30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
مضاربت اور اس کےضروری احکام
مرکز الاقتصا د الاسلامی دار الافتاء اہلسنت (دعوت اسلامی)
Islamic Economics Centre Darulifta Ahlesunnat (Dawat e islami)
از قلم: مولانا فرحان احمد عطاری مدنی متخصص فی الفقہ الاسلامی دار الافتاء اہل سنت
مضاربت کی تعریف
(Definition Of Mudaraba)
ایک ایسا کاروباری معاہدہ جس میں ایک جانب سے مال اوردوسری جانب سے کام کرکے نفع میں شرکت کی جاتی ہے۔ اس تعریف سے پتہ چلاکہ مضاربت میں تین چیزیں اہم ہیں :
1. رب المال (Investor)
2. مضارب (Working Partner)
3. راس المال (Capital)
مضاربت کا حدیث پاک سے ثبوت:
سنن کبری للبیھقی میں ہے :”ان ابن عمر کان یکون عندہ مال الیتم فیزکیہ ویعطیہ مضاربۃ“ یعنی عبداللہ بن عمر رضی اللہ عنھماکے پاس کسی یتیم کا مال تھاآپ اس کی حفاظت کرتے اور اسے مضاربت کے طور پر دیتے تھے۔(السنن الکبری للبیھقی ، جلد6،صفحہ184،دارالکتب العلمیہ بیروت)
سنن دار قطنی ،السنن الکبری للبیھقی وغیرہ میں ہے:”کان العباس بن عبد المطلب دفع مالا مضاربۃ “یعنی حضرت عباس بن عبدالمطلب رضی اللہ عنہما نے مضاربت کے طور پر مال دیا۔ (السنن الکبری للبیھقی ، جلد6،صفحہ184،دارالکتب العلمیہ بیروت)
مضاربت کا معاہدہ کرتے وقت درج ذیل چیزوں کی رعایت ضروری ہے
سرمایہ(Capital) کرنسی کی صورت میں ہو
2. سرمایہ معلوم ہو
3. سرمایہ قرض نہ ہو
4. سرمایہ مکمل طور پر مضارب کے قبضہ میں دے دیا جائے
5. نفع دونوں پارٹنر کے درمیان فیصد کے اعتبار سے طے اور معلوم ہو،روپوں میں مقرر نہ کیا جائے
6. مضاربت چلتے کاروبار میں نہ ہو
7. نقصان کی ذمہ داری مضارب پر نہ ہو
8. انویسٹر کامضارب کے ساتھ کام کرنا اگریمنٹ میں شرط نہ ہو1
1 (درمختارمع ردالمحتار،جلد8،صفحہ500) (بہارشریعت،جلد3،صفحہ1تا3)
کتاب کا موضوع
کتاب کا موضوع