مرآۃ المناجیح شرح مشکوٰۃ المصابیح جلد ہشتم

Home
Al Madina Library
Miraat-ul-Manajeeh Sharah Mishkaat-ul-Masabeeh jild 8
Page 578

کتاب میں نتائج:

(۸)صنابحی: آپ اسی نام سے مشہور ہیں کیونکہ آپ صنالج ابن زاہر ابن عامر قبیلہ سے ہیں جو مراد کے خاندان میں سے ہے آپ کا اصلی نام عبدالله ہے۔

(۹)ابو صرمہ: آپ کا نام مالک ابن قیس ہے مازنی ہیں،بدر وغیرہ تمام غزوات میں شریک ہوئے۔

ص۔۔۔تابعین عظام

(۱)صالح ابن خوات: آپ انصاری مدنی ہیں،ابو سہل ابن ابی حثمہ سے آپ کی ملاقات ہے۔

(۲)صالح ابن درہم: آپ باہلی ہیں،حضرت ابوہریرہ سے احادیث روایت کرتے ہیں۔

(۳)صالح ابن حسان: مدنی ہیں،بصرہ میں رہے امام بخاری کہتے ہیں،منکر الحدیث ہیں۔

(۴)صخر ابن عبداﷲ: آپ عبداﷲ ابن بریدہ کے بیٹے ہیں،اپنے والد اور دادا سے احادیث روایت کرتے ہیں۔

(۵)صفوان ابن سلیم: آپ زہری ہیں،حمید ابن عبدالرحمن ابن عوف کے آزاد کردہ ہیں،جلیل القدر تابعی ہیں،اہلِ مدینہ سے ہیں،بندگانِ صالحین سے ہیں،چالیس سال زمین سے پیٹھ نہ لگائی،زیادہ سجدہ کی وجہ سے پیشانی میں گڑھا پڑ گیا تھا کبھی بادشاہی عطیہ قبول نہیں کیا آپ کے بہت فضائل ہیں،۱۳۲ ایک سو بتیس میں وفات پائی۔

(۶)ابوصالح: آپ کا نام ذکوان ہے سمان اور زیات لقب ہے مدنی ہیں،چونکہ تیل اور گھی کوفہ لے جاتے تھے اس لیے آپ کے یہ القاب ہوئے۔ام المؤمنین جویریہ بنت حارث کے آزاد کردہ ہیں،آپ سے بہت احادیث مروی ہیں۔

ص۔۔۔صحابیات

(۱)صفیہ: آپ حی ابن اخطب کی بیٹی ہیں،بنی اسرائیل سے ہیں،حضرت ہارون علیہ السلام کی اولاد سے ہیں،پہلے کنانہ ابن ابی حقیق کے نکاح میں تھیں جو جنگ خیبر میں مارا گیا یعنی محرم ۷ سات میں آپ قید ہو کر آئیں اور دحیہ کلبی ابن خلیفہ کلبی کے حصہ میں آئیں،حضور انور نے سات غلام انہیں دے کر ان سے خریدلیں انہیں آزاد فرما کر خود ان سے نکاح فرمالیا یعنی ام المؤمنین ہیں،۵۰ پچاس میں مدینہ منورہ میں وفات ہوئی،بقیع میں دفن ہوئیں،آپ سے حضرت انس اور عبداﷲ ابن عمر وغیرہما نے احادیث روایت کیں۔

(۲)صفیہ بنت عبدالمطلب: آپ حضور انور کی پھوپھی ہیں،اسلام سے پہلے حارث ابن حرب کے نکاح میں تھیں اس کی موت کے بعد عوام ابن خویلد کے نکاح میں آئیں ان سے حضرت زبیر پیدا ہوئے،بہت عمر پائی خلافت فاروقی ۲۰ بیس میں وفات پائی تہتّر سال عمر ہوئی مدینہ منورہ کے قبرستان میں بقیع میں دفن ہوئیں۔

(۳)صفیہ بنت ابی عبید: آپ ثقفیہ ہیں،مختار ابن ابی عبید کی بہن ہیں،عبداﷲ ابن عمر کی زوجہ حضور انور کی صحبت یافتہ ہیں،آپ کے کلام سنے مگر کسی حدیث کی حضور سے روایت نہیں کی حضرت عائشہ حفصہ وغیرہم سے روایات لیتی ہیں۔

(۴)صفیہ بنت شیبہ: آپ جمحی ہیں۔حق یہ ہے کہ آپ نے حضور انور سے احادیث روایت نہیں کیں۔

(۵)صماء بنت بسر: آپ مازنیہ ہیں،صحابیہ ہیں،آپ کا نام بہیمہ ہے،صماء لقب ہے۔

ض۔۔۔صحابہ کرام

کتاب کا موضوع

صراط الجنان

موبائل ایپلیکیشن

Play Store App Store

معرفۃ القرآن

موبائل ایپلیکیشن

Play Store App Store

فیضانِ حدیث

موبائل ایپلیکیشن

Play Store App Store

پریئر ٹائمز

موبائل ایپلیکیشن

Play Store App Store

ریڈ اینڈ لسن

موبائل ایپلیکیشن

Play Store App Store

اسلامک ای بک لائبریری

موبائل ایپلیکیشن

Play Store App Store

نعت کلیکشن

موبائل ایپلیکیشن

Play Store App Store

بہار شریعت

موبائل ایپلیکیشن

Play Store App Store

فیڈبیک

اپنی قیمتی آراء دینے کے لئے support@dawateislami.net پر ای میل کیجئے یا فیڈ بیک کے بٹن پر کلک کیجئے

ڈونیشن

اپنے عطیات دعوت اسلامی کو دیجئے، آپ کے چندے یعنی ڈونیشن کو کسی بھی جائز، دینی، اصلاحی، فلاحی، روحانی، خیرخواہی، بھلائی اور آمدنی بڑھانے کے جائز اور محفوظ کام میں لگایا جا سکتا ہے تا کہ بڑھتے اخراجات کو پورا کیا جا سکے.

سرچ کریں

کتابیں منتخب کریں

کیٹیگری سیلیکٹ کریں

کتاب میں نتائج: