30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Nabina Afrad ke Sharai Ahkaam | نابینا افراد کے شرعی احکام
نابینا افراد کے شرعی احکام
کتاب میں نتائج:
سونگھنے سے جیسے زمین ،مکان، درخت، لونڈی غلام وہاں اُ س چیز کے اوصاف بیان کرنے ہوں گے جو اوصاف بیان کردیے گئے مبیع اُن کے مطابق ہے تو فسخ نہیں کرسکتا ورنہ فسخ کرسکتا ہے۔ اندھا مشتری یہ بھی کرسکتا ہے کہ کسی کو قبضہ یا خریدنے کے لیے وکیل کردے وکیل کا دیکھ لینا اُس کے قائم مقام ہوجائے گا۔(1)
خیار عیب: عیب دار چیز ، عیب ظاہر کیے بغیر بیچی پھر اس پر مطلع ہوا تو اس کو اختیار ہے چاہے مبیع رکھے یا واپس کرے اس کو خیار عیب کہتے ہیں ، جیسا کہ بہار شریعت میں صدر الشریعہ علیہ الرحمہ ( متوفی 1367 ھ ) فرماتے ہیں ’’ مبیع میں عیب ہوتواُس کا ظاہرکردینا بائع پر واجب ہے، چھپانا حرام و گناہ کبیرہ ہے۔ یوہیں ثمن کا عیب مشتری پر ظاہر کر دینا واجب ہے اگر بغیر عیب ظاہر کیے چیز بیع کردی تو معلوم ہونے کے بعدواپس کرسکتے ہیں اس کو خیار عیب کہتے ہیں۔(2)
حکم : یہ خیار بائع و مشتری دونوں کو حاصل ہوتا ہے چاہے وہ نابینا ہو یا اکھیارا ہو، یعنی اگر بائع نے مبیع عیب دار دی تو جب مشتری عیب پر مطلع ہوگا تو اس کو واپس کرنے کا اختیار ہو گا اور مشتری اگر ثمن عیبدار دیگا تو جب بائع اس پر مطلع ہوگا تو اس کو واپس کرنے کا اختیار ہوگا ، جیسا کہ نہر الفائق میں علامہ عمر بن نجیم مصری علیہ الرحمہ (متوفی 1005 ھ) فرماتے ہیں ’’لا فرق فی ذالک بین المبیع والثمن‘‘ ترجمہ : اس (عیب ) کے معاملے میں مبیع اور ثمن کے درمیان کوئی فرق نہیں۔(3)
[1] … بہار شریعت ، 2 / 671، حصہ 11
[2] … بہار شریعت ، 2 / 673 ، حصہ 11
[3] … النہر الفائق ، 3 /389
کتاب کا موضوع
کتاب کا موضوع
- فیضانِ اِبنِ اُمِّ مَکْتُوم رضی اللہ عنہ
- پہلے اِسےپڑھئے
- درودِ شفاعت
- نابینا اَفراد کےشرعی اَحکام
- نابینا کی آنکھ سے بہنے والےپانی کا کیاحکم ہے؟
- نابینا کو پانی کی طہارت کا علم کیسے ہو؟
- کیا نابینا کو پانی نہ ملنے کی صورت میں تیمم کی اجازت ہے؟
- نابینا نماز کے لئے قبلہ کی طرف چہرہ کیسے کرے؟
- کیا نابینا پر جماعت لازم ہے؟
- کیا نابینا پر جمعہ فرض ہے؟
- کیا نابینا پر عید واجب ہے؟
- کیا نابینا پر حج لازم ہے؟
- سفر میں نابینا کے لئے نیت کا اعتبار کیسے ہوگا؟
- کیا نابینا امامت کرسکتا ہے؟
- کیا نابینا کو زکوٰۃ دے سکتے ہیں؟
- نابینا اولاد کا نفقہ کس پر لازم ہے ؟
- کیا نابینا مسجد کا متولی ہوسکتا ہے؟
- کیا نابینا شخص کسی کا نکاح پڑھا سکتا ہے ؟
- کیا نابینا ہونا نکاح میں کفو کے منافی ہے؟
- کیا نابینا کی خریدوفروخت صحیح ہے اور اسے کیا بیع میں خیار حاصل ہوگا؟
- کیا نابینا قاضی بن سکتا ہے؟
- کیا نابینا کی گواہی قبول ہے؟
- کسی نابینا نے چوری کی تو کیا اس پر چوری کی حد لازم ہوگی؟
- نابینا کو اندھا کہہ کر پکارنا یا اس کے پیٹھ پیچھے اندھا کہنا کیسا؟
- کیا نابینا کو وصی یعنی نفاذِ وصیت کا نگران مقرر کرسکتے ہیں ؟
- کیا نابینا جانور ذبح کرسکتا ہے اور کیا اس کا ذبیحہ حلال ہے؟
- کیا نابینا کو کسی کام یا نوکری پر رکھ سکتے ہیں؟
- اگر نابینا نے کسی کو قتل کر دیا تو کیا نابینا کو قصاصاً قتل کیا جائے گا؟
- کیا کوئی شخص نابینا کو اپنی آنکھیں عطیہ کرسکتا ہے؟
- کیا نابینا کا بھیک مانگنا جائز ہےاور کیا اسے بھیک دے سکتے ہیں؟
- نابینا اگر کنویں میں گرنے والا ہو یا کسی بڑی مصیبت میں مبتلا ہونے والا تو ایسی صورت میں نمازی اپنی نماز توڑ کر اس کو بچا سکتا ہے؟
- کیا دنیا میں نابینا یا کسی اور عذر سے دوچار آدمی قیامت میں بھی ویسا ہی ہوگا؟
- نابینا افراد کو حافظ کہ کرپکارنا کیسا؟
