارث ہیں ۔

             اپنے مینڈھے کوذبح کرتے وقت جس طرح قصاب کی ناراضی اچھی نہیں ہوتی (بلا مثال وبلا تشبیہ)اسی طرح اپنے بندے کو موت دیتے وقت  اللہ عَزَّوَجَلَّ کی ناراضی اس بندے کے لئے اچھی نہیں ہوتی ۔

کپڑے پھاڑنے پروعید :

(65)…صحیح مسلم شریف میں ہے کہ سَیِّدُالْمُبَلِّغِیْن، رَحْمَۃٌ لِّلْعٰلَمِیْن صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا : ’’مَیں اس شخص سے بیزار ہوں جس نے جھوٹی قسم کھائی، (کسی کے مرنے پر) کپڑے پھاڑے اور چوری کی ۔ ‘‘

{۱۲}

وَ الَّذِیْنَ لَا یَشْهَدُوْنَ الزُّوْرَۙ- (پ۱۹، الفرقان : ۷۲)

ترجمۂ کنزالایمان : اور جوجھوٹی گواہی نہیں دیتے ۔

ایک قول یہ ہے کہ جھوٹی گواہی سے مراد’’ نوحہ کرنایعنی میت پر رونا پیٹنا‘‘ہے ۔

قیامت میں رونے پیٹنے کی اجرت :

(66)…شہنشاہِ خوش خِصال، پیکرِ حُسن وجمال صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمکا فرمانِ عبرت نشان ہے : ’’نوحہکرنے والی عورت اپنی قبر سے اس حال میں اُٹھے گی کہ اس کے بال بکھرے ہوئے اور گرد آلود ہوں گے اور اس پر خارش کاکرتا،  اللہ  عَزَّوَجَلَّکی لعنت کی چادر اور تارکول کالباس ہوگا ۔ وہ اپنے ہاتھوں کو سینے پر رکھے چیختی چلاتی کہے گی ’’ہائے بربادی‘‘ فرشتے کہیں گے : اٰمِیْن(یعنی ایسا ہی ہو ) ۔ پھر اس کو رونے پیٹنے کی اُجرت (یعنی بدلے )میں جہنم کی آگ دی جائے گی ۔ ‘‘

نوحہ کرنے والی پرلعنت :