30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Naat Khwani K Mutaleq Suwal Jawab | نعت خوانی کے متعلق سوال جواب
نعت خوانی کے متعلق سوال جواب
کتاب میں نتائج:
تیری فرش پر حکومت تیری عرش پر حکومت
تو شہنشہ زمانہ مدنی مدینے والے ( وسائلِ بخشش )
مستقل پورا کلام جو اوّل تا آخر فقط نعتیہ اَشعار پر مبنی ہو ، میں اپنے دِیوان میں نہیں پاتا ۔ میرے آقا اعلیٰ حضرت ، اِمامِ اَہلسنَّت مولانا شاہ امام احمد رضا خان عَلَیْہِ رَحْمَۃُ الرَّحْمٰن نے حقیقی معنوں میں مُتَعَدَّد نعتیں لکھی ہیں جو اوّل تا آخر نعتیہ اَشعار پر مبنی ہیں مَثَلاً ”سب سے اولیٰ و اعلیٰ ہمارا نبی“ ، ”زمین و زماں تمہارے لئے “اور چار زبانوں( یعنی عربی ، فارسی ، اُردو اور ہندی )پرمشتمل کلام ”لَمْ یَاتِ نَظِیْرُکَ فِیْ نَظَرٍ“وغیرہ ۔
اِستغاثہ کو نعت یا منقبت کہنا کیسا؟
عرض : اِستغاثہ پر مشتمل کلام کو نعت یا منقبت کہنا کیسا ہے ؟
اِرشاد : شاہ ِ خَیرالانام صَلَّی اللّٰہُ تَعَالٰی عَلَیْہِ وَاٰلہٖ وَسَلَّم کی تعریف و توصیف پر مشتمل کلام کو ’’ نعت ‘‘ ، بزرگانِ دِین رِضْوَانُ اللّٰہِ تَعَالٰی عَلَیْہِمْ اَجْمَعِیْن کی خوبیوں پرمشتمل کلام کو ’’ منقبت ‘‘ جبکہ اَنبیائے کِرام عَلَیْہِمُ السَّلَام و بزرگانِ دِین رِضْوَانُ اللّٰہِ تَعَالٰی عَلَیْہِمْ اَجْمَعِیْن کی بارگاہ میں فریاد کرنے پر مشتمل کلام کو ’’ اِستغاثہ ‘‘ ہی کہنا چاہیے ۔ عموماً لوگ ہر کلام کو نعت کہہ دیتے ہیں خواہ منقبت ہو یا اِستغاثہ مثلاً حضور سَیِّدُنا غوثِ اعظم عَلَیْہِ رَحْمَۃُ اللّٰہ ِالْاَکرَم کی شان میں کہے گئے اَشعار کو غوثِ پاک کی نعت کہہ دیتے ہیں حالانکہ اسے ’’ منقبت ‘‘ کہنا چاہیے ۔ بہرحال اگر کسی نے اِستغاثہ پر مشتمل کلام کو نعت یا منقبت کہہ دیا تو اس پر شرعاً کوئی گرفت نہیں ۔
عرض : حمد اور مُناجات میں کیا فرق ہے ؟
اِرشاد : وہ مَنظوم کلام جس میں اللہتعالیٰ کی تعریف و توصیف بیان کی جائے اُسے ’’ حمد ‘‘ کہتے ہیں مثلاً :
تُو ہی مالِکِ بَحر و بَر ہے یااللّٰہُ یااللّٰہ
تُو ہی خالقِ جِنّ و بَشَر ہے یااللّٰہُ یااللّٰہ
تُو اَبَدی ہے تُو اَزَلی ہے تیرا نام علیم و علی ہے
ذات تِری سب سے بَرتَر ہے یااللّٰہُ یااللّٰہ ( وسائلِ بخشش )
جبکہ مُناجات سے مُراد وہ مَنظوم کلام ہوتا ہے جس میں رب تعالیٰ کی بارگاہ میں اِلتجا کی گئی ہو جیسے میرے آقا اعلیٰ حضرت ، اِمامِ اَہلسنَّت مولانا شاہ امام احمد رضا خانعَلَیْہِ رَحْمَۃُ الرَّحْمٰن کا مشہورِ زمانہ کلام :
یاالٰہی ہر جگہ تیری عطا کا ساتھ ہو
جب پڑے مُشکل شہِ مُشکل کشا کا ساتھ ہو ( حدائقِ بخشش )
اَلْحَمْدُ لِلّٰہعَزَّ وَجَلَّ مجھے بھی کئی مُناجات لکھنے کا شَرف حاصِل ہوا ہے جیسے :
یاربِّ محمد مِری تقدیر جگا دے
صحرائے مدینہ مجھے آنکھوں سے دِکھا دے
محبت میں اپنی گما یاالٰہی
نہ پاؤں میں اپنا پتا یاالٰہی ( وسائلِ بخشش )
کتاب کا موضوع
کتاب کا موضوع
- دُرُود شریف کی فضیلت
- نعت خوانی کی اَہمیت و فضیلت
- پہلے اِسے پڑھ لیجیے !
- دَربارِ رِسالت کے سب سے زیادہ مشہور شاعِر
- بارگاہِ رِسالت سے اِنعام و اِکرام
- نعت ، منقبت اور اِستغاثہ
- اِستغاثہ کو نعت یا منقبت کہنا کیسا؟
- حمد اور مُناجات میں فرق
- گانوں کی طَرز پر نعت پڑھنا کیسا؟
- نعت میں” تُو “یا”تیرا “ کا اِستعمال
- رات دیر تک نعت خوانی کرنا
- اِیذائے مسلم کی روک تھام
- والدین کو ناراض کر کے مَحافل میں شِرکت کرنا کیسا؟
- نعت خواں حُبِّ جاہ سے کیسے بچیں؟
- نعت خواں اپنے اندر اِخلاص کیسے پیدا کریں؟
- اُمَّت کے اَحوال سے باخبر آقا
- قَلب مُبارَک میں دو آنکھیں اور دو کان
- نمازِ باجماعت کاجذبہ بیدار کرنے کے واقعات
- ساری رات کی عبادت سے بہتر عمل
- اَمیرِ اہلسنَّت کا باجماعت نماز پڑھنے کا معمول
- رات تاخیر سے گھر پہنچنے میں والدین کی ناراضی
- مَدَنی مشورے کی وجہ سے تاخیرسے گھر پہنچنا
- بڑی راتوں کے اِجتماعات
- اسلامی بہنوں کے لیے مَدَنی کام کا وقت
- دن میں دعوتِ اسلامی کامدنی کام
